ਤ੍ਰਿਵੇਣੀਆਂ
1----
ਗਰਮੀ ਹੋਵੇ ਗਰਮੀ ਮੰਨਾਂ
ਸਰਦੀ ਹੋਵੇ ਸਰਦੀ ਮੰਨਾਂ
ਸੱਚਾ ਹਾਂ ਜਾਂ ਕੱਚਾ ਹਾਂ ਮੈਂ ?
2----
ਫੁੱਲ ਨੂੰ ਦੇਖ ਕੇ ਮੈਂ ਖੁਸ਼ ਹੋਇਆ
ਕੀ ਓਹ ਵੀ ਹੋਇਆ ਹੋਵੇਗਾ
ਜਾਂ ਕਿ ਸਿਰਫ਼ ਵਹਿਮ ਹੈ ਮੈਨੂੰ ?
3----
ਹਰ ਹਨੇਰੇ ਤੋਂ ਸ਼ੁੱਧ ਹੁੰਦਾ ਹੈ
ਫਿਰ ਕਿਤੇ ਜਾ ਕੇ ਬੁੱਧ ਹੁੰਦਾ ਹੈ
ਚਾਨਣਾ ਮੁਫ਼ਤ ਵਿਚ ਨਹੀਂ ਮਿਲਦਾ ।
4----
ਰਾਤ ਨੂੰ ਇੱਦਾਂ ਨੇ ਜੁਗਨੂੰ ਉੱਡਦੇ
ਤਾਰਿਆਂ ਨੂੰ ਜਿਸ ਤਰਾਂ ਖੰਭ ਲੱਗਦੇ
ਨੈਣ ਬਿਰਹਣ ਦੇ ਉਦਾਸੀ ਚੁੰਮਦੀ।
5----
ਝੀਲ ਦੀ ਛਾਤੀ ਤੇ ਕਿਰਨਾਂ ਪੈਦੀਆਂ
ਨੂਰ ਉਸਦੇ ਨੀਰ ਤੇ ਲਹਿਰਾ ਰਿਹਾ
ਪਿਆਸ ਇਕ ਤਕਦੀ ਹੀ ਰਹਿੰਦੀ ਦੂਰ ਤੋਂ।
1 comment:
respected davinder ji...bahut hi sohne khayaal piroye ne triveniaan ch..kamaal hi karti ehna ch tan...
ਹਰ ਹਨੇਰੇ ਤੋਂ ਸ਼ੁੱਧ ਹੁੰਦਾ ਹੈ
ਫਿਰ ਕਿਤੇ ਜਾ ਕੇ ਬੁੱਧ ਹੁੰਦਾ ਹੈ
ਚਾਨਣਾ ਮੁਫ਼ਤ ਵਿਚ ਨਹੀਂ ਮਿਲਦਾ ।
----
ਰਾਤ ਨੂੰ ਇੱਦਾਂ ਨੇ ਜੁਗਨੂੰ ਉੱਡਦੇ
ਤਾਰਿਆਂ ਨੂੰ ਜਿਸ ਤਰਾਂ ਖੰਭ ਲੱਗਦੇ
ਨੈਣ ਬਿਰਹਣ ਦੇ ਉਦਾਸੀ ਚੁੰਮਦੀ।
----
ਝੀਲ ਦੀ ਛਾਤੀ ਤੇ ਕਿਰਨਾਂ ਪੈਦੀਆਂ
ਨੂਰ ਉਸਦੇ ਨੀਰ ਤੇ ਲਹਿਰਾ ਰਿਹਾ
ਪਿਆਸ ਇਕ ਤਕਦੀ ਹੀ ਰਹਿੰਦੀ ਦੂਰ ਤੋਂ।
Kamaal karti third lines ne ehna triveniaan ch. Darshnikta futt futt paindi hai. Mubarkaan!!
Tamanna
Post a Comment