ਨਾਮ: ਬਲਬੀਰ ਸਿੰਘ ਡੁਮੇਲੀ ਜਨਮ : ਜਨਵਰੀ 24, 1954
ਨਿਵਾਸ: ਨਿਊਯਾਰਕ, ਯੂ.ਐੱਸ.ਏ.
ਸੰਤ ਬਾਬਾ ਦਲੀਪ ਸਿੰਘ ਮੈਮੋਲੀਅਲ ਖ਼ਾਲਸਾ ਕਾਲਜ, ਡੁਮੇਲੀ ਤੋਂ ਬੀ ਏ ਕੀਤੀ। ਐਮ ਏ (ਪੁਲੀਟੀਕਲ ਸਾਇੰਸ ਦੀ-ਭਾਗ ਪਹਿਲਾ) ਕਰਕੇ ਅਮਰੀਕਾ ਆ ਗਏ। ਚਾਲੀ ਕੁ ਨਜ਼ਮਾਂ ਲਿਖੀਆਂ ਹਨ। ਵੱਡੇ ਭਰਾ ਉਂਕਾਰ ਸਿੰਘ ਡੁਮੇਲੀ ਅਤੇ ਜਸਬੀਰ ਸਿੰਘ ਡੁਮੇਲੀ ਵੀ ਲਿਖਦੇ ਹਨ। ਬਲਬੀਰ ਦਾ ਬੇਟਾ ਅਮਰਜੀਤ ਸਿੰਘ ਡੁਮੇਲੀ ਵੀ ਲਿਖਦਾ ਹੈ। ਬਲਬੀਰ ਪੰਜਾਬੀ ਸਾਹਿਤ ਅਕੈਡਮੀ ਨਿਊਯਾਰਕ ਦਾ ਪਬਲਿਕ ਰਿਲੇਸ਼ਨ ਆਫੀਸਰ ਹੈ।
ਸੁਰਿੰਦਰ ਸੋਹਲ
ਯੂ.ਐੱਸ.ਏ.
-------------
ਦੋਸਤੋ! ਸੁਰਿੰਦਰ ਸੋਹਲ ਜੀ ਨੇ ਬਲਬੀਰ ਸਿੰਘ ਡੁਮੇਲੀ ਜੀ ਦੀ ਇਹ ਖ਼ੂਬਸੂਰਤ ਗ਼ਜ਼ਲ ਆਰਸੀ ਲਈ ਭੇਜੀ ਹੈ। ਉਹਨਾਂ ਦਾ ਬੇਹੱਦ ਸ਼ੁਕਰੀਆ ਅਤੇ ਡੁਮੇਲੀ ਜੀ ਨੂੰ ਆਰਸੀ ਦੇ ਤਮਾਮ ਲੇਖਕ / ਪਾਠਕ ਸਾਹਿਬਾਨਾਂ ਵੱਲੋਂ ਜੀਅ ਆਇਆਂ ਨੂੰ।
ਅਦਬ ਸਹਿਤ
ਤਨਦੀਪ ‘ਤਮੰਨਾ’
==============
ਗ਼ਜ਼ਲ
ਕਿਸ ਨੇ ਅੱਜ ਅੰਬਰ ਵਿਚ ਲਾਂਬੂ ਲਾਇਆ ਹੈ।
ਉੱਡਦੇ ਹਰ ਪੰਛੀ ਨੂੰ ਹੀ ਝੁਲਸਾਇਆ ਹੈ।
-----
ਤੇਲ ਨਹੀਂ ਹੰਝੂ ਚੋਏ ਦਹਿਲੀਜ਼ਾਂ ’ਤੇ,
ਕਾਮਾ ਪੁੱਤ ਬਣ ਮਿੱਟੀ ਘਰ ਮੁੜ ਆਇਆ ਹੈ।
----
ਕ੍ਰਿਸ਼ਨ ਤਾਂ ਰੱਖਿਆ ਕਰਨੀ ਚਾਹੁੰਦਾ ਹੈ ਉਸਦੀ,
ਪਰ ਪੰਚਾਲੀ ਖ਼ੁਦ ਹੀ ਪੱਲੂ ਲਾਹਿਆ ਹੈ।
----
ਕਦੇ ਨਸ਼ੇ ਸਨ ਗਿੱਧੇ, ਭੰਗੜੇ, ਤੀਆਂ ਦੇ,
ਮਾਰੂ ਨਸ਼ੇ ’ਚ ਅੱਜ ਹਰ ਪਿੰਡ ਨਸ਼ਿਆਇਆ ਹੈ।
----
ਸ਼ਹਿਰ ਅੰਦਰ ‘ਸੁਖ-ਸਾਂਦ’ ‘ਬਰਾਬਰ’ ਸਾਰੇ ਨੇ,
ਹਾਕਮ ਨੇ ਬੰਬਾਂ ਦਾ ਮੀਂਹ ਬਰਸਾਇਆ ਹੈ।
2 comments:
Very beautiful frm all aspects!!!!
pehla te dooja shayar bahut sohne lagge.
Post a Comment