ਡੈਡੀ ਜੀ ਨੇ ਇਹ ਗ਼ਜ਼ਲ ਵੀ ਅੱਜ ਮੈਨੂੰ 'ਆਰਸੀ' ਤੇ ਲਾਉਂਣ ਨੂੰ ਦਿੱਤੀ। ਸ਼ੁਕਰੀਆ ਬਾਦਲ ਸਾਹਿਬ!
ਮਾਡਰਨ ਗ਼ਜ਼ਲ
ਚੋਰਾਂ ਦੇ ਟੋਲੇ ਤੇਰੇ ਸ਼ਹਿਰ ਵਿਚ।
ਕੌਣ ਡਰਦਾ ਬੋਲੇ ਤੇਰੇ ਸ਼ਹਿਰ ਵਿਚ।
ਇਨਸਾਨੀਅਤ ਦੀ ਮਿੱਟੀ ਫਿਰੇ ਉੱਡਦੀ,
ਅੰਨ੍ਹੇ ਤੇ ਬੋਲ਼ੇ ਤੇਰੇ ਸ਼ਹਿਰ ਵਿਚ।
ਲਾੜੇ ਨੇ ਜੰਞਾਂ ਪਏ ਲੁੱਟਦੇ,
ਆਪੇ ਵਿਚੋਲੇ ਤੇਰੇ ਸ਼ਹਿਰ ਵਿਚ।
ਬਾਂਦਰ ਦੇ ਹੱਥ ਵਿਚ ਤੱਕੜੀ ਫੜੀ,
ਖ਼ੂਬ ਪੂਰਾ ਤੋਲੇ ਤੇਰੇ ਸ਼ਹਿਰ ਵਿਚ।
ਬਗਲਿਆਂ ਦੇ ਵਾਂਗਰ ਨੇ ਆਗੂ ਬਣੇ,
ਪਾਏ ਲੰਮੇ ਚੋਲ਼ੇ ਤੇਰੇ ਸ਼ਹਿਰ ਵਿਚ।
ਕੁੱਤਿਆਂ ਨੂੰ ਹਲਵਾ ਤੇ ਪੂਰੀ ਮਿਲ਼ੇ,
ਕਿਰਤੀ ਨੂੰ ਭੁੱਜੇ ਛੋਲੇ ਤੇਰੇ ਸ਼ਹਿਰ ਵਿਚ।
1 comment:
ਸਤਿਕਾਰਤ ਧਿਆਨਪੁਰੀ ਸਾਹਿਬ...ਤੁਹਾਡੀ ਮਾਡਰਨ ਗ਼ਜ਼ਲ ਤਾਂ ਕਰਾਰੀਆਂ ਚੋਟਾਂ ਕਰ ਗਈ ਸਮਾਜ ਦੀਆਂ ਸੋਚਾਂ ਤੇ ਵਿਓਹਾਰ ਤੇ...ਇਸ ਸ਼ਿਅਰ ਨਾਲ਼...
ਕੁੱਤਿਆਂ ਨੂੰ ਹਲਵਾ ਤੇ ਪੂਰੀ ਮਿਲ਼ੇ,
ਕਿਰਤੀ ਨੂੰ ਭੁੱਜੇ ਛੋਲੇ ਤੇਰੇ ਸ਼ਹਿਰ ਵਿਚ।
ਸਾਰੀ ਗ਼ਜ਼ਲ ਹੀ ਬਹੁਤ ਅਰਥ ਭਰਪੂਰ ਹੈ। ਡੈਡੀ ਜੀ ਨੇ ਇਹ ਗ਼ਜ਼ਲ ਸਾਂਭ ਕੇ ਰੱਖੀ ਹੋਈ ਹੈ।
ਤਮੰਨਾ
Post a Comment