ਮੌਸਮ

ਆਰਸੀ ਤੇ ਨਵੀਆਂ ਰਚਨਾਵਾਂ

ਦੋਸਤੋ! ਜਿਵੇਂ ਕਿ ਤੁਸੀਂ ਜਾਣਦੇ ਹੀ ਹੋ ਕਿ ਆਰਸੀ ਨੂੰ Facebook ਅਤੇ Twitter ਨਾਲ਼ ਵੀ ਜੋੜ ਦਿੱਤਾ ਗਿਆ ਹੈ। ਜੇਕਰ ਤੁਹਾਡੇ ਕੋਲ਼ ਇਹਨਾਂ ਸਾਈਟਾਂ ਤੇ ਅਕਾਊਂਟ ਹਨ, ਤਾਂ ਤੁਸੀਂ ਆਰਸੀ ਬਲੌਗ ਨੂੰ ਓਥੋਂ ਵੀ join ਅਤੇ follow ਕਰ ਸਕਦੇ ਹੋ। ਲਿੰਕ ਹੇਠਾਂ ਦਿੱਤੇ ਜਾ ਰਹੇ ਹਨ। ਹੁਣ ਤੱਕ ਤੁਹਾਡੇ ਦਿੱਤੇ ਹਰ ਸਹਿਯੋਗ ਲਈ ਮਸ਼ਕੂਰ ਹਾਂ।
ਅਦਬ ਸਹਿਤ
ਤਨਦੀਪ ਤਮੰਨਾ



Monday, October 26, 2009

ਪ੍ਰੋ: ਜਸਪਾਲ ਘਈ - ਗ਼ਜ਼ਲ

ਗ਼ਜ਼ਲ

ਸ਼ਾਖ਼ ਤੋਂ ਡਿੱਗਾ ਏਂ, ਰੁੱਖਾਂ ਨੂੰ ਨਾ ਹੋ ਮਜਬੂਰ ਤੱਕ।

ਮੈਂ ਹਵਾ ਹਾਂ, ਚਲ ਮਿਰੇ ਸੰਗ, ਲੈ ਉੜਾਂਗੀ ਦੂਰ ਤੱਕ।

-----

ਨਕਸ਼, ਯਾਦਾਂ, ਖ਼ਾਬ, ਖ਼ੁਸ਼ਫ਼ਹਿਮੀ, ਸਲੀਕਾ, ਰੌਣਕਾਂ,

ਇਕ ਸ਼ੀਸ਼ੇ ਨਾਲ਼ ਕੀ ਕੁਝ ਹੋ ਗਿਆ ਹੈ ਚੂਰ, ਤੱਕ।

------

ਖ਼ੂਨ ਨੂੰ ਰੰਗ, ਜਿਸਮ ਨੂੰ ਕੈਨਵਸ ਤੇ ਫ਼ੱਟ ਨੂੰ ਚਿਤ੍ਰ ਕਹਿ,

ਕੁਝ ਸਲੀਕ ਸਿੱਖ, ਕੁਝ ਇਸ ਦੌਰ ਦਾ ਦਸਤੂਰ ਤੱਕ।

-----

ਵਾਵਰੋਲ਼ੇ ਨੱਚਦੇ ਰਹਿੰਦੇ ਨੇ ਦਿਲ ਦੇ ਖ਼ੰਡਰੀਂ,

ਪਰ ਕਿਸੇ ਝਾਂਜਰ ਦੀ ਛਣ-ਛਣ ਵੀ ਸੁਣੀਵੇ ਦੂਰ ਤੱਕ।

-----

ਖੋਭ ਕੇ ਨਸ਼ਤਰ ਉਨ੍ਹਾਂ ਨੇ ਆਖਿਆ ਮਾਸੂਮ ਬਣ,

ਤੇਰੇ ਜ਼ਖ਼ਮਾਂ ਤੇ ਵੀ ਕਿੰਨਾ ਆ ਗਿਐ ਅੰਗੂਰ, ਤੱਕ।

-----

ਚੀਰਦਾ ਸੀ ਜੋ ਮੁਖੌਟੇ, ਕਰਦਾ ਸੀ ਚਿਹਰੇ ਨਗਨ,

ਉਸ ਦੇ ਚਿਹਰੇ ਦੇ ਮੁਖੌਟੇ ਵਿਕ ਰਹੇ ਨੇ ਦੂਰ ਤੱਕ।


2 comments:

Unknown said...

bahut khoobsurat ghazal..........swaad aa geya parhke ,bas ehi keh sakda.......
daad kabool karna ghai saab

roop nimana!!

RAB RAKHA!!

Unknown said...

Bahut khoob kiha:
ਖੋਭ ਕੇ ਨਸ਼ਤਰ ਉਨ੍ਹਾਂ ਨੇ ਆਖਿਆ ਮਾਸੂਮ ਬਣ,

‘ਤੇਰੇ ਜ਼ਖ਼ਮਾਂ ਤੇ ਵੀ ਕਿੰਨਾ ਆ ਗਿਐ ਅੰਗੂਰ, ਤੱਕ।

ਚੀਰਦਾ ਸੀ ਜੋ ਮੁਖੌਟੇ, ਕਰਦਾ ਸੀ ਚਿਹਰੇ ਨਗਨ,

ਉਸ ਦੇ ਚਿਹਰੇ ਦੇ ਮੁਖੌਟੇ ਵਿਕ ਰਹੇ ਨੇ ਦੂਰ ਤੱਕ।