ਕਾਫ਼ੀ
ਮਿੱਟੀ ਚਾਕ ਚੜ੍ਹਾਂਦਾ ਯਾਰ।
ਸੋਹਣੀ ਸ਼ਕਲ ਬਣਾਂਦਾ ਯਾਰ।
ਜਿਸ ਦਿਲ ਪ੍ਰੇਮ ਦਾ ਦੀਵਾ ਬਲ਼ੇ
ਪੱਲਾ ਮਾਰ ਬੁਝਾਂਦਾ ਯਾਰ।
ਮਿੱਟੀ ਚਾਕ ਚੜ੍ਹਾਂਦਾ ਯਾਰ।
ਲੇਖਾਂ ਉੱਤੇ ਲੀਕਾਂ ਮਾਰੇ
ਭਾਵੇਂ ਜੱਗ ਪਿਆ ਚੀਕਾਂ ਮਾਰੇ
ਆਪੇ ਖੇਡ ਤੇ ਆਪ ਖਿਡਾਰੀ
ਆਪਣੀਆਂ ਕਸਮਾਂ ਖਾਂਦਾ ਯਾਰ।
ਮਿੱਟੀ ਚਾਕ ਚੜ੍ਹਾਂਦਾ ਯਾਰ।
ਆਪੇ ਕਲਮ ਕਿਤਾਬਾਂ ਖੋਲ੍ਹੇ
ਬੁੱਤ-ਖ਼ਾਨੇ ਵਿੱਚ ਆਪੇ ਬੋਲੇ
ਸੱਚਾ ਨਾਮ ਸੂ ਆਪ ਧਰਾਇਆ
ਕੂੜ ਅਸਾਂ ਕੂ ਭਾਂਦਾ ਯਾਰ।
ਮਿੱਟੀ ਚਾਕ ਚੜ੍ਹਾਂਦਾ ਯਾਰ
ਕਾਸ਼ੀ ਮਰਨਾ, ਮੱਕੇ ਮਰਨਾ
ਗ਼ੈਰਾਂ ਮਰਨਾ, ਸੱਕੇ ਮਰਨਾ
ਮਰਨਾ-ਜਿਊ ਦਾ ਲੇਖ ਲਿਖਾਇਆ
ਅਜ਼ਲਾਂ ਤੋਂ ਫ਼ਰਮਾਂਦਾ ਯਾਰ।
ਮਿੱਟੀ ਚਾਕ ਚੜ੍ਹਾਂਦਾ ਯਾਰ।
2 comments:
‘ਆਰਸੀ’ ਲਈ ਰਚਨਾਵਾਂ ਭੇਜਣ ਲਈ ਤੁਹਾਡਾ ਬੇਹੱਦ ਸ਼ੁਕਰੀਆ। ਅੱਗੇ ਤੋਂ ਵੀ ਭਰਵੇਂ ਸਹਿਯੋਗ ਦੀ ਆਸ ਨਾਲ਼...
ਤਨਦੀਪ ‘ਤਮੰਨਾ’
Dr. Kausar saheb:
Tuhadiaan kaafiaan ton parbhavit ho ke laggda ikk din main vi sufiaana rang lai auna shayeri ch..:)...Vaise recently aunda vi jaa reha hai..I can feel it!!
ਮਿੱਟੀ ਚਾਕ ਚੜ੍ਹਾਂਦਾ ਯਾਰ।
ਸੋਹਣੀ ਸ਼ਕਲ ਬਣਾਂਦਾ ਯਾਰ।
ਜਿਸ ਦਿਲ ਪ੍ਰੇਮ ਦਾ ਦੀਵਾ ਬਲ਼ੇ
ਪੱਲਾ ਮਾਰ ਬੁਝਾਂਦਾ ਯਾਰ।
Indeed, He is Omnipresent.
Tamanna
Post a Comment