ਮੌਸਮ

ਆਰਸੀ ਤੇ ਨਵੀਆਂ ਰਚਨਾਵਾਂ

ਦੋਸਤੋ! ਜਿਵੇਂ ਕਿ ਤੁਸੀਂ ਜਾਣਦੇ ਹੀ ਹੋ ਕਿ ਆਰਸੀ ਨੂੰ Facebook ਅਤੇ Twitter ਨਾਲ਼ ਵੀ ਜੋੜ ਦਿੱਤਾ ਗਿਆ ਹੈ। ਜੇਕਰ ਤੁਹਾਡੇ ਕੋਲ਼ ਇਹਨਾਂ ਸਾਈਟਾਂ ਤੇ ਅਕਾਊਂਟ ਹਨ, ਤਾਂ ਤੁਸੀਂ ਆਰਸੀ ਬਲੌਗ ਨੂੰ ਓਥੋਂ ਵੀ join ਅਤੇ follow ਕਰ ਸਕਦੇ ਹੋ। ਲਿੰਕ ਹੇਠਾਂ ਦਿੱਤੇ ਜਾ ਰਹੇ ਹਨ। ਹੁਣ ਤੱਕ ਤੁਹਾਡੇ ਦਿੱਤੇ ਹਰ ਸਹਿਯੋਗ ਲਈ ਮਸ਼ਕੂਰ ਹਾਂ।
ਅਦਬ ਸਹਿਤ
ਤਨਦੀਪ ਤਮੰਨਾ



Tuesday, December 1, 2009

ਕੁਲਵਿੰਦਰ - ਗ਼ਜ਼ਲ

ਗ਼ਜ਼ਲ

ਦੀਵਿਆਂ ਦਾ ਧਰਮ ਹੈ ਜਾਂ ਹੈ ਮੁਕੱਦਰ।

ਮੇਰਾ ਦਿਲ, ਕਿਉਂ ਮੇਰਾ ਦਿਲ, ਬਲ਼ਦਾ ਹੈ ਅਕਸਰ?

-----

ਪੌਣ ਨੇ ਪਲ ਭਰ ਚ ਦਿੱਤਾ ਮੇਟ ਉਸਨੂੰ,

ਉਮਰ ਭਰ ਲਿਖਿਆ ਸੀ ਮੈਂ ਜੋ ਰੇਤ ਉੱਪਰ।

-----

ਮੈਂ ਨਦੀ ਹਾਂ ਖ਼ੁਦ ਨੂੰ ਟੁਕੜਾ ਟੁਕੜਾ ਕਰਕੇ,

ਮੈਂ ਕਈ ਰੰਗਾਂ ਚ ਡਿੱਠਾ ਹੈ ਸਮੁੰਦਰ।

-----

ਜਿਸ ਨੂੰ ਤੂੰ ਸਮਝੇਂ ਸਿਤਾਰਾ ਖ਼ੂਬਸੂਰਤ,

ਉਹ ਮੇਰੇ ਵਾਂਗੂੰ ਖ਼ਲਾ ਵਿਚ ਭਟਕੇ ਪੱਥਰ।

-----

ਗੂੰਜ ਹਾਂ ਤੇ ਮਨ ਚ ਮੇਰੇ ਡਰ ਹੈ ਏਹੋ,

ਖ਼ਤਮ ਹੋ ਜਾਣਾ ਮੈਂ ਤੈਨੂੰ ਮਿਲਣ ਤੀਕਰ।

-----

ਐ ਦਰਖਤੋ! ਸ਼ਾਂਤ ਹੋ ਜਾਵੋ ਤੁਸੀਂ ਵੀ,

ਚੀਕਦੀ ਫਿਰਦੀ ਹਵਾ ਜੰਗਲ਼ ਦੇ ਅੰਦਰ।

No comments: