ਮੌਸਮ

ਆਰਸੀ ਤੇ ਨਵੀਆਂ ਰਚਨਾਵਾਂ

ਦੋਸਤੋ! ਜਿਵੇਂ ਕਿ ਤੁਸੀਂ ਜਾਣਦੇ ਹੀ ਹੋ ਕਿ ਆਰਸੀ ਨੂੰ Facebook ਅਤੇ Twitter ਨਾਲ਼ ਵੀ ਜੋੜ ਦਿੱਤਾ ਗਿਆ ਹੈ। ਜੇਕਰ ਤੁਹਾਡੇ ਕੋਲ਼ ਇਹਨਾਂ ਸਾਈਟਾਂ ਤੇ ਅਕਾਊਂਟ ਹਨ, ਤਾਂ ਤੁਸੀਂ ਆਰਸੀ ਬਲੌਗ ਨੂੰ ਓਥੋਂ ਵੀ join ਅਤੇ follow ਕਰ ਸਕਦੇ ਹੋ। ਲਿੰਕ ਹੇਠਾਂ ਦਿੱਤੇ ਜਾ ਰਹੇ ਹਨ। ਹੁਣ ਤੱਕ ਤੁਹਾਡੇ ਦਿੱਤੇ ਹਰ ਸਹਿਯੋਗ ਲਈ ਮਸ਼ਕੂਰ ਹਾਂ।
ਅਦਬ ਸਹਿਤ
ਤਨਦੀਪ ਤਮੰਨਾ



Saturday, September 26, 2009

ਸੁਖਦਰਸ਼ਨ ਧਾਲੀਵਾਲ - ਗ਼ਜ਼ਲ

ਗ਼ਜ਼ਲ

ਹੋਵੇ ਰਹਿਮਤ ਜਦੋਂ ਤੇਰੀ ਤਾਂ ਤੇਰਾ ਹੀ ਸੁਖ਼ਨ ਜਾਗੇ।

ਚਮਕ ਹੈ ਜਿਸ ਦੀ ਹਰ ਪਾਸੇ, ਨਜ਼ਰ ਵਿਚ ਉਹ ਕਿਰਨ ਜਾਗੇ ।

-----

ਇਹ ਤੇਰੇ ਪਿਆਰ ਦੀ ਰਿਮਝਿਮ ਜਦੋਂ ਸੀਰਤ ਨੂੰ ਛੂਹ ਜਾਏ,

ਤਾਂ ਮੇਰੇ ਦਿਲ ਚੋਂ ਚੇਤਰ ਦੇ ਗੁਲਾਬ ਜਿਹਾ ਸਪਨ ਜਾਗੇ ।

-----

ਮੁਹੱਬਤ ਨਾਮ ਹੈ ਤੇਰਾ, ਮੁਹੱਬਤ ਹੀ ਤਿਰੀ ਦੌਲਤ,

ਇਹ ਜਦ ਅਹਿਸਾਸ ਹੁੰਦੈ ਤਾਂ ਇਬਾਦਤ ਦੀ ਲਗਨ ਜਾਗੇ।

-----

ਘਟਾ ਸਾਵਣ ਦੀ ਜਦ ਛੇੜੇ ਫ਼ਜ਼ਾ ਵਿਚ ਤਾਰ ਇਸ਼ਕੇ ਦੀ,

ਤਾਂ ਮੇਰੀ ਰੂਹ ਦੇ ਕਾਬ੍ਹੇ ਚ ਬਿਰਹੋਂ ਦੀ ਚੁਭਨ ਜਾਗੇ ।

------

ਅਜਬ ਰੰਗਾਂ ਚ ਸਾਜੀ ਹੈ ਇਹ ਦੁਨੀਆ ਜੋ ਨਜ਼ਰ ਆਉਂਦੀ

ਕਿਤੇ ਪੱਥਰ ਚੋਂ ਤੇ ਕਿਧਰੇ ਸਮੁੰਦਰ ਵਿਚ ਅਗਨ ਜਾਗੇ।

-----

ਸਹਿਰ ਤੋਂ ਸ਼ਾਮ ਤਕ ਕਰਕੇ ਸਫ਼ਰ ਸੌਂ ਜਾਏ ਜਦ ਸੂਰਜ,

ਤਾਂ ਦਿਲਬਰ ਦੀ ਸਿਫ਼ਤ ਵਿਚ ਤਾਰਿਆਂ ਭਰਿਆ ਗਗਨ ਜਾਗੇ।

------

ਫ਼ਸਾਨਾ ਇਸ਼ਕ ਦਾ ਜਦ ਅਸ਼ਕ ਬਣਕੇ ਵਹਿ ਤੁਰੇ ਦਰਸ਼ਨ,

ਕਿਸੇ ਸ਼ਾਇਰ ਦੇ ਦਿਲ ਚੋਂ ਫਿਰ ਮਧੁਰ ਜੇਹਾ ਸੁਖ਼ਨ ਜਾਗੇ।


1 comment:

Rajinderjeet said...

Ghazal di rawaani te vichaar bahut vadhiya han. Sukhdarshan ji bahut achha...