ਗ਼ਜ਼ਲ
ਗੀਤ ਦਿਲ ਕੀਤਾ ਜਦੋਂ ਵੀ ਗਾ ਲਏ।
ਪਲ ਦੋ ਪਲ ਨੂੰ ਗ਼ਮ ਵੀ ਮੈਂ ਭਰਮਾ ਲਏ।
ਮੈਂ ਵੀ ਕੀ ਹਾਂ ਤੂੰਵੀ ਕੀ ਹੈਂ ਦੋਸਤਾ!
ਵਕ਼ਤ ਨੇ ਤਾਂ ਵੱਡੇ -ਵੱਡੇ ਖਾ ਲਏ।
ਤੰਗੀਆਂ ਤਾਂ ਆਓਂਦੀਆਂ ਹੀ ਰਹਿਣੀਆਂ,
ਮੈਂ ਤਾਂ ਅਪਣੇ ਦਿਲ ਜਿਗਰ ਸਮਝਾ ਲਏ।
ਰਹਿਜਨਾ ਦਾ ਦਿਲ 'ਚ ਕੋਈ ਡਰ ਨਹੀਂ,
ਰਹਿਬਰਾਂ ਨੇ ਹੀ ਅਸੀਂ ਭਰਮਾ ਲਏ।
ਜਿੱਤ ਬਣਨੀ ਸੀ ਜਦੋਂ ਮੇਰਾ ਨਸੀਬ,
ਉਸਨੇ ਪੱਤੇ ਹੀ ਉਦੋਂ ਬਦਲਾ ਲਏ।
ਲੂਣ ਉਸਦੇ ਹੱਥਾਂ ਵਿਚ ਮੈਂ ਵੇਖਕੇ,
ਜ਼ਖਮ ਅਪਣੇ ਜਿਸਮ ਉੱਤੇ ਪਾ ਲਏ।
1 comment:
Davinder ji..Iss khoobsurat ghazal nu sabh naal sanjhi karn te behadd shukriya..Main eh khayal bahut pasand keetey...
ਗੀਤ ਦਿਲ ਕੀਤਾ ਜਦੋਂ ਵੀ ਗਾ ਲਏ।
ਪਲ ਦੋ ਪਲ ਨੂੰ ਗ਼ਮ ਵੀ ਮੈਂ ਭਰਮਾ ਲਏ।
ਮੈਂ ਵੀ ਕੀ ਹਾਂ ਤੂੰਵੀ ਕੀ ਹੈਂ ਦੋਸਤਾ!
ਵਕ਼ਤ ਨੇ ਤਾਂ ਵੱਡੇ -ਵੱਡੇ ਖਾ ਲਏ।
Tamanna
Post a Comment