ਨਵਾਂ ਸਾਲ ਮੁਬਾਰਕ
ਨਜ਼ਮ
ਸ਼ੁਕਰ ਹੈ ਹਰ ਦਿਨ ਦਾ ਤੇ ਸ਼ੁਕਰ ਹੈ ਹਰ ਪਹਿਰ ਦਾ,
ਹਰ ਗਲੀ ਦਾ ਹਰ ਮਹੱਲੇ ਅਤੇ ਹਰ ਇੱਕ ਸ਼ਹਿਰ ਦਾ।
----
ਦੁੱਖ ਸੁਖ ਤਾਂ ਦੋਵੇ ਹੀਂ ਵਸਤਰ ਨੇ ਸਾਡੇ ਦੋਸਤਾ!
ਸ਼ੁਕਰ ਕਰੀਏ ਸਾਰੇ ਮਿਲਕੇ ਵਾਹਿਗੁਰੂ ਦੀ ਮਿਹਰ ਦਾ।
----
ਰੀਂਘਦੇ ਫਿਰਦੇ ਨੇ ਕਿੰਨੇ ਜੀਵ ਕੋਈ ਹਿਸਾਬ ਨਾ,
ਪਾਤਾਲਾਂ ਵਿੱਚ ਜੀਵ ਗਿਣਤੀ ਦੀ ਕੋਈ ਕਿਤਾਬ ਨਾ।
----
ਆਸਮਾਂ ਤੇ ਉੱਡਦਿਆਂ ਨੂੰ ਕੌਣ ਦੇਂਦਾ ਹੈ ਮੁਬਾਰਕ,
ਦਿਲ ਦਾ ਜਾਨੀ ਹੀ ਦਵੇ ਖਿੜਿਆ ਫੁੱਲ ਗੁਲਾਬ ਦਾ।
----
ਸਾਂਝ ਭਿਆਲੀ ਹੋਰ ਪੱਕੀ ਕਰਨ ਦੀ ਇੱਕ ਆਸ ਹੈ,
ਕਲਮਾਂ ਦੀ ਸਾਡੀ ਸਾਂਝ ਵਧਦੀ ਰਹੇਗੀ ਵਿਸ਼ਵਾਸ ਹੈ।
----
'ਨਵੇਂ ਸਾਲ' ਵਿੱਚ ਹੋਰ ਲਾਗੇ ਹੋਣ ਦੀ ਇੱਕ ਰੀਝ ਹੈ,
ਕਲਮਾਂ ਵਾਲੇ ਦੋਸਤਾਂ ਲਈ ਤਹਿ ਦਿਲੋਂ ਅਰਦਾਸ ਹੈ।
----
ਰੱਬ ਕਰੇ ਕਲਮਾਂ ਚੋਂ ਮਹਿਕ ਬਸ ਆਉਂਦੀ ਰਹੇ,
ਸੋਹਣੇ ਸੋਹਣੇ ਫੁੱਲ ਫੁਲਵਾੜੀ ‘ਚ ਨਿੱਤ ਲਾਉਂਦੀ ਰਹੇ।
----
ਭੁੱਖ ਹੈ 'ਸੁੱਨੜ' ਨੂੰ ਸਭ ਦੇ ਹੋਰ ਲਾਗੇ ਹੋਣ ਦੀ,
ਰੀਝ ਮੇਰੀ ਰੱਬ ਕਰੇ ਸਭ ਨੂੰ ਇਹ ਭੁੱਖ ਲਾਉਂਦੀ ਰਹੇ।
----
ਸੁਪਨਾ ਤਾਂ ਸੁਪਨਾ ਹੈ ਫਿਰ ਵੀ ਸੁਪਨਾ ਮੇਰਾ ਯਾਰ ਹੈ,
ਸੁਪਨਿਆਂ ਦੇ ਆਸਰੇ ਤਾਂ ਵੱਸ ਰਿਹਾ ਸੰਸਾਰ ਹੈ।
----
ਉਹ ਵੀ ਕਾਹਦਾ ਦਿਲ ਹੈ ਜਿਸਦਾ ਕੋਈ ਵੀ ਸੁਪਨਾ ਨਹੀਂ,
ਆਉਂਦੇ ਜਾਂਦੇ ਰਿਹੋ ਜੀ ਆਪਣਾ ਤਾਂ ਇੱਕ ਪਰਿਵਾਰ ਹੈ।
No comments:
Post a Comment