ਗ਼ਜ਼ਲ
ਦਫ਼ਤਰਾਂ ਵਿਚ ਰੁਲ਼ਦੀਆਂ ਨੇ ਡਿਗਰੀਆਂ।
ਪੈਸਿਆਂ ਲਈ ਵਿਕਦੀਆਂ ਨੇ ਹਸਤੀਆਂ।
----
ਜਦ ਜਵਾਨੀ ਖ਼ਾਕ ਵਿਚ ਹੀ ਰੁਲ਼ ਰਹੀ,
ਫੇਰ ਵੀ ਕਿਉਂ ਸੁਝਦੀਆਂ ਨੇ ਮਸਤੀਆਂ?
----
ਉਹ ਕਦੇ ਨਾ ਹਾਰਦੀ ਜਿਸ ਕੌਮ ਨੂੰ,
ਜਾਨ ਤੋਂ ਵੀ ਪਿਆਰੀਆਂ ਨੇ ਰਖੜੀਆਂ।
----
ਅਪਣਿਆਂ ਦਾ ਖ਼ੂਨ ਚਿੱਟਾ ਹੋ ਗਿਆ,
ਹਰ ਕਿਸੇ ਦੇ ਦਿਲ ‘ਤੇ ਜੰਮੀਆਂ ਖ਼ੁਸ਼ਕੀਆਂ।
----
ਮਾਰ ਜੀ ਖਾਂਦੇ ਰਹੇ ਹਰ ਮੋੜ ‘ਤੇ,
ਗਈਆਂ ਨਾ ਸਾਥੋਂ ਵਫ਼ਾਵਾਂ ਪਰਖੀਆਂ।
----
ਲੋਭ, ਮੋਹ.ਹੰਕਾਰ ਮਾਰੀ ਧਰਤ ‘ਤੇ
ਮੌਤ ਮਹਿੰਗੀ ਹੈ ਤੇ ਜਿੰਦਾਂ ਸਸਤੀਆਂ।
----
ਤੁਰ ਗਿਓਂ ਪਰਦੇਸ ਨੂੰ ਦਿਲ ਤੋੜ ਕੇ,
ਖਾ ਲਿਆ ਹੈ ਤੈਨੂੰ ਪਰਾਈਆਂ ਧਰਤੀਆਂ।
----
ਸ਼ਹਿਰ ਤੇਰੇ ਹਰ ਗਲ਼ੀ ਹਰ ਮੋੜ ‘ਤੇ.
ਨਾਗ ਬੈਠੇ ਨੇ ਬਣਾ ਕੇ ਵਰਮੀਆਂ।
----
ਮਾਰਿਆ ਮੈਨੂੰ ਸਮਰਪਣ ਭਾਵਨਾ,
ਮਾਰਿਆ ਤੈਨੂੰ ਇਵੇਂ ਖ਼ੁਦਗ਼ਰਜ਼ੀਆਂ।
----
ਮਾਸੀਆਂ, ਭੈਣਾਂ ਨੂੰ ਤਰਸੋਗੇ ਤੁਸੀਂ,
ਇਸ ਕਦਰ ਦੁਤਕਾਰੀਆਂ ਜੇ ਲੜਕੀਆਂ।
ਕਿਤਾਬ: 'ਤਰੇਲ ਜਿਹੇ ਮੋਤੀ' 'ਚੋਂ ਧੰਨਵਾਦ ਸਹਿਤ
1 comment:
Respected Kuljit ji...bahut sohni ghazal tuhadi kitab chon post keeti hai. Mainu bahut hi pasand aayee..khaas taur te eh sheyer..
ਦਫ਼ਤਰਾਂ ਵਿਚ ਰੁਲ਼ਦੀਆਂ ਨੇ ਡਿਗਰੀਆਂ।
ਪੈਸਿਆਂ ਲਈ ਵਿਕਦੀਆਂ ਨੇ ਹਸਤੀਆਂ।
----
ਅਪਣਿਆਂ ਦਾ ਖ਼ੂਨ ਚਿੱਟਾ ਹੋ ਗਿਆ,
ਹਰ ਕਿਸੇ ਦੇ ਦਿਲ ‘ਤੇ ਜੰਮੀਆਂ ਖ਼ੁਸ਼ਕੀਆਂ।
---
ਮਾਸੀਆਂ, ਭੈਣਾਂ ਨੂੰ ਤਰਸੋਗੇ ਤੁਸੀਂ,
ਇਸ ਕਦਰ ਦੁਤਕਾਰੀਆਂ ਜੇ ਲੜਕੀਆਂ।
Bahut khoob!! Jaldi hi tuhadey nal gall hon di aas naal...
Tamanna
Post a Comment