ਮੌਸਮ

ਆਰਸੀ ਤੇ ਨਵੀਆਂ ਰਚਨਾਵਾਂ

ਦੋਸਤੋ! ਜਿਵੇਂ ਕਿ ਤੁਸੀਂ ਜਾਣਦੇ ਹੀ ਹੋ ਕਿ ਆਰਸੀ ਨੂੰ Facebook ਅਤੇ Twitter ਨਾਲ਼ ਵੀ ਜੋੜ ਦਿੱਤਾ ਗਿਆ ਹੈ। ਜੇਕਰ ਤੁਹਾਡੇ ਕੋਲ਼ ਇਹਨਾਂ ਸਾਈਟਾਂ ਤੇ ਅਕਾਊਂਟ ਹਨ, ਤਾਂ ਤੁਸੀਂ ਆਰਸੀ ਬਲੌਗ ਨੂੰ ਓਥੋਂ ਵੀ join ਅਤੇ follow ਕਰ ਸਕਦੇ ਹੋ। ਲਿੰਕ ਹੇਠਾਂ ਦਿੱਤੇ ਜਾ ਰਹੇ ਹਨ। ਹੁਣ ਤੱਕ ਤੁਹਾਡੇ ਦਿੱਤੇ ਹਰ ਸਹਿਯੋਗ ਲਈ ਮਸ਼ਕੂਰ ਹਾਂ।
ਅਦਬ ਸਹਿਤ
ਤਨਦੀਪ ਤਮੰਨਾ



Tuesday, November 24, 2009

ਜਸਵੰਤ ਦੀਦ - ਨਜ਼ਮ

ਮਾਲੀ

ਨਜ਼ਮ

ਜਿਸ ਤਰ੍ਹਾਂ ਤੁਸੀਂ ਆਖਦੇ ਹੋ

ਬਿਲਕੁਲ ਇਸੇ ਤਰ੍ਹਾਂ

ਬਹੁਤ ਚਿਰ ਪਹਿਲਾਂ

ਮੈਨੂੰ ਕਿਸੇ ਮਾਲੀ ਨੇ ਆਖਿਆ ਸੀ

...........

ਉਸਦੇ ਸਿਰ ਤੇ ਪਰਨਾ ਸੀ

ਹੱਥ ਵਿਚ ਦਾਤੀ

ਤੇ ਉਹ ਫੁੱਲਾਂ ਨੂੰ

ਪਾਣੀ ਦੇ ਰਿਹਾ ਸੀ

.............

..ਆਪ ਕੀ ਆਂਖਨ ਬਹੁਤ ਖ਼ੂਬਸੂਰਤ ਹੈਂ

ਬੀਬੀ ਜੀ!

ਮੈਂ ਕੁਝ ਨਹੀਂ ਬੋਲੀ

ਪਰ ਘਰ ਜਾ ਕੇ ਬਹੁਤ ਹੱਸੀ ਸਾਂ

...............

ਆਗਲੇ ਦਿਨ ਮਾਲੀ ਨੇ

ਸਾਰੇ ਫੁੱਲ ਪੁੱਟ ਦਿੱਤੇ ਸਨ

ਤੇ ਮੇਰੇ ਵੱਲ ਉਹ

ਬਿਲਕੁਲ ਤੁਹਾਡੇ ਵਾਂਗ ਝਾਕਿਆ ਸੀ

No comments: