ਕਾਉਂਕੇ ਸਾਹਿਬ ਪੰਜਾਬ ਤੋਂ ਪੰਜਾਬੀ ਸਾਹਿਤਕ ਮੈਗਜ਼ੀਨ ‘ਪ੍ਰਤਿਮਾਨ’ ਦੀ ਸੰਪਾਦਨਾ ਵੀ ਕਰ ਰਹੇ ਹਨ। ਉਹਨਾਂ ਦੀ ਸਾਹਿਤਕ ਜਾਣ-ਪਛਾਣ ਦਾ ਇੰਤਜ਼ਾਰ ਹੈ। ਮਿਲ਼ਣ ਤੇ ਜਲਦੀ ਹੀ ਅਪਡੇਟ ਕਰ ਦਿੱਤੀ ਜਾਵੇਗੀ। ਉਹਨਾਂ ਨੂੰ ਤੇ ਉਹਨਾਂ ਦੀ ਕਲਮ ਨੂੰ ਮੇਰਾ ਸਲਾਮ! ਬਹੁਤ-ਬਹੁਤ ਸ਼ੁਕਰੀਆ!
ਨਜ਼ਮ
ਇਹੋ ਨਸੀਬ ਸੀ ਸ਼ਾਇਦ
ਕਿ.....
ਜਿੱਥੇ.......
ਮਨ ਮਿਲਿਆ
ਉਥੇ ਜਿਸਮ ਵਰਜਿਤ ਸੀ
ਜਿਥੇ.....
ਜਿਸਮ ਦੀ ਖ਼ੂਬਸੂਰਤੀ ਸੀ
ਉਥੇ......
ਮਨ ਦੀ ਸੰਵੇਦਨਸ਼ੀਲਤਾ ਨਹੀਂ ਸੀ
----
ਖ਼ੂਬਸੂਰਤ ਜਿਸਮ ਵਿਚ
ਸੰਵੇਦਨਸ਼ੀਲ ਮਨ ਨੂੰ ਲੱਭਦਿਆਂ
ਸਾਰੀ ਉਮਰ ਗੁਜ਼ਰ ਗਈ
ਜਿਸਮ ਤੋਂ ਜਿਸਮ ਤੱਕ
ਮਨ ਤੋਂ ਮਨ ਤੱਕ……॥
=============
ਕਿਵੇਂ ਆਵਾਂ....
ਨਜ਼ਮ
ਮੇਰੀ ਚੇਤਨਾ
ਹਜ਼ਾਰ ਟੁਕੜਿਆਂ ਵਿਚ ਵੰਡੀ ਹੈ
ਮੇਰਿਆ ਚੇਤਿਆਂ ਵਿਚ
ਅਤੀਤ ਦੇ ਕਿੰਨੇ
** ਗ੍ਰਹਿ ਉਪਗ੍ਰਹਿ ਦੇ
ਟੋਟੇ ਤੈਰ ਰਹੇ ਨੇ
ਮੇਰੇ ਅੰਦਰ ਕਿੰਨੇ ਵਰ੍ਹਿਆਂ ਦੀ
ਧੂੜ ਉਡਦੀ
ਮੇਰੇ ਜੰਗਲਾਂ ਵਿਚ
ਕਿੰਨੀਆਂ ਡਰਾਉਂਣੀਆਂ ਲੁਭਾਉਂਣੀਆਂ
ਆਵਾਜ਼ਾਂ ਤੈਰਦੀਆਂ
ਮੇਰੇ ਸਮੁੰਦਰਾਂ 'ਚ ਕਿੰਨੇ
ਜਵਾਰਭਾਟੇ
ਖੌਲਦੇ ਪਾਣੀਆਂ ਦਾ ਸੰਗੀਤ
----
ਮੈਂ ਚਾਹੁੰਦਾ ਹੋਇਆ ਵੀ
ਇਹਨਾਂ ਸਾਰੀਆਂ ਆਵਾਜ਼ਾਂ
ਸ਼ੋਰ ਸੰਗੀਤ ਵਾਵਰੋਲਿਆਂ ਤੋਂ
ਮੁਕਤ ਨਹੀਂ ਹੋ ਸਕਦਾ
ਚਾਹੁਣ ਤੇ ਵੀ ਨਹੀਂ ਮਿਟਾ ਸਕਦਾ
ਮੈਂ
ਆਪਣੀਆਂ ਯਾਦਾਂ ਦੀ ਤਖ਼ਤੀ ਤੋਂ
ਕਿੰਨੀਆਂ ਲਕੀਰਾਂ
ਕੱਟੀਆਂ ਵੱਢੀਆਂ ਸ਼ਕਲਾਂ……..
----
ਮੈਂ ਜਾਣਦਾ ਹਾਂ
ਕਿ ਤੂੰ ਮੈਨੂੰ ਸੰਪੂਰਨ ਚਾਹੁੰਦੀ ਹੈਂ
ਪੂਰੇ ਦਾ ਪੂਰਾ
ਸਾਲਮ ਇਕੋ ਇਕ…….
ਜੋ ਇਕੋ ਵੇਲੇ
ਤੇਰਾ ਤੇ ਸਿਰਫ਼ ਤੇਰਾ ਹੋਵੇ
ਪਰ ਮੇਰੀ ਦੋਸਤ!
ਮੈਂ ਬਚਪਨ ਦੀ ਕੱਚੀ ਉਮਰ ਤੋਂ
ਹਜ਼ਾਰ ਟੁਕੜਿਆਂ ਵਿਚ
ਵੰਡਿਆ
ਖਿਲਰਿਆ
ਖ਼ੁਦ
ਬ੍ਰਹਿਮੰਡ ਚ ਖਿਲਰੇ
ਆਪਣੇ ਹਜ਼ਾਰਾਂ ਟੁਕੜੇ
ਚੁਗਣ ਦੀ ਕੋਸ਼ਿਸ਼ ਕਰ ਰਿਹਾ ਹਾਂ
----
ਮੈਂ
ਪੂਰੇ ਦਾ ਪੂਰਾ
ਤੇਰਾ ਸਿਰਫ਼ ਤੇਰਾ ਬਣਕੇ
ਤੇਰੇ ਕੋਲ ਕਿੰਝ ਆਵਾਂ…..॥
ਨੋਟ: ** ਕਿਰਪਾ ਕਰਕੇ ਏਥੇ Grehaan, Uppgrehaan ਪੜ੍ਹਿਆ ਜਾਵੇ। “ਹ” ਨੂੰ ਸਿਹਾਰੀ ਤੋਂ ਬਾਅਦ ਪੰਜਾਬੀ ਫੌਂਟ ਸਿਸਟਮ ਨੇ ਕੰਨਾ ਲਗਾਉਂਣਾ ਪ੍ਰਵਾਨ ਨਹੀਂ ਕੀਤਾ…ਮੁਆਫ਼ੀ ਚਾਹੁੰਦੀ ਹਾਂ!
1 comment:
ਸਤਿਕਾਰਤ ਅਮਰਜੀਤ ਕਾਉਂਕੇ ਸਾਹਿਬ! ਦੋਵੇਂ ਨਜ਼ਮਾਂ ਬੇੱਹਦ ਖ਼ੂਬਸੂਰਤ ਹਨ। ਮੇਰੀ ਬੇਨਤੀ ਪ੍ਰਵਾਨ ਕਰਕੇ ਏਨੀਆਂ ਸੋਹਣੀਆਂ ਨਜ਼ਮਾਂ ਨਾਲ਼ ਆਰਸੀ ਦਾ ਮਾਣ ਵਧਾਉਂਣ ਲਈ ਬਹੁਤ-ਬਹੁਤ ਸ਼ੁਕਰੀਆ। ਇੱਕ ਅਰਸੇ ਬਾਅਦ ਤੁਹਾਡੀਆਂ ਲਿਖਤਾਂ ਪੜ੍ਹਨ ਦਾ ਮੌਕਾ ਮਿਲ਼ਿਆ....
ਖ਼ੂਬਸੂਰਤ ਜਿਸਮ ਵਿਚ
ਸੰਵੇਦਨਸ਼ੀਲ ਮਨ ਨੂੰ ਲੱਭਦਿਆਂ
ਸਾਰੀ ਉਮਰ ਗੁਜ਼ਰ ਗਈ
........................
ਜਿਸਮ ਤੋਂ ਜਿਸਮ ਤੱਕ
ਮਨ ਤੋਂ ਮਨ ਤੱਕ……॥
ਵਾਹ! ਬਹੁਤ ਖ਼ੂਬ!
=====
ਮੇਰੀ ਚੇਤਨਾ
ਹਜ਼ਾਰ ਟੁਕੜਿਆਂ ਵਿਚ ਵੰਡੀ ਹੈ
ਮੇਰਿਆ ਚੇਤਿਆਂ ਵਿਚ
ਅਤੀਤ ਦੇ ਕਿੰਨੇ
** ਗ੍ਰਹਿ ਉਪਗ੍ਰਹਿ ਦੇ
ਟੋਟੇ ਤੈਰ ਰਹੇ ਨੇ
ਮੇਰੇ ਅੰਦਰ ਕਿੰਨੇ ਵਰ੍ਹਿਆਂ ਦੀ
ਧੂੜ ਉਡਦੀ
ਮੇਰੇ ਜੰਗਲਾਂ ਵਿਚ
ਕਿੰਨੀਆਂ ਡਰਾਉਂਣੀਆਂ ਲੁਭਾਉਂਣੀਆਂ
ਆਵਾਜ਼ਾਂ ਤੈਰਦੀਆਂ
ਮੇਰੇ ਸਮੁੰਦਰਾਂ 'ਚ ਕਿੰਨੇ
ਜਵਾਰਭਾਟੇ
ਖੌਲਦੇ ਪਾਣੀਆਂ ਦਾ ਸੰਗੀਤ
----
ਮੈਂ ਚਾਹੁੰਦਾ ਹੋਇਆ ਵੀ
ਇਹਨਾਂ ਸਾਰੀਆਂ ਆਵਾਜ਼ਾਂ
ਸ਼ੋਰ ਸੰਗੀਤ ਵਾਵਰੋਲਿਆਂ ਤੋਂ
ਮੁਕਤ ਨਹੀਂ ਹੋ ਸਕਦਾ
ਚਾਹੁਣ ਤੇ ਵੀ ਨਹੀਂ ਮਿਟਾ ਸਕਦਾ
ਮੈਂ
ਆਪਣੀਆਂ ਯਾਦਾਂ ਦੀ ਤਖ਼ਤੀ ਤੋਂ
ਕਿੰਨੀਆਂ ਲਕੀਰਾਂ
ਕੱਟੀਆਂ ਵੱਢੀਆਂ ਸ਼ਕਲਾਂ……..
ਕਮਾਲ ਦੇ ਖ਼ਿਆਲ ਨੇ। ਬੇਹੱਦ ਖ਼ੂਬਸੂਰਤ! ਐਸੀਆਂ ਲਿਖਤਾਂ ਨਵੇਂ ਲਿਖਣ ਵਾਲ਼ੇ ਸਾਥੀਆਂ ਨੂੰ ਸੇਧ ਪ੍ਰਦਾਨ ਕਰਨਗੀਆਂ, ਮੇਰਾ ਵਿਸ਼ਵਾਸ ਹੈ। ਇੱਕ ਵਾਰ ਫੇਰ ਸ਼ੁਕਰੀਆ!
ਤਮੰਨਾ
Post a Comment