ਗ਼ਜ਼ਲਰੰਗ ਉਸਤੇ ਹੋਰ ਗੂੜ੍ਹਾ ਦਾਗ਼ ਦਾ ਹੋਇਆ ਕਰੇ।
ਦਾਜ ਦੀ ਚਾਦਰ ਨੂੰ ਜਦ ਵੀ ਉਹ ਕੁੜੀ ਧੋਇਆ ਕਰੇ।
-----
ਆਪਣੇ ਹੀ ਘਰ ਦੇ ਅੰਦਰ, ਜਦ ਬਿਗਾਨੀ ਬਣ ਗਈ,
ਆਪਣਾ ਘਰ ਯਾਦ ਕਰਕੇ, ਹੋਰ ਵੀ ਰੋਇਆ ਕਰੇ।
-----
ਸੁਰਖ਼ੁਰੂ ਇਕ ਬਾਪ ਹੋਇਆ, ਲਾਸ਼ ਤਾਈਂ ਤੋਰ ਕੇ,
ਹੰਝੂਆਂ ਥੀਂ ਰੋਜ਼ ਹੀ ਉਹ ਲਾਸ਼ ਮੂੰਹ ਧੋਇਆ ਕਰੇ।
-----
ਤੋੜਕੇ ਜਿਸ ਵੇਲ ਨਾਲ਼ੋਂ, ਪੱਤੀ ਇਹ ਕੀਤੀ ਜੁਦਾਅ,
ਵੇਲ ਵੀ ਉਸ ਨਾਲ਼ ਹੀ, ਜੀਆ ਕਰੇ, ਮੋਇਆ ਕਰੇ।
-----
ਔਸੀਆਂ ਦਾ ਪਾਣੀ ਪਾ-ਪਾ, ਦਰਦ ਦੀ ਥਾਲ਼ੀ ਦੇ ਵਿਚ,
ਯਾਦ ਦਾ ਆਟਾ ਉਹ ਕਮਲ਼ੀ, ਬੈਠ ਕੇ ਗੋਇਆ ਕਰੇ।
-----
ਗਿਰ ਕੇ ਮਿੱਟੀ ਵਿੱਚ ਮਿੱਟੀ ਹੋ ਰਹੇ ਹੰਝੂ ਉਦ੍ਹੇ,
ਹੈ ਕੁਈ ਦਰਦੀ ਜੋ ਅੱਗੇ ਆਪਣਾ ਕੋਇਆ ਕਰੇ?
-----
ਦੇ ਦਿਓ ਜਾਕੇ ਸੁਨੇਹਾਂ, ਉਸ ਅਭਾਗਣ ਨੂੰ ਕੁਈ,
ਐਵੇਂ ‘ਬਾਦਲ’ ਦੇ ਵਿਛੋੜੇ, ਵਿੱਚ ਨਾ ਰੋਇਆ ਕਰੇ।
6 comments:
ਤੋੜਕੇ ਜਿਸ ਵੇਲ ਨਾਲ਼ੋਂ,ਪੱਤੀ ਇਹ ਕੀਤੀ ਜੁਦਾਅ
ਵੇਲ ਵੀ ਉਸ ਨਾਲ਼ ਹੀ, ਜੀਆ ਕਰੇ ਮੋਇਆ ਕਰੇ।
ਲਾਜਬਾਬ
Bahut kamaal..
ਤਨਦੀਪ! ਮੈਂ ਬਾਦਲ ਸਾਹਿਬ ਦੀ ਆਰਸੀ ਤੇ ਲੱਗੀ ਨਵੀਂ ਗਜ਼ਲ ਪੜ੍ਹ ਰਿਹਾਂ ਸਾਂ, ਬਹੁਤ ਪਸੰਦ ਆਈ ਦਾਰਸ਼ਨਿਕਤਾ ਭਰੀ ਸੋਚ, ਮੁੜ-ਮੁੜ ਮੈਨੂੰ ਬਾਵਾ ਬਲਵੰਤ ਦੀਆਂ ਪੜ੍ਹੀਆਂ ਲਿਖਤਾਂ ਦਾ ਚੇਤਾ ਆਉਣ ਲੱਗਾ। ਅਭਿਆਸ ਨਾਲ ਹੀ ਇੱਥੋਂ ਤੱਕ ਪਹੁੰਚਿਆ ਜਾ ਸਕਦਾ ਹੈ। ਉਸ ਗ਼ਜ਼ਲ ਦਾ ਖ਼ਾਸ ਕਰਕੇ ਇਹ ਸ਼ਿਅਰ ਮੈਨੂੰ ਬਹੁਤ ਪਸੰਦ ਆਇਆ:
ਰੰਗ ਉਸਤੇ ਹੋਰ ਗੂੜ੍ਹਾ ਦਾਗ ਦਾ ਹੋਇਆ ਕਰੇ
ਦਾਜ ਦੀ ਚਾਦਰ ਨੂੰ ਜਦ ਵੀ ਉਹ ਕੁੜੀ ਧੋਇਆ ਕਰੇ
ਅੱਗੇ ਵਾਸਤੇ ਇਸ ਕਲਮ ਲਈ ਤੋਂ ਆਉਣ ਵਾਲੀਆਂ ਰਚਨਾਵਾਂ ਲਈ ਬਹੁਤ ਸਾਰੀਆਂ ਦੁਆਵਾਂ।
ਕੇਹਰ ਸ਼ਰੀਫ਼
ਜਰਮਨੀ
Great Gazal!!!!!!!!!!! It is the reality. You have said my words!!!!!!!!!!!!!!!
Thanks
Varinder Litt
Bahuat vadhia, Mehsoos da naam eh gazal hai.......Darvesh
ਆਪ ਨੂੰ ਮੇਰਾ ਸਜਦਾ। ਤੁਹਾਡੀ ਕਿਸ ਲਿਖਤ ਦੀ ਕਿੰਨੀ ,ਕਿੰਨੀ ਤੇ ਕਿਵੇਂ ਕਿਵੇਂ ਸਿਫਤ ਕਰਾਂ ਪਹਿਲਾਂ ਤਾਂ ਮੈਨੂੰ ਸਾਹਿਤ ਤੋਂ ਅਣਜਾਣ ਬੰਦੇ ਨੂੰ ਇਹੋ ਨਹੀਂ ਪਤਾ ਲੱਗਦਾ ਤੇ ਜਦ ਪਤਾ ਲੱਗਦਾ ਤਾਂ ਮੈਨੂੰ ਉਹਨਾਂ ਸ਼ਬਦਾਂ ਦਾ ਸਿਰਨਾਂਵਾਂ ਨਹੀੳ ਮਿਲਦਾ ,ਜੋ ਤੁਹਾਡੀ ‘ਲਿਖਤ ਦੀ ਸਿਫਤ ਨੂੰ ਆਪਣੇ ਕਲਾਵੇ ਵਿੱਚ ਸਮੋ ਸਕਣ ,ਪਰ ਮੈਨੂੰ ਅਹਿਸਾਸ ਹੁੰਦਿਆਂ ਦੇਰ ਨਾਂ ਲੱਗੀ ਕੇ ਮੇਰੀ ਸਮਰੱਥਾ ਹੀ ਇੰਨੀ ਕੂੰ ਹੈ ਕਿ ਬਸ ਮੈਂ ਇਹੋ ਕਹਿ ਸਕਾਂ ਕੇ ‘ਕਮਾਲ ਹੀ ਕਮਾਲ ਹੈ,ਆਨੰਦ ਹੀ ਆਨੰਦ ਹੈ’।ਅਕਾਸ਼ ਦੀਪ ‘ਭੀਖੀ’ਪਰੀਤ ਪੰਜਾਬ ਤੋਂ । ਮੋਬਾਇਲ 9463374097, 9041270712
Post a Comment