ਮੌਸਮ

ਆਰਸੀ ਤੇ ਨਵੀਆਂ ਰਚਨਾਵਾਂ

ਦੋਸਤੋ! ਜਿਵੇਂ ਕਿ ਤੁਸੀਂ ਜਾਣਦੇ ਹੀ ਹੋ ਕਿ ਆਰਸੀ ਨੂੰ Facebook ਅਤੇ Twitter ਨਾਲ਼ ਵੀ ਜੋੜ ਦਿੱਤਾ ਗਿਆ ਹੈ। ਜੇਕਰ ਤੁਹਾਡੇ ਕੋਲ਼ ਇਹਨਾਂ ਸਾਈਟਾਂ ਤੇ ਅਕਾਊਂਟ ਹਨ, ਤਾਂ ਤੁਸੀਂ ਆਰਸੀ ਬਲੌਗ ਨੂੰ ਓਥੋਂ ਵੀ join ਅਤੇ follow ਕਰ ਸਕਦੇ ਹੋ। ਲਿੰਕ ਹੇਠਾਂ ਦਿੱਤੇ ਜਾ ਰਹੇ ਹਨ। ਹੁਣ ਤੱਕ ਤੁਹਾਡੇ ਦਿੱਤੇ ਹਰ ਸਹਿਯੋਗ ਲਈ ਮਸ਼ਕੂਰ ਹਾਂ।
ਅਦਬ ਸਹਿਤ
ਤਨਦੀਪ ਤਮੰਨਾ



Sunday, May 30, 2010

ਦੇਵ ਰਾਜ ਦਿਲਬਰ - ਗ਼ਜ਼ਲ

ਗ਼ਜ਼ਲ

ਤਪਦੀ ਦੁਪਹਿਰ ਸਿਰ ਤੇ, ਹੈ ਪੰਧ ਵੀ ਲੰਮੇਰਾ

ਕਰੀਏ ਕੀ ਦਿਲ ਤਾਂ ਕਰਦੈ, ਛਾਵਾਂ ਦਾ ਮੋਹ ਬਥੇਰਾ

-----

ਓਦਾਂ ਤਾਂ ਰਿਸ਼ਤਿਆਂ ਦੀ, ਰੌਣਕ ਹੈ ਆਸੇ ਪਾਸੇ,

ਇਕਲਾਪਿਆਂ ' ਲੰਘਦਾ, ਦਿਨ ਰਾਤ ਫਿਰ ਵੀ ਮੇਰਾ

------

ਮੌਸਮ ਸਰਾਪਿਆ ਹੈ, ਬੇਚੈਨ ਤਿਤਲੀਆਂ ਹਨ,

ਅਖਬਾਰ ਆਖਦੀ ਹੈ, ਰੰਗਾਂ ਚੁਫ਼ੇਰਾ

-----

ਕੋਸ਼ਿਸ਼ ਕਰੋ, ਜਗਾਓ, ਇਕ ਪਾਲ ਦੀਵਿਆਂ ਦੀ,

ਚਾਨਣ ਨੂੰ ਤਰਸਦਾ ਹੈ, ਮੁੱਦਤ ਤੋਂ ਇਹ ਬਨੇਰਾ

-----

ਮਜ਼ਬੂਰੀਆਂ ਨੇ ਘੇਰੇ, ਇਨਸਾਨ ਅੱਜ ਏਦਾਂ ,

ਜੀਕਣ ਕਿ ਸ਼ਿਕਰਿਆਂ ਨੇ, ਚਿੜੀਆਂ ਨੂੰ ਪਾਇਐ ਘੇਰਾ

-----

ਮੇਰੇ ਤੋਂ ਦੂਰ ਏਂ ਤੂੰ, ਤੇਰੇ ਤੋਂ ਦੂਰ ਹਾਂ ਮੈਂ,

ਹਾਲੇ ਵੀ ਲੱਗ ਰਿਹੈ ਇਉਂ, ਹੈ ਨੇੜ ਤੇਰਾ ਮੇਰਾ

-----

ਕੰਧਾਂ ਦੇ ਅੱਗੇ ਹੁਣ ਤਾਂ, ਇਨਸਾਨ ਬੌਣਾ ਲੱਗਦੈ,

ਕੰਧਾਂ ਦਾ ਹੋ ਰਿਹਾ ਹੈ, ਘਰ ਘਰ ਚ ਕੱਦ ਉਚੇਰਾ

-----

ਹਰ ਘਰ ਹੈ ਉਦਾਸੀ, ਖ਼ੂੰਖਾਰਗੀ ਚੁਫ਼ੇਰੇ,

ਲਗਦਾ ਏ ਆਦਮੀ ਦਾ, ਜੰਗਲ ਚ ਹੈ ਬਸੇਰਾ

-----

ਕੁਝ ਦੀਪ ਮੈਂ ਜਗਾਏ, ਕੁਝ ਦੀਪ ਤੂੰ ਜਗਾ ਦੇ,

ਤਸਵੀਰ ਲਾ ਕੇ ਚੰਨ ਦੀ, ਮਿਟਣਾ ਨਹੀਂ ਹਨੇਰਾ

2 comments:

Unknown said...

ਬੜੀਆਂ ਸੰਭਾਵਨਾਵਾਂ ਨੇ ਨੌਜਵਾਨ ਸ਼ਾਇਰ ਦੇਵ ਰਾਜ ਦਿਲਬਰ ਵਿਚ ...
Shamsher Mohi (Dr.)

Unknown said...

Dilbar Sahib'kUJH DEEP.....'bahut Khoob-Rup Daburji