ਮੌਸਮ

ਆਰਸੀ ਤੇ ਨਵੀਆਂ ਰਚਨਾਵਾਂ

ਦੋਸਤੋ! ਜਿਵੇਂ ਕਿ ਤੁਸੀਂ ਜਾਣਦੇ ਹੀ ਹੋ ਕਿ ਆਰਸੀ ਨੂੰ Facebook ਅਤੇ Twitter ਨਾਲ਼ ਵੀ ਜੋੜ ਦਿੱਤਾ ਗਿਆ ਹੈ। ਜੇਕਰ ਤੁਹਾਡੇ ਕੋਲ਼ ਇਹਨਾਂ ਸਾਈਟਾਂ ਤੇ ਅਕਾਊਂਟ ਹਨ, ਤਾਂ ਤੁਸੀਂ ਆਰਸੀ ਬਲੌਗ ਨੂੰ ਓਥੋਂ ਵੀ join ਅਤੇ follow ਕਰ ਸਕਦੇ ਹੋ। ਲਿੰਕ ਹੇਠਾਂ ਦਿੱਤੇ ਜਾ ਰਹੇ ਹਨ। ਹੁਣ ਤੱਕ ਤੁਹਾਡੇ ਦਿੱਤੇ ਹਰ ਸਹਿਯੋਗ ਲਈ ਮਸ਼ਕੂਰ ਹਾਂ।
ਅਦਬ ਸਹਿਤ
ਤਨਦੀਪ ਤਮੰਨਾ



Friday, February 13, 2009

ਸੰਤ ਸਿੰਘ ਸੰਧੂ - ਨਜ਼ਮ

ਜੋਗਣ

ਨਜ਼ਮ

ਨਾ ਰੁੱਖ ਨਾ ਪਰਬਤ ਕੋਈ

ਕਿੱਥੇ ਜਾ ਕੇ ਘਟਾ ਹੈ ਰੋਈ।

.....

ਆਪਣਾ ਰੁਦਨ ਹੈ ਆਪੇ ਸੁਣਦੀ

ਨਾ ਮਿਲ਼ਿਆ ਜਦ ਮਹਿਰਮ ਕੋਈ।

.....

ਨਗਰੀ ਤੇਰੀ ਹੁੰਮਸ ਧੂੰਆਂ

ਪਲ ਦੋ ਪਲ ਮੈਂ ਮਸਾਂ ਖਲੋਈ।

.....

ਸਾਹ ਆਵੇ ਪਰ ਅਰਥੀ ਜਾਵੇ

ਇਹ ਸਮਿਆਂ ਨਾਲ਼ ਕੈਸੀ ਹੋਈ।

.....

ਤੈਨੂੰ ਜਿੰਦ ਟੋਲ਼ਦੀ ਫਿਰਦੀ

ਲੋਕੀਂ ਸਮਝਣ ਜੋਗਣ ਕੋਈ।

.....

ਜੋ ਕੋਈ ਆਪਣੇ ਅੱਥਰੂ ਪੂੰਝੇ

ਆਪਣਾ ਤਾਂ ਹੈ ਈਸਾ ਸੋਈ।

.....

ਨਾ ਮਿਲ਼ਿਆ ਜਦ ਮਹਿਰਮ ਕੋਈ

ਗਲ਼ ਲੱਗ ਆਪਣੇ ਆਪੇ ਰੋਈ।

No comments: