ਲੰਡਨ
ਨਜ਼ਮ
ਅਣਜਾਣੇ ਸ਼ਹਿਰ ‘ਚ-
ਬੇਮਕਸਦ ਜਿਹੀ ਘੁੰਮਦੀ ਹਾਂ
ਦਮ ਘੁੱਟਦਾ ਜਾਂਦੈ….
ਕਿਸੇ ਕੋਨੇ ‘ਤੇ
ਘਰ ਦਾ ਸਿਰਨਾਵਾਂ ਨਹੀਂ
ਏਥੇ ਮੋਮਬੱਤੀਆਂ ਵਾਂਗੂੰ
ਪਿਘਲ਼ਦੀਆਂ ਜਾਂਦੀਆਂ ਨੇ
ਸ਼ਕਲਾਂ
ਤੇ ਟਰੇਨਾਂ ‘ਚੋਂ ਉੱਤਰਦੀਆਂ …
ਢਲ਼ਦੀਆਂ ਜਾਂਦੀਆਂ ਨੇ …
ਹੋਰ ਸ਼ੈਆਂ ਵਿੱਚ।
ਜਿਉਂਣ ਦੇ ਬਹਾਨੇ ਲੱਭਦੀਆਂ
ਫ਼ਿੱਕੇ ਤੇ ਨਕਲੀ ਹਾਸੇ ਹੱਸਦੀਆਂ।
ਤੜਕੇ ਜਿਹੇ
ਸਾਰਾ ਸ਼ਹਿਰ ਘੂਕ ਸੌਂ ਰਿਹੈ
ਸ਼ਾਇਦ….
ਸਿਰਫ਼ ਮੈਂ ਹੀ ਨਹੀਂ ਤਨਹਾ
ਦਰੱਖਤਾਂ ਦਾ ‘ਕੱਲਾ-‘ਕੱਲਾ ਪੱਤਾ …
ਖ਼ਿਜ਼ਾਂ ਦੀ ਆਮਦ ਤੇ …
ਉਦਾਸ ਤੇ ਬੇਨੂਰ ਹੈ!
No comments:
Post a Comment