ਗ਼ਜ਼ਲਤੀਲਿਆਂ ਦੇ, ਰੋੜਿਆਂ ਦੇ, ਸ਼ੀਸ਼ਿਆਂ ਦੇ ਆਲ੍ਹਣੇ।
ਏਸ ਜੰਗਲ਼ ਵਿਚ ਨੇ ਕਿੰਨੀ ਤਰ੍ਹਾਂ ਦੇ ਆਲ੍ਹਣੇ।
-----
ਸ਼ਿਕਰਿਆਂ ਦੇ ਰਾਜ ਵਿਚ ਟੁੱਟੇ ਨੇ ਟੁਟਦੇ ਰਹਿਣਗੇ,
ਅਮਨ ਦੀ ਸੁਖ ਮੰਗ ਰਹੀਆਂ ਘੁੱਗੀਆਂ ਦੇ ਆਲ੍ਹਣੇ।
-----
ਫੇਰ ਵੀ ਸੂਰਜ ਬਿਨਾ ਏਨ੍ਹਾਂ ‘ਚ ਰਹਿਣਾ ਹੈ ਹਨੇਰ,
ਲਖ ਬਣਾ ਭਾਵੇਂ ਤੂੰ ਚੰਨਾਂ-ਤਾਰਿਆਂ ਦੇ ਆਲ੍ਹਣੇ।
-----
ਸ਼ੀਸ਼ਿਆਂ ਦੇ ਮਹਿਲ ਵਿਚ ਸਾਨੂੰ ਨਾ ਆਈ ਨੀਂਦ ਜਦ,
ਫਿਰ ਬੜਾ ਹੀ ਯਾਦ ਆਏ ਤੀਲਿਆਂ ਦੇ ਆਲ੍ਹਣੇ।
-----
ਬਾਰਿਸ਼ਾਂ ਲੁਟਣਾ ਇਹਨਾਂ ਦਾ ਹੱਕ਼ ਹੈ, ਨਾ ਕਿ ਗੁਨਾਹ,
ਬਲ਼ ਰਹੇ ਬਿਰਖ਼ਾਂ ਦੇ ਉੱਤੇ ਹਨ ਜਿਨ੍ਹਾਂ ਦੇ ਆਲ੍ਹਣੇ।
-----
ਉਹ ਕਹਾਣੀ ਫੇਰ ਦੁਹਰਾਈ ਗਈ ਮੇਰੇ ਗਰਾਂ,
ਬਾਂਦਰਾਂ ਨੇ ਤੋੜ ਸੁੱਟੇ ਬਿਜੜਿਆਂ ਦੇ ਆਲ੍ਹਣੇ।
4 comments:
behad vadia ghazal. symbols bakamaal.
...Sohal ji, tuhaadi ghazal bohut hi uttam laggi...wah-wah!...
Ik vadhiya ghazal, jisnu dubara parhan nu dil kita.
Sohal Sahib Khubsurt Gazal vaste mubark
Post a Comment