ਦੋਸਤੋ! ਡਾ: ਚੰਦ ਜੀ ਦੀ ਗ਼ਜ਼ਲ ਨਾਲ਼ ਲੱਗਿਆ ਇਹ ਬੇਹੱਦ ਖ਼ੂਬਸੂਰਤ ਰੇਖਾ ਚਿੱਤਰ ਪ੍ਰਤੀਕ ਜੀ ਨੇ ਟਰਾਂਟੋ, ਕੈਨੇਡਾ ਤੋਂ ਭੇਜਿਆਂ ਹੈ। ਉਹਨਾਂ ਦਾ ਵੀ ਬਹੁਤ-ਬਹੁਤ ਸ਼ੁਕਰੀਆ।ਗ਼ਜ਼ਲ
ਰੂਹ ਤੇ ਇਕ ਸ਼ਖ਼ਸ ਦਾ ਕਬਜ਼ਾ ਰਹੇਗਾ ਦੇਰ ਤਕ।
ਛਣਕਦਾ ਥੇਹਾਂ ‘ਚ ਇਕ ਹਾਸਾ ਰਹੇਗਾ ਦੇਰ ਤਕ।
----
ਰੁੱਖ ਦੀ ਰਗ-ਰਗ ‘ਚੋਂ ਲੰਘ ਜਾਏਗੀ ਉਹ ਨਟਖਟ ਹਵਾ,
ਪੱਤਾ ਪੱਤਾ ਤੜਪਦਾ ਕੰਬਦਾ ਰਹੇਗਾ ਦੇਰ ਤੱਕ।
----
ਜਿਸਮ ਤਾਂ ਬੇਗਾਨਗੀ ਪਹਿਨੇ ਹੋਏ ਲੰਘ ਜਾਣਗੇ,
ਪਰ ਮਨਾਂ ਵਿੱਚ ਨੇੜ ਦਾ ਜਜ਼ਬਾ ਰਹੇਗਾ ਦੇਰ ਤਕ।
----
ਇੱਕ ਹੌਕਾ ਜੋ ਮਿਰੇ ਸੀਨੇ ‘ਚ ਦਬਿਆ ਰਹਿ ਗਿਆ,
ਅੱਥਰੂ ਬਣ ਪਲਕ ‘ਤੇ ਰੁਕਿਆ ਰਹੇਗਾ ਦੇਰ ਤਕ।
----
ਜਿਸ ਦੀਆਂ ਨਜ਼ਰਾਂ ‘ਚ ਇੱਕ ਪਹਿਚਾਣ ਦੇਖੀ ਸੀ ਕਦੇ,
ਅਜਨਬੀ ਉਹ ਆਪਣਾ ਲਗਦਾ ਰਹੇਗਾ ਦੇਰ ਤਕ।
No comments:
Post a Comment