ਦੋਸਤੋ! ਅੱਜ ਯੂ.ਐੱਸ.ਏ. ਵਸਦੇ ਸਤਿਕਾਰਤ ਸੁੱਖੀ ਧਾਲੀਵਾਲ ਜੀ ਨੇ ਸਤਿਕਾਰਤ ਕੁਲਵੰਤ ਸੇਖੋਂ ਜੀ ਦੀ ਬਹੁਤ ਖ਼ੂਬਸੂਰਤ ਗ਼ਜ਼ਲ ਭੇਜ ਕੇ ਸੇਖੋਂ ਸਾਹਿਬ ਦੀ ਪਹਿਲੀ ਵਾਰ 'ਆਰਸੀ' ਦੇ ਸੂਝਵਾਨ ਪਾਠਕਾਂ / ਲੇਖਕਾਂ ਦੇ ਨਾਲ਼ ਸਾਹਿਤਕ ਸਾਂਝ ਪਾਈ ਹੈ। ਉਹਨਾਂ ਦੇ ਲਿਖੇ ਗੀਤ ਪ੍ਰਸਿੱਧ ਪੰਜਾਬੀ ਗਾਇਕਾਂ : ਮੁੰਡਿਆਂ ਨੇ ਮੁੰਦਰਾਂ ਪੁਆ ਲਈਆਂ ਨੀ ਉਤੇ ਤੇਰਾ ਨਾਂ ਲਿਖਕੇ ( ਮਨਮੋਹਣ ਵਾਰਿਸ ),ਕਿਤੋਂ ਦਿਲ ਵੀ ਕਲੀ ਕਰਾ ਲੈ ਨੀ ਸੁਣ ਰੰਗ ਦੀ ਗੋਰੀਏ ( ਸਤਵਿੰਦਰ ਬੁੱਗਾ ), ਮੈ ਸਾਰੀ ਰਾਤ ਜਾਗਦਾ ਰਿਹਾ ਗੱਲਾਂ ਕਰਨੇ ਨੂੰ ਤਾਰਿਆਂ ਦੇ ਨਾਲ ( ਸਾਬਰ ਕੋਟੀ ), ਮਿੱਟੀ ਦੇ ਬਣਾਕੇ ਬਾਵੇ ਖੇਡ ਲਈਂ ਨੀ ਸੱਜਣਾ ਨੂੰ ਯਾਦ ਕਰਕੇ ( ਸਾਬਰ ਕੋਟੀ ), ਅਸੀ ਬੜਾ ਪਛਤਾਏ ਸਰਦਾਰੀਆਂ ਗੁਆ ਕੇ ( ਭਿੰਦਾ ਸਿੰਘ) ਦੀ ਆਵਾਜ਼ਾਂ ‘ਚ ਰਿਕਾਰਡ ਹੋਏ ਤੇ ਬੇਹੱਦ ਮਕਬੂਲ ਹੋਏ ਹਨ। ਇਹਨਾਂ ਦਾ ਪਲੇਠਾ ਕਾਵਿ-ਸੰਗ੍ਰਹਿ ਵੀ ਬਹੁਤ ਜਲਦੀ ਸਾਡੇ ਹੱਥਾਂ ਵਿੱਚ ਹੋਵੇਗਾ ! ਮੈਂ ਸੇਖੋਂ ਸਾਹਿਬ ਨੂੰ 'ਆਰਸੀ' ਤੇ ਖ਼ੁਸ਼ਆਮਦੀਦ ਕਹਿੰਦੀ ਹਾਂ। ਸੁੱਖੀ ਜੀ ਦਾ ਵੀ ਬੇਹੱਦ ਸ਼ੁਕਰੀਆ, ਜਿਨ੍ਹਾਂ ਨੇ ‘ਆਰਸੀ’ ਦਾ ਲਿੰਕ ਸੇਖੋਂ ਸਾਹਿਬ ਨੂੰ ਭੇਜਿਆ।
ਵਿਚ ਪਰਦੇਸਾਂ ਸਭ ਕੁਝ ਮਿਲ਼ਦਾ ਆਪਣਾ ਪਿੰਡ ਗਰਾਂ ਨਈਂ ਹੁੰਦਾ !
ਮਾਵਾਂ ਵਰਗੀ ਮਮਤਾ ਕਿੱਥੇ ਹਰ ਪਰਛਾਵਾਂ ਛਾਂ ਨਈਂ ਹੁੰਦਾਂ !
ਲੱਭਣ ਲਈ ਤਾਂ ਲੱਖ ਲੱਭ ਜਾਵਣ ਚਿੱਠੀਆਂ ਲਈ ਸਿਰਨਾਵੇਂ ,
ਦਿਲ ਦਾ ਦਰਦ ਸੁਣਾਵਨ ਲਈ ਪਰ ਮਾਫ਼ਕ ਹਰ ਇਕ ਥਾਂ ਨਈਂ ਹੁੰਦਾ !
ਮੰਨਿਆ ਤੇਰਿਆਂ ਗੀਤਾਂ ਦੇ ਖਾਬਾਂ ਵਿਚ ਪਿੰਡ 'ਜਮਸ਼ੇਰ' ਵਸੇ ,
ਪਰ ਅੱਜਕੱਲ ਉੱਥੇ ਕਿਸੇ ਵੀ ਮਹਿਫ਼ਲ ਦੇ ਵਿਚ ਤੇਰਾ ਨਾਂ ਨਈਂ ਹੁੰਦਾ !
ਆਪਣੀ ਅਰਥੀ ਆਪਣੇ ਮੋਢੀਂ ਆਪ ਉਠਾਕੇ ਲੈ ਆਇਓਂ ,
ਬਲ਼ਦੇ ਤੇਰੇ ਸਿਵੇ ‘ਤੇ 'ਸੇਖੋਂ' ਇੱਕ ਵੀ ਬੰਦਾ ਤਾਂ ਨਈਂ ਹੁੰਦਾ !
1 comment:
Respected Sekhon saheb...bahut hi khoobsurat nazam bheji hai tussi..bahut bahut shukriya.
ਵਿਚ ਪਰਦੇਸਾਂ ਸਭ ਕੁਝ ਮਿਲ਼ਦਾ ਆਪਣਾ ਪਿੰਡ ਗਰਾਂ ਨਈਂ ਹੁੰਦਾ !
ਮਾਵਾਂ ਵਰਗੀ ਮਮਤਾ ਕਿੱਥੇ ਹਰ ਪਰਛਾਵਾਂ ਛਾਂ ਨਈਂ ਹੁੰਦਾਂ !
----
ਲੱਭਣ ਲਈ ਤਾਂ ਲੱਖ ਲੱਭ ਜਾਵਣ ਚਿੱਠੀਆਂ ਲਈ ਸਿਰਨਾਵੇਂ ,
ਦਿਲ ਦਾ ਦਰਦ ਸੁਣਾਵਨ ਲਈ ਪਰ ਮਾਫ਼ਕ ਹਰ ਇਕ ਥਾਂ ਨਈਂ ਹੁੰਦਾ !
I really liked the second one. Bahut mubarakaan enni sohni ghazal kehan te. Shirqat kardey rehna.
Tamanna
Post a Comment