ਮੌਸਮ

ਆਰਸੀ ਤੇ ਨਵੀਆਂ ਰਚਨਾਵਾਂ

ਦੋਸਤੋ! ਜਿਵੇਂ ਕਿ ਤੁਸੀਂ ਜਾਣਦੇ ਹੀ ਹੋ ਕਿ ਆਰਸੀ ਨੂੰ Facebook ਅਤੇ Twitter ਨਾਲ਼ ਵੀ ਜੋੜ ਦਿੱਤਾ ਗਿਆ ਹੈ। ਜੇਕਰ ਤੁਹਾਡੇ ਕੋਲ਼ ਇਹਨਾਂ ਸਾਈਟਾਂ ਤੇ ਅਕਾਊਂਟ ਹਨ, ਤਾਂ ਤੁਸੀਂ ਆਰਸੀ ਬਲੌਗ ਨੂੰ ਓਥੋਂ ਵੀ join ਅਤੇ follow ਕਰ ਸਕਦੇ ਹੋ। ਲਿੰਕ ਹੇਠਾਂ ਦਿੱਤੇ ਜਾ ਰਹੇ ਹਨ। ਹੁਣ ਤੱਕ ਤੁਹਾਡੇ ਦਿੱਤੇ ਹਰ ਸਹਿਯੋਗ ਲਈ ਮਸ਼ਕੂਰ ਹਾਂ।
ਅਦਬ ਸਹਿਤ
ਤਨਦੀਪ ਤਮੰਨਾ



Sunday, August 29, 2010

ਸੁਭਾਸ਼ ਕਲਾਕਾਰ - ਗ਼ਜ਼ਲ

ਗ਼ਜ਼ਲ

ਹਨੇਰੀ ਰਾਤ ਹੈ ਚੰਨ ਤਾਰਿਆਂ ਦੀ ਲੋੜ ਹੈ ਸਾਨੂੰ।

ਨਹੀਂ! ਇਕ ਦੋ ਨਹੀਂ, ਹੁਣ ਸਾਰਿਆਂ ਦੀ ਲੋੜ ਹੈ ਸਾਨੂੰ।

-----

ਚੁਬਾਰੇ ਵਾਲ਼ਿਆਂ ਨੇ ਮਾਣਿਆ ਬਰਸਾਤ ਦਾ ਮੌਸਮ,

ਹੜ੍ਹਾਂ ਨੇ ਮਾਰਿਆਂ ਹੈ ਢਾਰਿਆਂ ਦੀ ਲੋੜ ਹੈ ਸਾਨੂੰ।

-----

-----

ਗਲ਼ੀ ਬਾਜ਼ਾਰ ਕ਼ਬਰਾਂ ਦੀ ਤਰ੍ਹਾਂ ਖ਼ਾਮੋਸ ਨੇ ਯਾਰੋ,

ਬੁਲਾਓ ਅਮਨ ਦੇ ਹਰਕਾਰਿਆਂ ਦੀ ਲੋੜ ਹੈ ਸਾਨੂੰ।

-----

ਤਬੀਅਤ ਆਦਮੀ ਦੀ ਨ ਕਿਤੇ ਬੀਮਾਰ ਹੋ ਜਾਏ,

ਕਰੋ ਤੀਮਾਰਦਾਰੀ ਚਾਰਿਆਂ ਦੀ ਲੋੜ ਹੈ ਸਾਨੂੰ।

-----

ਬੁਲੰਦੀ ਖ਼ੁਦ ਪਸੰਦੀ ਤੋਂ ਜ਼ਰਾ ਤੂੰ ਵੇਖ ਹੇਠਾਂ ਵੀ,

ਕਿਹਾ ਕਿਸ ਨੇ ਕਿ ਹਿੰਮਤ-ਹਾਰਿਆਂ ਦੀ ਲੋੜ ਹੈ ਸਾਨੂੰ?

-----

ਤਮੰਨਾ ਨਾ ਬਣੀ ਹੀਰਾ, ਨ ਪੰਨਾ, ਬਣ ਗਈ ਪੱਥਰ,

ਕਦੋਂ ਸ਼ੀਸ਼ਾਗ਼ਰੋ ਲਿਸ਼ਕਾਰਿਆਂ ਦੀ ਲੋੜ ਹੈ ਸਾਨੂੰ।

1 comment:

rup said...

Subash ji,Ba-kamaal