ਗ਼ਜ਼ਲ
ਸਿਸਕਦੀ ਰਾਤ ਨੂੰ ਕੀਕਣ ਵਰਾਵਾਂ?
ਨਜ਼ਮ, ਲੋਰੀ, ਗ਼ਜ਼ਲ ਕਿਹੜੀ ਸੁਣਾਵਾਂ?
----
ਹਿਜਰ ਤੇਰਾ ਜਿਵੇਂ ਇਕ ਬਾਲ ਜ਼ਿੱਦੀ,
ਮੈਂ ਕਿਸ ਅੰਗੋਂ ਹਟਾ ਕਿਸ ਅੰਗ ਲਾਵਾਂ?
----
ਘਟਾ, ਸੂਰਜ ਕੀ, ਚੰਨ ਵਿਚ ਅਕਸ ਤੇਰਾ,
ਚੁਫ਼ੇਰੇ ਤੂੰ ਦਿਸੇਂ ਕਿੱਦਾਂ ਭੁਲਾਵਾਂ?
----
ਪਲੇਸਾ ਦਰਦ ਨੇ ਦਿਲ ਨੂੰ ਹੈ ਪਾਇਆ,
ਮੈਂ ਕਿਸ ਵਿਧ ਜਾਨ ਨੂੰ ਇਸ ਤੋਂ ਬਚਾਵਾਂ?
----
ਸਮੇਂ ਨੇ ਮੇਟਣਾ ਹਰ ਨਕਸ਼ ਨਕਸ਼ਾ,
ਰਹਿਮ ਕਰਨਾ ਨਹੀਂ ਰੁੱਤਾਂ, ਹਵਾਵਾਂ।
----
ਹੈ ਡੁਲ੍ਹ ਜਾਂਦਾ ਇਕਲ ਵਿਚ ਦਿਲ ਨਦੀਮਾ!
ਨਾ ਡੋਲਣ ਤੋਂ ਕਿਵੇਂ ਇਸ ਨੂੰ ਬਚਾਵਾਂ?
No comments:
Post a Comment