ਮੌਸਮ

ਆਰਸੀ ਤੇ ਨਵੀਆਂ ਰਚਨਾਵਾਂ

ਦੋਸਤੋ! ਜਿਵੇਂ ਕਿ ਤੁਸੀਂ ਜਾਣਦੇ ਹੀ ਹੋ ਕਿ ਆਰਸੀ ਨੂੰ Facebook ਅਤੇ Twitter ਨਾਲ਼ ਵੀ ਜੋੜ ਦਿੱਤਾ ਗਿਆ ਹੈ। ਜੇਕਰ ਤੁਹਾਡੇ ਕੋਲ਼ ਇਹਨਾਂ ਸਾਈਟਾਂ ਤੇ ਅਕਾਊਂਟ ਹਨ, ਤਾਂ ਤੁਸੀਂ ਆਰਸੀ ਬਲੌਗ ਨੂੰ ਓਥੋਂ ਵੀ join ਅਤੇ follow ਕਰ ਸਕਦੇ ਹੋ। ਲਿੰਕ ਹੇਠਾਂ ਦਿੱਤੇ ਜਾ ਰਹੇ ਹਨ। ਹੁਣ ਤੱਕ ਤੁਹਾਡੇ ਦਿੱਤੇ ਹਰ ਸਹਿਯੋਗ ਲਈ ਮਸ਼ਕੂਰ ਹਾਂ।
ਅਦਬ ਸਹਿਤ
ਤਨਦੀਪ ਤਮੰਨਾ



Wednesday, December 31, 2008

ਦਰਸ਼ਨ ਦਰਵੇਸ਼ - ਨਜ਼ਮ

ਨਵਾਂ ਸਾਲ ਮੁਬਾਰਕ ਆਖਣ ਦਾ....
ਇੱਕ ਅੰਦਾਜ਼ ਇਹ ਵੀ....
ਉਡੀਕ
ਨਜ਼ਮ

ਮੈਂ-
ਪਤਾ ਨਹੀਂ
ਕਿਉਂ
ਤੈਨੂੰ ਉਡੀਕ ਰਿਹਾ ਹਾਂ
ਅਤੇ ਕੁੱਝ ਪੜ੍ਹ ਵੀ ਰਿਹਾ ਹਾਂ
ਬਹੁਤ ਸਾਰਾ ਸ਼ੋਰ
ਬਹੁਤ ਸਾਰੀ ਭੀੜ
ਮੇਰੇ ਕੋਲੋਂ ਗੁਜ਼ਰ ਜਾਂਦੀ ਹੈ
ਯਕੀਨਨ
ਤੂੰ ਵੀ ਗੁਜ਼ਰ ਜਾਂਦੀ ਹੋਵੇਂਗੀ
----
ਮੈਂ.......
ਪਤਾ ਨਹੀਂ ਕਿਉਂ
ਤੈਨੂੰ ਉਡੀਕ ਰਿਹਾ ਹਾਂ
ਤੇ ਕੁੱਝ ਪੜ੍ਹ ਵੀ ਰਿਹਾ ਹਾਂ
ਮੈਂ.....
ਇਹ ਵੀ ਜਾਣਦਾ ਹਾਂ
ਚੰਗੀ ਤਰਾਂ
ਕਿ ਤੂੰ ਜੋ
ਕਿਸੇ ਵੇਲੇ
ਮੇਰੇ ਹਰ ਸੁਪਨੇ ਦੀ
ਤਸਵੀਰ ਹੁੰਦੀ ਸੀ
ਹੁਣ ਜੇ –
ਮੇਰੇ ਕੋਲ਼ ਵੀ ਆ ਖਲੋਵੇਂ
ਮੈਂ-
ਤੈਨੂੰ.............
ਪਹਿਚਾਣ ਹੀ ਨਹੀਂ ਸਕਣਾ
ਮੈਂ ਫਿਰ ਵੀ –
ਪਤਾ ਨਹੀਂ ਕਿਉਂ
ਤੈਨੂੰ ਉਡੀਕ ਰਿਹਾ ਹਾਂ
ਤੇ ਕੁੱਝ
ਪੜ੍ਹ ਵੀ ਰਿਹਾ ਹਾਂ
----
ਹੁਣੇ ਕਿਸੇ ਨੇ ਮੈਥੋਂ
ਬੈਠਣ ਲਈ ਥਾਂ ਮੰਗੀ ਹੈ
ਤਾਂ –
ਅਸਲ ਵਿੱਚ....
ਮਹਿਸੂਸ ਹੋਇਆ ਹੈ
ਮੈਂ ਤਾਂ ਉਹ ਉਮਰ
ਉਹਨਾਂ ਪਲਾਂ ਨੂੰ
ਉਡੀਕ ਰਿਹਾ ਹਾਂ
ਜਦੋਂ ਹਰ ਵੇਲੇ....
ਤੇਰੇ ਚਿਹਰੇ ਨੂੰ
ਕਿਤਾਬ ਵਾਂਗ
ਪੜ੍ਹਿਆ ਕਰਦਾ ਸਾਂ।

No comments: