ਮੌਸਮ

ਆਰਸੀ ਤੇ ਨਵੀਆਂ ਰਚਨਾਵਾਂ

ਦੋਸਤੋ! ਜਿਵੇਂ ਕਿ ਤੁਸੀਂ ਜਾਣਦੇ ਹੀ ਹੋ ਕਿ ਆਰਸੀ ਨੂੰ Facebook ਅਤੇ Twitter ਨਾਲ਼ ਵੀ ਜੋੜ ਦਿੱਤਾ ਗਿਆ ਹੈ। ਜੇਕਰ ਤੁਹਾਡੇ ਕੋਲ਼ ਇਹਨਾਂ ਸਾਈਟਾਂ ਤੇ ਅਕਾਊਂਟ ਹਨ, ਤਾਂ ਤੁਸੀਂ ਆਰਸੀ ਬਲੌਗ ਨੂੰ ਓਥੋਂ ਵੀ join ਅਤੇ follow ਕਰ ਸਕਦੇ ਹੋ। ਲਿੰਕ ਹੇਠਾਂ ਦਿੱਤੇ ਜਾ ਰਹੇ ਹਨ। ਹੁਣ ਤੱਕ ਤੁਹਾਡੇ ਦਿੱਤੇ ਹਰ ਸਹਿਯੋਗ ਲਈ ਮਸ਼ਕੂਰ ਹਾਂ।
ਅਦਬ ਸਹਿਤ
ਤਨਦੀਪ ਤਮੰਨਾ



Saturday, October 9, 2010

ਕੁਲਵਿੰਦਰ ਕੁੱਲਾ - ਗ਼ਜ਼ਲ

ਗ਼ਜ਼ਲ

ਬਣ ਗਈ ਦਿਲ ਦਾ ਸਹਾਰਾ ਇਕ ਨਜ਼ਰ।

ਖ਼ੂਬਸੂਰਤ ਹੁਣ ਰਹੂ ਆਪਣਾ ਸਫ਼ਰ।

-----

ਤੁਰਨ ਵੇਲ਼ੇ ਰੁੱਖ ਖੜ੍ਹੇ ਹੀ ਰਹਿ ਗਏ,

ਸਿਸਕਦੀ ਹੋਈ ਹਵਾ ਆਈ ਮਗਰ।

-----

ਬੇਖ਼ੁਦੀ ਵਿਚ ਪੈਰ ਕਿੱਧਰ ਲੈ ਤੁਰੇ,

ਦੱਸ, ਦਿਲਾ! ਪਹੁੰਚੇ ਹਾਂ ਹੁਣ ਕਿਹੜੇ ਨਗਰ।

----

ਜਾਚ ਸਿੱਖ ਲਈ ਕੰਡਿਆਂ ਤੇ ਤੁਰਨ ਦੀ,

ਹੁਣ ਕਠਿਨ ਲਗਦੀ ਨਹੀਂ ਕੋਈ ਡਗਰ।

-----

ਮੈਂ ਵਿਰੋਧੀ ਵਾ ਚ ਵੀ ਚੱਲਦਾ ਰਿਹਾ,

ਇਹ ਸੀ ਤੇਰੇ ਸਾਥ ਦਾ ਪਿਆਰਾ ਅਸਰ।


No comments: