ਗ਼ਜ਼ਲਮੈਂ ਅਪਣੇ ਵਾਲ਼ਾਂ ਵਿੱਚ ਗੁੰਝਲ ਵੇਖ ਰਿਹਾਂ।
ਤੇਰੇ ਗੋਰੇ ਹੱਥ ਵਿਆਕੁਲ ਵੇਖ ਰਿਹਾਂ।
----
ਰੀਣ ਕੁ ਭਰ ਵੀ ਤੇਰਾ ਪਿਆਰ ਸੁਆਂਗ ਨਹੀਂ,
ਤੇਰੀ ਧੜਕਣ ਬਿਹਬਲ, ਪਾਗਲ ਵੇਖ ਰਿਹਾਂ।
----
ਵੇਖ ਰਿਹਾਂ, ਤਸਵੀਰ ਮੁਕੰਮਲ ਵੇਖ ਰਿਹਾਂ,
ਬਾਰਿਸ਼ ਦੀ ਹਰ ਬੂੰਦ ‘ਚ ਬੱਦਲ ਵੇਖ ਰਿਹਾਂ।
----
ਲਗਦੈ ਰਾਤੀਂ ਤੇਰੇ ਕੁਝ ਸੁਪਨੇ ਤਿੜਕੇ,
ਮੈਂ ਆਪਣੇ ਨੈਣਾਂ ਵਿੱਚ ਹਲਚਲ ਵੇਖ ਰਿਹਾਂ।
----
ਅੱਜ ਮੈਂ ਅਪਣੀ ਉਮਰ ਨੂੰ ਕੋਲ਼ ਬਿਠਾਇਆ ਏ,
ਕੀ ਕੀ ਝੋਰਾ ਕੀ ਕੀ ਹਾਸਲ ਵੇਖ ਰਿਹਾਂ।
3 comments:
ik ik shaer bahut taaza, biaan pakkhon nivekla ,ate practical hai, tussi vi chhapan da uprala zaroor karo ji taa jo ih nave rang saare hi maanan.
ਜਗਜੀਤ ਸੰਧੂ ਦੀਆਂ ਗ਼ਜ਼ਲਾਂ 'ਚ ਨਵਾਂਪਣ ਤੇ ਵੱਖਰਾਪਣ ਹੈ।
ਮੈਂ ਅਪਣੇ ਵਾਲਾਂ ਵਿੱਚ ਗੁੰਝਲ ਵੇਖ ਰਿਹਾਂ
ਤੇਰੇ ਗੋਰੇ ਹੱਥ ਵਿਆਕੁਲ ਵੇਖ ਰਿਹਾਂ।
ਬਹੁਤ ਖ਼ੂਬਸੂਰਤ ਖ਼ਿਆਲ ਹੈ। ਸਾਰੀ ਗ਼ਜ਼ਲ ਵਾਰ ਵਾਰ ਪੜ੍ਹਨ ਨੂੰ ਮਨ ਕਰਦਾ ਹੈ।
ਕੋਈ ਕਿਤਾਬ ਆਈ ਹੈ ਸੰਧੂ ਸਾਹਿਬ?
ਜਸਵੰਤ ਸਿੱਧੂ
ਸਰੀ
Beautiful gazal Jagjit. Each and every sheir is unique.
Amol Minhas
California
Post a Comment