ਮੌਸਮ

ਆਰਸੀ ਤੇ ਨਵੀਆਂ ਰਚਨਾਵਾਂ

ਦੋਸਤੋ! ਜਿਵੇਂ ਕਿ ਤੁਸੀਂ ਜਾਣਦੇ ਹੀ ਹੋ ਕਿ ਆਰਸੀ ਨੂੰ Facebook ਅਤੇ Twitter ਨਾਲ਼ ਵੀ ਜੋੜ ਦਿੱਤਾ ਗਿਆ ਹੈ। ਜੇਕਰ ਤੁਹਾਡੇ ਕੋਲ਼ ਇਹਨਾਂ ਸਾਈਟਾਂ ਤੇ ਅਕਾਊਂਟ ਹਨ, ਤਾਂ ਤੁਸੀਂ ਆਰਸੀ ਬਲੌਗ ਨੂੰ ਓਥੋਂ ਵੀ join ਅਤੇ follow ਕਰ ਸਕਦੇ ਹੋ। ਲਿੰਕ ਹੇਠਾਂ ਦਿੱਤੇ ਜਾ ਰਹੇ ਹਨ। ਹੁਣ ਤੱਕ ਤੁਹਾਡੇ ਦਿੱਤੇ ਹਰ ਸਹਿਯੋਗ ਲਈ ਮਸ਼ਕੂਰ ਹਾਂ।
ਅਦਬ ਸਹਿਤ
ਤਨਦੀਪ ਤਮੰਨਾ



Tuesday, January 26, 2010

ਸੁਖਦੇਵ ਸਿੰਘ ਗਰੇਵਾਲ - ਗ਼ਜ਼ਲ

ਗ਼ਜ਼ਲ

ਬਣ ਗਏ ਕੰਡਿਆਂ ਤੇ ਵੀ ਰਾਹ ਨੇ ਕਿਵੇਂ, ਜੇ ਦੇਖਦੇ।

ਇਸ ਤਰ੍ਹਾਂ ਬੇਆਸ ਹੋ ਕੇ ਫਿਰ ਕਦੀ ਨਾ ਲੇਟਦੇ।

-----

ਧੁੰਦ ਹੈ ਤਾਂ ਸਫ਼ਰ ਫਿਰ ਵੀ ਰੱਖਣਾ ਜਾਰੀ ਪਊ,

ਬੈਠ ਕਦ ਤੀਕਰ ਰਹੋਗੇ ਧੂਣੀਆਂ ਨੂੰ ਸੇਕਦੇ।

-----

ਆ ਕਿ ਹੁਣ ਮੰਜ਼ਿਲ ਤੇ ਪਹੁੰਚਣ ਦਾ ਵੀ ਕਰੀਏ ਹੌਸਲਾ,

ਐਵੇਂ ਹੀ ਪਿੱਛੇ ਨਾ ਪਈਏ ਕਿਸਮਤਾਂ ਦੇ ਲੇਖ ਦੇ।

-----

ਕੋਲ਼ ਹੁਣ ਦਿਸਦਾ ਨਹੀਂ ਹੈ ਕੋਈ ਵੀ ਤਾਂ ਆਪਣਾ,

ਮੁਸ਼ਕਿਲਾਂ ਵਿਚ ਸਭ ਹੀ ਬਦਲੇ ਦੇਖਦੇ ਹੀ ਦੇਖਦੇ।

-----

ਦਿਨ ਚੜ੍ਹਨ ਦੇ ਨਾਲ਼ ਹੀ ਫਿਰ ਉਭਰ ਆਇਐ ਜ਼ਿਹਨ ਵਿਚ,

ਨਾਮ ਜਿਹੜਾ ਰਾਤ ਸਾਰੀ ਹੀ ਰਹੇ ਸਾਂ ਮੇਟਦੇ।

-----

ਬਣ ਕੇ ਇਕ ਔਰਤ ਮਿਰੇ ਸਾਹਵੇਂ ਸੀ ਪਰਗਟ ਹੋ ਗਿਆ,

ਸਦਕੇ ਜਾਵਾਂ ਰੱਬ ਦੇ ਐਸੇ ਵਚਿੱਤਰ ਭੇਖ ਦੇ।

-----

ਭਾਲ਼ਦੇ ਸਾਂ ਜਿਸਨੂੰ ਉਹ ਤਾਂ ਅਪਣੇ ਅੰਦਰ ਮਿਲ਼ ਗਿਆ,

ਐਵੇਂ ਹੀ ਫਿਰਦੇ ਰਹੇ ਹਰ ਥਾਂ ਤੇ ਮੱਥੇ ਟੇਕਦੇ।

No comments: