ਡਾ: ਕੌਸਰ ਮਹਿਮੂਦ ਜੀ ਦਾ ਸ਼ੁਕਰੀਆ। ਉਹਨਾਂ ਨੇ ਮੈਨੂੰ ਰਾਤੀਂ ਇਹ ਖ਼ੂਬਸੂਰਤ ਰਚਨਾ ਪਾਕਿਸਤਾਨ ਤੋਂ ਫ਼ੋਨ ਤੇ ਲਿਖਵਾਈ।
ਨਜ਼ਮ
ਇਹ ਧਰਤੀ ਫੁੱਲ ਗੁਲਾਬ ਸਈਓ।
ਇਹ ਨਾਨਕ ਦਾ ਪੰਜਾਬ ਸਈਓ।
ਇਹ ਸਾਡਾ ਮੱਠ, ਗ੍ਰੰਥ, ਵਿਹਾਰ ਏਹੋ
ਸਾਡਾ ਕਾਬਾ, ਹਰਿਦਵਾਰ ਏਹੋ
ਸਾਡਾ ਬਦਰੀ ਨਾਥ, ਕੇਦਾਰ ਏਹੋ
ਸਾਡਾ ਜਿਉਂਣਾ-ਮਰਨਾ ਯਾਰ ਏਹੋ
ਅਸਾਂ ਏਥੇ ਈ ਮੱਥਾ ਟੇਕਣਾ,
ਸਤਿਗੁਰੂਆਂ ਦਾ ਦਰਬਾਰ ਏਹੋ
ਇਹਦੇ ਸਤਲੁਜ, ਜੇਹਲਮ, ਬਿਆਸ ਵਿਸ਼ਾਲ
ਇਹਦੇ ਭਰਵੇਂ ਰਾਵੀ, ਚਨਾਬ ਸਈਓ।
ਇਹ ਧਰਤੀ ਫੁੱਲ ਗੁਲਾਬ ਸਈਓ।
ਇਹ ਨਾਨਕ ਦਾ ਪੰਜਾਬ ਸਈਓ।
ਇਹਦਾ ਲਾੜਾ ਬੁੱਲ੍ਹੇ ਸ਼ਾਹ ਥਿਆ**
ਸ਼ਾਹਬਾਲਾ* ਸ਼ਾਹ ਹੁਸੈਨ ਜਿਹਾ
ਇਹਦੇ ਦਰਦ ਸਹੇੜੇ ਬਾਹੂ ਨੇ,
ਇਹਦਾ ਦਰਦੀ ਗ਼ੁਲਾਮ ਫ਼ਰੀਦ ਥਿਆ**
ਇਹਨੂੰ ਲਾਇਆ ਰੰਗ ਮੁਹੰਮਦ ਬਖ਼ਸ਼
ਇਹਨੂੰ ਜੰਨਤ ਵਾਰਿਸ਼ ਸਾਹ ਕਿਹਾ
ਇਹਦਾ ਸੇਵਕ ‘ਕੌਸਰ’ ਉਮਰਾਂ ਦਾ
ਇਹਦਾ ਤੱਕਿਆ ਫ਼ਰੀਦ ਨੇ ਖ਼ਾਬ ਸਈਓ।
ਇਹ ਧਰਤੀ ਫੁੱਲ ਗੁਲਾਬ ਸਈਓ।
ਇਹ ਨਾਨਕ ਦਾ ਪੰਜਾਬ ਸਈਓ।
* ਸਰਵਾਲਾ( ਲਾੜੇ ਦਾ ਸਾਥੀ), ** ਬਣਿਆ,
2 comments:
'ਆਰਸੀ’ ਲਈ ਰਚਨਾਵਾਂ ਭੇਜਣ ਲਈ ਤੁਹਾਡਾ ਬੇਹੱਦ ਸ਼ੁਕਰੀਆ। ਅੱਗੇ ਤੋਂ ਵੀ ਭਰਵੇਂ ਸਹਿਯੋਗ ਦੀ ਆਸ ਨਾਲ਼...
ਤਨਦੀਪ ‘ਤਮੰਨਾ’
Dr. Kausar saheb: Main keha si na ke eh nazam tan mera chori karn nu jee karda...sach jaaneo..Ajj Mom te Dad nu vi eh nazam jadon sunayee tan ohna wah!! Wah!! pata ni kinni vaar keeti..Rabb karey tussi eddan hi uss sohne de rang ch rangey likhdey raho te 'Aarsi' de raahi parhdey rehan. Teh dilon mashqoor haan!!
Tamanna
Post a Comment