ਗ਼ਜ਼ਲਰੰਗ ਸਮੇਂ ਦੇ ਵੇਂਹਦਾ ਚੱਲ।
ਸੰਗ ਸਮੇਂ ਦੇ ਤੁਰਿਆ ਚੱਲ।
-----
ਕੰਡੇ, ਕੰਕਰ ਚੁਗਦਾ ਚੱਲ।
ਹਾਸੇ, ਖ਼ੁਸ਼ਬੂ ਵੰਡਦਾ ਚੱਲ।
-----
ਉਚੀ ਸੋਚ 'ਤੇ ਪਹਿਰਾ ਰੱਖ,
ਹੋ ਕੇ ਨਿਮਰ, ਨਿਮਾਣਾ ਚੱਲ।
-----
ਜਿੱਥੇ ਕੂੜ ਹਨੇਰ ਦਿਸੇ,
ਚਾਨਣ ਦੀ ਲੱਪ ਸੁਟਦਾ ਚੱਲ।
-----
ਨਫ਼ਰਤ ਵੰਡਦੀ ਬਸਤੀ ਵਿਚ,
ਗੀਤ ਪਿਆਰ ਦੇ ਗਾਉਂਦਾ ਚੱਲ।
-----
ਸ਼ਾਇਦ ਗੂੰਗੇ ਹੋ ਗਏ ਲੋਕ,
ਬੋਲ ਇਨ੍ਹਾਂ ਨੂੰ ਦਿੰਦਾ ਚੱਲ।
-----
ਧੁੱਪ, ਤਸੀਹੇ ਜਿਸਮ ਉਤੇ,
ਰੁੱਖਾਂ ਵਾਂਗੂੰ ਸਹਿੰਦਾ ਚੱਲ।
-----
ਜੀਵਨ ਮਘਦਾ ਰੱਖਣੈ 'ਮਾਨ'
ਸੁਪਨੇ ਨਵੇਂ ਸਜਾਉਂਦਾ ਚੱਲ।
No comments:
Post a Comment