ਮੌਸਮ

ਆਰਸੀ ਤੇ ਨਵੀਆਂ ਰਚਨਾਵਾਂ

ਦੋਸਤੋ! ਜਿਵੇਂ ਕਿ ਤੁਸੀਂ ਜਾਣਦੇ ਹੀ ਹੋ ਕਿ ਆਰਸੀ ਨੂੰ Facebook ਅਤੇ Twitter ਨਾਲ਼ ਵੀ ਜੋੜ ਦਿੱਤਾ ਗਿਆ ਹੈ। ਜੇਕਰ ਤੁਹਾਡੇ ਕੋਲ਼ ਇਹਨਾਂ ਸਾਈਟਾਂ ਤੇ ਅਕਾਊਂਟ ਹਨ, ਤਾਂ ਤੁਸੀਂ ਆਰਸੀ ਬਲੌਗ ਨੂੰ ਓਥੋਂ ਵੀ join ਅਤੇ follow ਕਰ ਸਕਦੇ ਹੋ। ਲਿੰਕ ਹੇਠਾਂ ਦਿੱਤੇ ਜਾ ਰਹੇ ਹਨ। ਹੁਣ ਤੱਕ ਤੁਹਾਡੇ ਦਿੱਤੇ ਹਰ ਸਹਿਯੋਗ ਲਈ ਮਸ਼ਕੂਰ ਹਾਂ।
ਅਦਬ ਸਹਿਤ
ਤਨਦੀਪ ਤਮੰਨਾ



Wednesday, May 19, 2010

ਗੁਰਨਾਮ ਗਿੱਲ - ਗ਼ਜ਼ਲ

ਗ਼ਜ਼ਲ

ਰਾਤੀਂ ਲੰਘੀ ਪੌਣ ਨਦੀ ਚੋਂ ਦਾਗ਼ ਲਹੂ ਦੇ ਧੋ ਕੇ

ਡਰ ਦੇ ਮਾਰੇ ਪਾਰ ਕੀਤੀਆਂ ਸੜਕਾਂ ਜ਼ਖ਼ਮੀ ਹੋ ਕੇ

-----

ਪਿੰਜ ਸੁੱਟੀ ਏ ਧੁੱਪ ਵਿਚਾਰੀ ਜਦ ਵੀ ਲੰਘੀਆਂ ਏਦਾਂ,

ਸਾਜ਼ਿਸ਼ ਭਰੀਆਂ ਜ਼ਾਲਿਮ ਨਜ਼ਰਾਂ ਰਿਸ਼ਮਾਂ ਵਿੱਚੀਂ ਹੋ ਕੇ

-----

ਨ੍ਹੇਰੇ ਵਿੱਚ ਜਦ ਆਸ ਨਿਮਾਣੀ ਭੁੱਲੀ ਰਾਹ ਖ਼ੁਸ਼ੀਆਂ ਦਾ,

ਸੌਂ ਗਈਆਂ ਫਿਰ ਥੱਕੀਆਂ ਸਧਰਾਂ ਦਰ ਪਲਕਾਂ ਦੇ ਢੋ ਕੇ।

-----

ਹੰਝੂਆਂ ਨੂੰ ਜਦ ਮੋਤੀ ਬਣਨਾ ਆਇਆ, ਫੇਰ ਅਸਾਂ ਨੇ,

ਮਾਲ਼ਾ ਇੱਕ ਬਣਾਈ ਦਿਲ ਦੇ ਸਾਰੇ ਦਰਦ ਪਰੋ ਕੇ

-----

ਬਾਰ ਜਦੋਂ ਨਾ ਖੋਲ੍ਹੇ ਤਾਂ ਫਿਰ ਘਰ ਨੂੰ ਪਰਤੇ ਆਖਰ,

ਥੱਕੇ-ਹਾਰੇ ਸੁਪਨੇ ਉਸ ਦੀ ਸਰਦਲ ਉੱਪਰ ਰੋ ਕੇ

-----

ਝੱਲ ਸਕੇ ਨਾ ਜਦ ਉਹ ਮੇਰੀ ਭਟਕਣ ਤਾਂ ਫਿਰ ਆਪੇ,

ਮੇਰੇ ਨਾਲ਼ ਤੁਰੇ ਸਨ ਰਸਤੇ ਮੇਰੀ ਮੰਜ਼ਿਲ ਹੋ ਕੇ।


2 comments:

Tarlok Judge said...

ਰਾਤੀਂ ਲੰਘੀ ਪੌਣ ਨਦੀ ਚੋਂ ਦਾਗ ਲਹੂ ਦੇ ਧੋ ਕੇ
ਡਰ ਦੇ ਮਾਰੇ ਪਾਰ ਕੀਤੀਆਂ ਸੜਕਾਂ ਜਖਮੀ ਹੋ ਕੇ

ਭਾਅ ਜੀ ! ਬਹੁਤ ਹੀ ਖੂਬ ਗਜ਼ਲ ਹੈ ਜੀ ਇੰਨੀ ਵਧਿਆ ਰਚਨਾ ਲਈ ਮੁਬਾਰਕਾਂ

ਦਰਸ਼ਨ ਦਰਵੇਸ਼ said...

sawad aa giya..........Darshan Darvesh