ਮੌਸਮ

ਆਰਸੀ ਤੇ ਨਵੀਆਂ ਰਚਨਾਵਾਂ

ਦੋਸਤੋ! ਜਿਵੇਂ ਕਿ ਤੁਸੀਂ ਜਾਣਦੇ ਹੀ ਹੋ ਕਿ ਆਰਸੀ ਨੂੰ Facebook ਅਤੇ Twitter ਨਾਲ਼ ਵੀ ਜੋੜ ਦਿੱਤਾ ਗਿਆ ਹੈ। ਜੇਕਰ ਤੁਹਾਡੇ ਕੋਲ਼ ਇਹਨਾਂ ਸਾਈਟਾਂ ਤੇ ਅਕਾਊਂਟ ਹਨ, ਤਾਂ ਤੁਸੀਂ ਆਰਸੀ ਬਲੌਗ ਨੂੰ ਓਥੋਂ ਵੀ join ਅਤੇ follow ਕਰ ਸਕਦੇ ਹੋ। ਲਿੰਕ ਹੇਠਾਂ ਦਿੱਤੇ ਜਾ ਰਹੇ ਹਨ। ਹੁਣ ਤੱਕ ਤੁਹਾਡੇ ਦਿੱਤੇ ਹਰ ਸਹਿਯੋਗ ਲਈ ਮਸ਼ਕੂਰ ਹਾਂ।
ਅਦਬ ਸਹਿਤ
ਤਨਦੀਪ ਤਮੰਨਾ



Wednesday, November 25, 2009

ਹਰਬੰਸ ਮਾਛੀਵਾੜਾ - ਗ਼ਜ਼ਲ

ਗ਼ਜ਼ਲ

ਭਾਵੇਂ ਰੁਕ-ਰੁਕ ਵਗਦਾ ਜਾਪੇ ਅਜਕਲ੍ਹ ਸਾਹਾਂ ਦਾ ਦਰਿਆ।

ਪੂਰੇ ਵੇਗ ਚ ਵਗਦੈ ਫਿਰ ਵੀ ਹਰ ਪਲ ਭਾਵਾਂ ਦਾ ਦਰਿਆ।

------

ਪਿਆਸ ਦੇ ਹੱਥੋਂ ਆਤੁਰ ਜਾਪੇ ਹੁਣ ਤਾਂ ਖ਼ੁਦ ਇਸ ਦੀ ਹੀ ਰੇਤ,

ਵੇਲ਼ਾ ਸੀ ਭਰਕੇ ਵਗਦਾ ਸੀ ਚੰਚਲ ਖ਼ਾਬਾਂ ਦਾ ਦਰਿਆ।

-----

ਗਲ਼ ਗਲ਼ ਤੀਕਰ ਡੁੱਬੇ ਜਾਪਣ ਮੈਨੂੰ ਤਾਂ ਇਸ ਅੰਦਰ ਸਭ,

ਗਲ਼ ਗਲ਼ ਤੀਕ ਪੁੱਜਿਆ ਜਾਪੇ ਸਭ ਦੇ ਫ਼ਿਕਰਾਂ ਦਾ ਦਰਿਆ।

------

ਜੇਕਰ ਆਪਾਂ ਸਾਹਵੇਂ ਅਜਕਲ੍ਹ ਰੋਕਾਂ, ਕੰਧਾਂ ਨੇ ਤਾਂ ਕੀ,

ਜਜ਼ਬੇ ਤਾਂ ਰਲ਼ ਬਹਿੰਦੇ ਹੀ ਨੇ ਤਰ ਕੇ ਵਾਵਾਂ ਦਾ ਦਰਿਆ।

-----

ਐ ਨ੍ਹੇਰੇ ਤੇ ਠਾਰੀ ਤੋਂ ਪੀੜਤ ਵਾਦੀ ਕੁਝ ਜਿਗਰਾ ਕਰ,

ਬਸ ਆਇਆ ਹੀ ਆਇਆ ਤੇਰੇ ਦਰ ਤੇ ਕਿਰਨਾਂ ਦਾ ਦਰਿਆ।

------

ਹੁਣ ਵੀ ਲਗਭਗ ਉੱਚਾ ਜਾਪੇ ਸਭ ਦੇ ਸੀਮਤ ਸਾਧਨ ਤੋਂ,

ਵੇਖੋ ਦਮ ਲੈਂਦਾ ਹੈ ਕਿੰਨਾਂ ਚੜ੍ਹ ਕੇ ਲੋੜਾਂ ਦਾ ਦਰਿਆ।

-----

ਲਹਿਰਾਂ ਕਰਵਟ ਲੈ ਲੈ ਉੱਠਣ ਰੂਪ ਵਟਾ ਕੇ ਸ਼ਿਅਰਾਂ ਦਾ,

ਭਰ ਭਰ ਵਗਦਾ ਜਾਪੇ ਫਿਰ ਅਜ ਸੂਖ਼ਮ ਸੋਚਾਂ ਦਾ ਦਰਿਆ।

------

ਵੇਖੋ ਹੁਣ ਹਰਬੰਸ ਨੂੰ ਕਿਹੜੇ ਤਣ ਪੱਤਣ ਤੇ ਲਾਉਂਦਾ ਹੈ,

ਲੈ ਤਾਂ ਚੱਲਿਐ ਨਾਲ਼ ਵਹਾ ਕੇ ਬੇਬਸ ਅਸ਼ਕਾਂ ਦਾ ਦਰਿਆ।


2 comments:

Davinder Punia said...

behad bhaavpoorat, jazbiaan de veg ate dariaa jihi vehndi hoi ghazal.

singh said...

Bahut sohna Pesh kita wah wah