ਸਾਹਿਤਕ ਨਾਮ: ਹਰਬੰਸ ਮਾਛੀਵਾੜਾਅਜੋਕਾ ਨਿਵਾਸ: ਮਾਛੀਵਾੜਾ, ਪੰਜਾਬ
ਕਿਤਾਬਾਂ: ਗ਼ਜ਼ਲ ਸੰਗ੍ਰਹਿ: ਵੇਦਨਾ ਦੇ ਆਰ ਪਾਰ , ਸਵੈ ਦੀ ਤਲਾਸ਼
ਦੋਸਤੋ! ਹਰਬੰਸ ਮਾਛੀਵਾੜਾ ਜੀ ਨੇ ਦਵਿੰਦਰ ਸਿੰਘ ਪੂਨੀਆ ਜੀ ਕੋਲ਼ ਆਪਣੀ ਕਿਤਾਬ ‘ਸਵੈ ਦਾ ਤਲਾਸ਼’ ਆਰਸੀ ਲਈ ਭੇਜੀ ਸੀ। ਅੱਜ ਓਸੇ ਕਿਤਾਬ ‘ਚੋਂ ਦੋ ਬੇਹੱਦ ਖ਼ੂਬਸੂਰਤ ਗ਼ਜ਼ਲਾਂ ਤੁਹਾਡੀ ਨਜ਼ਰ ਕਰਕੇ ਮਾਛੀਵਾੜਾ ਜੀ ਨੂੰ ਆਰਸੀ ਤੇ ਸਾਰੇ ਪਾਠਕ/ਲੇਖਕ ਦੋਸਤਾਂ ਵੱਲੋਂ ਖ਼ੁਸ਼ਆਮਦੀਦ ਆਖ ਰਹੀ ਹਾਂ। ਬਹੁਤ-ਬਹੁਤ ਸ਼ੁਕਰੀਆ।
------------
ਗ਼ਜ਼ਲ
ਰਵਾਂ ਜਦ ਤਕ ਰਗਾਂ ਵਿਚ ਅੱਗ ਦਾ ਦਰਿਆ ਨਹੀਂ ਹੁੰਦਾ।
ਮਨਾਂ! ਤਦ ਤਕ ਨਵਾਂ ਕੁਝ ਸਿਰਜਣਾ ਚੰਗਾ ਨਹੀਂ ਹੁੰਦਾ।
----
ਨਹੀਂ, ਇਉਂ ਤਾਂ ਨਹੀਂ ਭਾਵੇਂ ਮਗਰ ਲਗਦੈ ਇਵੇਂ ਅਕਸਰ,
ਭਰੇ ਸੰਸਾਰ ਵਿਚ ਜੀਕਣ ਕੁਈ ਅਪਣਾ ਨਹੀਂ ਹੁੰਦਾ।
----
ਮਿਰੀ ਬਦਕਿਸਮਤੀ ਵੇਖੋ ਮੈਂ ਜੋ ਵੀ ਰੁੱਖ ਲਾਉਂਦਾ ਹਾਂ,
ਮਿਰੇ ਹੀ ਵਾਸਤੇ ਉਸਦਾ ਕਦੇ ਸਾਇਆ ਨਹੀਂ ਹੁੰਦਾ।
----
ਅਜੇ ਵੀ ਜ਼ਹਿਨ ‘ਚੋਂ ਕਢਕੇ ਤਰਾਜ਼ੂ ਨੂੰ ਪਰੇ ਧਰਦੇ,
ਇਹ ਮਨ ਦਾ ਮਾਮਲਾ ਹੈ ਏਸ ਵਿਚ ਸੌਦਾ ਨਹੀਂ ਹੁੰਦਾ।
----
ਅਜਬ ਇਤਫ਼ਾਕ ਹੈ ਉਹ ਵੀ ਬੁਲਾਵੇ ਭੇਜਦੈ ਓਦੋਂ,
ਜਦੋਂ ਅਸ਼ਕਾਂ ਬਿਨਾਂ ਕਿਧਰੇ ਕੁਈ ਰਸਤਾ ਨਹੀਂ ਹੁੰਦਾ।
----
ਮਿਰਾ ਹੀ ਕੰਮ ਹੈ ਕੋ ਜੀ ਰਿਹਾਂ ਜੀਣਾ ਬਣੇ ਜੀਕਣ,
ਨਹੀਂ ਜੀਵਨ ਬਿਨਾਂ ਜੀਣਾ ਕਿਤੇ ਸੌਖਾ ਨਹੀਂ ਹੁੰਦਾ।
----
ਤਣਾਓ,ਕਸ਼ਮਕਸ਼, ਹਰ ਪਲ ਘੁਟਨ, ਫ਼ਿਕਰਾਂ ਦੇ ਯੁਗ ਅੰਦਰ,
ਸਫ਼ਰ ਅੱਧੀ ਸਦੀ ਦਾ ਵੀ ਕਿਤੇ ਥੋੜਾ ਨਹੀਂ ਹੁੰਦਾ।
----
ਨਹੀਂ ਪਾਉਂਦਾ ਕੁਈ ਕੀਤੇ ਤਿਰੇ ਦਾ ਮੁੱਲ, ਤਾਂ ਕੀ ਹੈ,
ਮਨਾਂ! ਰੁੱਖਾਂ ਨੂੰ ਛਾਂ ਵੰਡਣ ਦਾ ਪਛਤਾਵਾ ਨਹੀਂ ਹੁੰਦਾ।
=============
ਗ਼ਜ਼ਲ
ਅਕਾਰਨ ਹੀ ਰਿਹਾ ਹੈ ਜੋ ਸਦਾ ਪਾਤਰ ਸਜ਼ਾਵਾਂ ਦਾ।
ਇਹ ਮੇਰਾ ਦਿਲ ਹੈ ਜਾਂ ਹੈ ਮਕਬਰਾ ਅਣਗਿਣਤ ਚਾਵਾਂ ਦਾ।
----
ਨਿਆਮਤ ਜ਼ਬਤ ਦੀ ਬਖ਼ਸ਼ੀ ਮਿਰੀ ਝੋਲ਼ੀ ਨੂੰ ਜਿਹਨਾਂ ਨੇ,
ਰਿਣੀ ਹਾਂ ਜਾਨ ਤੋਂ, ਜੀਅ ਤੋਂ ਉਨ੍ਹਾਂ ਧੁੱਪਾਂ ਦਾ, ਛਾਵਾਂ ਦਾ।
----
ਮਿਰੇ ਮੱਥੇ ਦਾ ਚਾਨਣ ਫੈਲਣੋਂ ਰੋਕੂ ਕੁਈ ਕਦ ਤਕ,
ਰਹੇ ਸੂਰਜ ਤੇ ਬਹੁਤੀ ਦੇਰ ਕਦ ਗ਼ਲਬਾ ਘਟਾਵਾਂ ਦਾ।
----
ਬਲਾ ਜਾਣੇ ਸ਼ਿਕਾਰੀ ਦੀ ਕਿਸੇ ਘਾਇਲ ਤੇ ਕੀ ਬੀਤੇ,
ਹਰਿਕ ਸਾਹ ਨਾਲ਼ ਦਮ ਨਿਕਲ਼ੇ ਜਦੋਂ ਮਾਸੂਮ ਚਾਵਾਂ ਦਾ।
----
ਸੁਤੇ ਸਿਧ ਹੀ ਬਣਾ ਲੈਣਾ ਤੂੰ ਗਲ਼ ਦਾ ਹਾਰ ਜਿਹਨਾਂ ਨੂੰ,
ਭਲਾ ਹੁਣ ਕੀ ਕਰੇਂਗਾ ਐ ਦਿਲਾ! ਓਹਨਾਂ ਬਲਾਵਾਂ ਦਾ।
----
ਲੁੜੀਂਦਾ ਦਮ ਨ ਸੀ ਜਿਹਨਾਂ ‘ਚ ਬਲ਼ਦੇ ਰਹਿਣ ਦਾ ਓਹੀ,
ਜਿ ਦੀਵੇ ਬੁਝ ਗਏ ਤਾਂ ਏਸ ਵਿਚ ਕੀ ਦੋਸ਼ ‘ਵਾਵਾਂ ਦਾ।
----
ਐ ਮੁਨਸਿਫ਼! ਹੁਣ ਬਾਇੱਜ਼ਤ ਕਰ ਰਹੈਂ ਭਾਵੇਂ ਬਰੀ ਐਪਰ,
ਭੁਗਤ ਚੁੱਕਾਂ ਜੁ ਹੁਣ ਤਕ ਕੀ ਬਣੂੰ ਓਹਨਾਂ ਸਜ਼ਾਵਾਂ ਦਾ।
3 comments:
ਕਾਫ਼ੀ ਚਿਰ ਪਹਿਲਾਂ ਹਰਬੰਸ ਮਾਛੀਵਾੜਾ ਦੀ ਪੁਸਤਕ 'ਵੇਦਨਾ ਦੇ ਆਰ-ਪਾਰ' ਪੜਨ ਦਾ ਮੌਕਾ ਮਿਲਿਆ ਸੀ. ਉੱਪਰਲੀਆਂ ਦੋਨੋ ਗ਼ਜ਼ਲਾਂ ਮਾਛੀਵਾੜਾ ਹੁਰਾਂ ਦੀ ਉਸੇ ਕਾਵਿ-ਕਲਾ ਦੇ ਦਰਸ਼ਨ ਕਰਵਾਉਂਦੀਆਂ ਹਨ.
dono rachnavan bahut vadhiyaa han, te machhiwara sahib di pawitar dharti te bahut vadhiyaa shayr vi hoye ne, par afsos ki asin ona shayran diyan rachnaaavan nu sambhal nahi sake. par hun asin nave yug diyaan taknikan de jariye vah ton vadh shayran diyaan puraaniyaan te naviyaan rachnaavan sabhan da uprala kariye ate apne virse nu puri duniyaan tak pahunchaahiye| ik gal aj kal e lekhkan nu me eh vi kehni chahnga ki oh kise di rachna nu pane naam naal na likhan oh apni rachna lai hi apna naam vartan|
harbans Machhiwara g is rachnaawan lai vahaai de patar han.
Thanks & Regards
Harjit Singh Maan
Machhiwara.
Harbans Machiwara g diyaan rachnavan bahut khubsurat hundiyaan han te ik vazndaar shelly wich oh likhde han. is lai oh vadhaai de patar han.
Machhiwara sahib di pawitar dharti te bahut saaare aise shayr vi hoye han jina diyaan rachnavan bahut vadhiyaa san par saadhna di ghaat karn asin una diyaan rachnawan nu sambhaal nahi sake, te aj de is takniki yug wich asin apna virsa is navi technology naal sambhaal sakde han, par isdi galat varton nahi honi chaahidi. aj de naven lekhkan nu apni jimevari smjhanmi chahidi hai, ki oh makbool hon lai kise di rachna chori na karn te kise di rachna apne naam tthale na likh ke age fwd karn, parntu eh sabh kujh aj kal facbook ate hor vi social sitan te aam ho riha hai, me Amrita paritam diyaan ate Shiv Kumaar Btalvi diyan rachnavan vi lekhkan ne apne navan naal likhiyan hoiyaan dekhiyaan han jo ki ik galat rujhaan hai| saanu isde khilaaf awaaz utthauni chaahidi hai, ate saare lekhk veer vi apne farz samjhan g. mere kol time di ghaat karn me saahit sabhaavan wich hisa nahi lai riha so jiven hi sama miliyaa me sahit sbhavan wich jaroor pahunchanga.
Thanks & Regards
Harjit Singh Maan
Machhiwara.
Post a Comment