ਗ਼ਜ਼ਲਸਿਰਾਂ ਦੇ ਬੋਝ ਨੇ ਰੂਹਾਂ ਨੂੰ ਬੇਖ਼ਮ ਹੋਣ ਨਾ ਦਿੱਤਾ।
ਸਿਧਾਰਥ ਹੋਣ ਦੀ ਕੋਸ਼ਿਸ਼ ਨੇ ਗੌਤਮ ਹੋਣ ਨਾ ਦਿੱਤਾ।
-----
ਜ਼ਿਰ੍ਹਾ ਅੰਦਰ ਦੀ ਨੇ ਰੱਖਿਆ ਕਟਹਿਰੇ ਵਿਚ ਹਮੇਸ਼ਾ ਹੀ,
ਜ਼ਿਰ੍ਹਾ ਬਾਹਰ ਦੀ ਨੇ ਮੰਨਿਆਂ ਕਿ ਮੁਜਰਮ ਹੋਣ ਨਾ ਦਿੱਤਾ।
-----
ਨ ਬੇਲਾ ਸੀ, ਨ ਕੱਚਾ ਸੀ, ਨ ਥਲ ਭਖਦਾ, ਨ ਜੰਡ ਕੋਈ,
ਨਜ਼ਰ ਆਪਣੀ ਨੇ ਹੀ ਮਹਿਰਮ ਨੂੰ ਮਹਿਰਮ ਹੋਣ ਨਾ ਦਿੱਤਾ।
-----
ਜਹੰਨਮ ਵਿਚ ਅਸਾਂ ਜੰਨਤ ਦੇ ਕੁਝ ਸੁਪਨੇ ਬਿਖੇਰੇ ਸਨ,
ਇਨ੍ਹਾਂ ਨੇ ਹੀ ਜਹੰਨਮ ਨੂੰ ਜਹੰਨਮ ਹੋਣ ਨਾ ਦਿੱਤਾ।
-----
ਵਿਦਾਈ ਤੇ ਨ ਬਦਸ਼ਗਨੀ ਕੋਈ ਹੋਵੇ, ਇਸੇ ਡਰ ਤੋਂ,
ਦਿਲੋਂ ਰੋਏ ਬੜਾ, ਪਰ ਅੱਖ ਨੂੰ ਨਮ ਹੋਣ ਨਾ ਦਿੱਤਾ।
No comments:
Post a Comment