ਸਾਹਿਤਕ ਨਾਮ: ਜ਼ਕੀਆ ਜੋਜੀਅਜੋਕਾ ਨਿਵਾਸ: ਪਾਕਿਸਤਾਨ
ਦੋਸਤੋ! ਜ਼ਕੀਆ ਜੀ ਬਾਰੇ ਅਜੇ ਏਨੀ ਹੀ ਜਾਣਕਾਰੀ ਉਪਲਬਧ ਹੈ। ਜਿਉਂ ਹੀ ਫੋਟੋ ਅਤੇ ਹੋਰ ਸਾਹਿਤਕ ਵੇਰਵਾ ਪ੍ਰਾਪਤ ਹੋਵੇਗਾ, ਅਪਡੇਟ ਕਰ ਦਿੱਤੀ ਜਾਏਗੀ। ਸ਼ੁਕਰੀਆ।
******
ਗ਼ਜ਼ਲ
ਤੇਰੀ ਗੱਲ ਕਬੂਲ ਨੀ ਮਾਏ!
ਬਾਕੀ ਸਭ ਫਜ਼ੂਲ ਨੀ ਮਾਏ!
----
ਮੇਰੇ ਕੰਮ ਸਲਾਹੇ ਜਾਂਦੇ,
ਜੋ ਤੈਥੋਂ ਮਨਕੂਲ ਨੀ ਮਾਏ!
-----
ਤੂੰ ਜੇ ਲਾਗੇ ਨਾ ਹੋਵੇਂ ਤੇ,
ਪੈ ਜਾਂਦਾ ਤੜਫੂਲ ਨੀ ਮਾਏ!
-----
ਖ਼ੁਸ਼ੀਆਂ ਹਰ ਥਾਂ ਵੰਡੀ ਜਾਵੇਂ,
ਇਹ ਤੇਰਾ ਮਾਅਮੂਲ ਨੀ ਮਾਏ!
-----
ਖ਼ਲਕ ਜਿਹੇ ਤੂੰ ਗਹਿਣੇ ਦਿੱਤੇ,
ਤੇਰਾ ਜਗਤ ਅਸੂਲ ਨੀ ਮਾਏ!
-----
ਤੇਰੀ ਸ਼ਫਕਤ ਬਾਝੋਂ ਮੈਂ ਤਾਂ,
ਬਚ ਨਾ ਸਕਦੀ ਮੂਲ ਨੀ ਮਾਏ!
-----
ਤੂੰ ਹੀ ਮੇਰਾ ਮੁਰਸ਼ਦ ਮੌਲਾ,
ਤੂੰ ਹੀ ਮੇਰਾ ਸਕੂਲ ਨੀ ਮਾਏ!
********
ਇਸ ਗ਼ਜ਼ਲ ਲਈ ਵਿਸ਼ੇਸ਼ ਧੰਨਵਾਦ: ਗਿੱਲ ਮੋਰਾਂਵਾਲ਼ੀ ਜੀ ਅਤੇ ਸੁਲੱਖਣ ਸਰਹੱਦੀ ਜੀ।
No comments:
Post a Comment