ਅੱਥਰੂਨਜ਼ਮ
ਅੱਥਰੂ
ਮੈਂ ਜਾਣਦਾ ਹਾਂ ਤੈਨੂੰ
ਅਤੇ ਪਛਾਣਦਾ ਵੀ
----
ਮੇਰੀ ਵੀ ਤੇਰੇ ਨਾਲ਼
ਓਨੀ ਹੀ ਸਾਂਝ ਹੈ
ਜਿੰਨੀ ਕਿਸੇ ਯੁੱਗ ਵਿਚ
ਹੁੰਦੀ ਹੈ
ਸਾਹ ਖਿੱਚਦੇ ਫੇਫੜਿਆਂ
ਧੜਕਦੇ ਦਿਲ
ਟੁੱਟਦੇ ਬਣਦੇ ਸੁਪਨਿਆਂ ਵਾਲ਼ੇ
ਜਗਦੇ ਬੁਝਦੇ ਨੈਣਾਂ ਵਾਲ਼ੇ
ਆਦਮੀ ਦੀ
----
ਨਸਾਂ ਨੂੰ ਤਰੰਗਿਤ ਕੀਤਾ
ਜਦ ਵੀ ਦਰਦ ਨੇ
ਤੂੰ ਅੱਖੋਂ ਉੱਤਰਿਆ
ਸਬੂਤ ਬਣਕੇ
----
ਇਤਿਹਾਸ ਖ਼ੂਨ ਨਾਲ਼ ਲਿਖੇ ਗਏ
ਕਿਉਂ ਲਿਖੇ ਗਏ
ਜਾਣਦਾ ਏਂ ਤੂੰ
ਤੂੰ ਮਨੁੱਖ ਦੀ
ਹਰ ਵੇਦਨਾ, ਸੰਵੇਦਨਾ ਦਾ ਜ਼ਿੰਦਾ ਗਵਾਹ
ਬਿਨਾਂ ਇੰਦਰੀਆਂ ਵਾਲ਼ੇ
ਕਾਹਲ਼ੇ ਵਕਤ ਨੂੰ ਕੀ ਪਤਾ!
----
ਅੱਥਰੂ
ਮੈਂ ਜਾਣਦਾ ਹਾਂ ਤੈਂਨੂੰ
ਅਤੇ ਪਛਾਣਦਾ ਵੀ
----
ਤੈਨੂੰ ਪਾਣੀ ਕਹਿ
ਤੇਰਾ ਅਤੇ ਇਨਸਾਨ ਦੀ ਬੋਲਣ ਸ਼ਕਤੀ ਦਾ
ਨਹੀਂ ਕਰਨਾ ਨਿਰਾਦਰ
----
ਤੇਰਾ ਸਿਰਫ਼ ਜਿਸਮ ਹੈ ਪਾਣੀ
ਤੇਰੀ ਅਤਮਾ ਹੈ ਦਰਦ
ਜੋ ਹਰ ਮਨੁੱਖ ਦੇ ਸਿਰ ਤਾਜ
----
ਮਨੁੱਖ ਰੱਬ ਨੂੰ ਲੱਭਦਾ ਹੈ
ਕਿਉਂਕਿ ਤੂੰ ਹਾਜ਼ਰ ਹੈਂ ਅਜੇ
----
ਕੋਈ ਫ਼ਰੇਬੀ, ਅਦਾਕਾਰੀ ਕਰਦੇ
ਅੱਖਾਂ ‘ਚੋਂ ਸਿਰਫ਼ ਪਾਣੀ ਵਹਾਉਂਦੇ
ਗੁਨਾਹਾਂ ਦੀ ਲੜੀ ਅੱਗੇ ਤੋਰਦੇ
ਰੱਬ ਜਦੋਂ ਲੱਭਣ ਤੁਰੇਗਾ ਆਦਮੀ
ਪਛਾਣੇਗਾ ਸਿਰਫ਼ ਤੈਥੋਂ ਹੀ
ਤੇਰੀ ਆਤਮਾ ਤੋਂ....
-----
ਹਾਲ ‘ਚ ਪ੍ਰਕਾਸ਼ਿਤ ਕਿਤਾਬ: ‘ਚਿਹਰਿਆਂ ਦੇ ਲੈਂਡਸਕੇਪ’ ‘ਚੋਂ
4 comments:
Kise lambe natak di tafseel nu nazam di chhan deke tusi ikk navin nazam di shuruaat kiti hai , mubarak....Darvesh
Saah rok ke parhni payi tuhadi nazm, bahut vadhiya.....
ਦਰਸ਼ਨ ਦਰਵੇਸ਼ ਜੀ ਅਤੇ ਰਾਜਿੰਦਰਜੀਤ ਜੀ ਦਾ ਬੇਹੱਦ ਸ਼ੁਕਰੀਆ ਕਿ ਉਹਨਾਂ ਨੇ ਨਜ਼ਮ ਨੂੰ ਮਹਿਸੂਸ ਕੀਤਾ, ਅੱਥਰੂ ਕਦੇ ਵੀ ਬੇਗਾਨੇ ਨ੍ਹੀਂ ਹੁੰਦੇ, ਇਹੀ ਜਾਪਦਾ ਹੈ ਮੈਨੂੰ ਤੇ ਉਹਨਾਂ ਨੇ ਵੀ ਇਸੇ ਗੱਲ ਨੂੰ ਮਹਿਸੂਸ ਕਰ ਲਿਆ ਹੈ।
ਦਵਿੰਦਰ ਸਿੰਘ ਪੂਨੀਆ
ਕੈਨੇਡਾ
ਤੇਰਾ ਸਿਰਫ਼ ਜਿਸਮ ਹੈ ਪਾਣੀ
ਤੇਰੀ ਅਤਮਾ ਹੈ ਦਰਦ
Davinder Ji,
I have never read the definition and picturization of "aathhru" as you poeticized...
motian dii jgah athhruuan di emotional mala pro shaddi tusi, jnaab!
-gurinderjit
Post a Comment