ਮੌਸਮ

ਆਰਸੀ ਤੇ ਨਵੀਆਂ ਰਚਨਾਵਾਂ

ਦੋਸਤੋ! ਜਿਵੇਂ ਕਿ ਤੁਸੀਂ ਜਾਣਦੇ ਹੀ ਹੋ ਕਿ ਆਰਸੀ ਨੂੰ Facebook ਅਤੇ Twitter ਨਾਲ਼ ਵੀ ਜੋੜ ਦਿੱਤਾ ਗਿਆ ਹੈ। ਜੇਕਰ ਤੁਹਾਡੇ ਕੋਲ਼ ਇਹਨਾਂ ਸਾਈਟਾਂ ਤੇ ਅਕਾਊਂਟ ਹਨ, ਤਾਂ ਤੁਸੀਂ ਆਰਸੀ ਬਲੌਗ ਨੂੰ ਓਥੋਂ ਵੀ join ਅਤੇ follow ਕਰ ਸਕਦੇ ਹੋ। ਲਿੰਕ ਹੇਠਾਂ ਦਿੱਤੇ ਜਾ ਰਹੇ ਹਨ। ਹੁਣ ਤੱਕ ਤੁਹਾਡੇ ਦਿੱਤੇ ਹਰ ਸਹਿਯੋਗ ਲਈ ਮਸ਼ਕੂਰ ਹਾਂ।
ਅਦਬ ਸਹਿਤ
ਤਨਦੀਪ ਤਮੰਨਾ



Friday, October 15, 2010

ਰਾਜਿੰਦਰਜੀਤ - ਗ਼ਜ਼ਲ

ਗ਼ਜ਼ਲ

ਅਜਨਮੇ ਕਈ ਗੀਤ ਚਾਹੁੰਦੇ ਨੇ ਆਉਣਾ,

ਕਿਵੇਂ ਕਲਮ-ਕਾਗ਼ਜ਼ ਤੋਂ ਇਨਕਾਰ ਹੋਵੇ।

ਕਦੇ ਆਪ-ਬੀਤੀ ਕਦੇ ਜੱਗ-ਬੀਤੀ,

ਸਦਾ ਦਰਦ ਅਪਣਾ ਹੀ ਸਾਕਾਰ ਹੋਵੇ।

-----

-----

ਚੁਰੱਸਤੇ ਚ ਸੁੱਤਾ ਪਿਆ ਇੱਕ ਰਾਹੀ,

ਖ਼ਬਰ ਕੀ ਕਿ ਕਿਸਤੋਂ ਇਹ ਹੋਈ ਕੁਤਾਹੀ,

ਕਿ ਚਾਰੇ ਦਿਸ਼ਾਵਾਂ ਹੀ ਨੇ ਗ਼ੈਰ ਹਾਜ਼ਰ,

ਕਿਵੇਂ ਨਾ ਸਫ਼ਰ ਫਿਰ ਇਹ ਬੇਕਾਰ ਹੋਵੇ।

-----

ਚੁਫ਼ੇਰੇ ਚਿਣੇ ਹੋਣ ਸ਼ਬਦਾਂ ਦੇ ਮੋਤੀ,

ਤੇ ਚਾਨਣ ਖਿਲਾਰੇ ਖ਼ਿਆਲਾਂ ਦੀ ਜੋਤੀ,

ਸਜਾਵਾਂ ਇਨ੍ਹਾਂ ਨੂੰ ਮੈਂ ਇਉਂ ਵਰਕਿਆਂ ਤੇ,

ਜਿਵੇਂ ਸਿਰ ਸਜੀ ਹੋਈ ਦਸਤਾਰ ਹੋਵੇ।

------

ਮੈਂ ਰਾਤਾਂ ਨੂੰ ਸੁੱਤੇ ਪੰਖੇਰੂ ਜਗਾਏ,

ਦੁਪਹਿਰੀਂ ਮਧੋਲ਼ੇ ਦਰੱਖ਼ਤਾਂ ਦੇ ਸਾਏ,

ਇਹ ਸਭ ਕੁਝ ਕਰਾਂ, ਫੇਰ ਵੀ ਮੈਂ ਇਹ ਚਾਹਾਂ,

ਮੇਰੀ ਨੀਂਦ ਤੇ ਨਾ ਕੋਈ ਭਾਰ ਹੋਵੇ।

5 comments:

harpal said...

ਰਾਜਿੰਦਰਜੀਤ ਜੀ ਟਿੱਪਣੀ ਕਰਨ ਲਈ ਹਾਣ ਦੇ ਸ਼ਬਦ ਨਹੀਂ ਔੜ ਰਹੇ.... ਹਾਲ ਦੀ ਘੜੀ ਇੱਕ ਸ਼ਬਦ ' ਕਮਾਲ ' ਨਾਲ ਕੰਮ ਚਲਾਉਂਦੇ ਹਾਂ..ਮੁਬਾਰਕਾਂ .

rup said...

ਰਾਜਿੰਦਰਜੀਤ,ਖੂਬਸੂਰਤ ਗ਼ਜ਼ਲ ਲਈ ਦਿਲੀ ਮੁਬਾਰਕਾਂ-ਰੂਪ ਦਬੁਰਜੀ

mota said...

wah g wah
wonderful
kkep it up

csmann said...

bahut khoob

ਦਰਸ਼ਨ ਦਰਵੇਸ਼ said...

ਕਮਾਲ ਹੀ ਕਰੀ ਜਾਨੈਂ ਯਾਰ........