ਦਵਿੰਦਰ ਸਿੰਘ ਪੂਨੀਆ - ਹਾਇਕੂ

ਹਾਇਕੂ

ਗੰਨਾ

ਮਿੱਠਾ ਮਿੱਠਾ

ਪੀੜਿਆ ਗਿਆ

====

ਫਲ਼ਾਂ ਵਾਲ਼ੇ ਤੋਂ

ਸਿਰਫ਼ ਕੀਮਤ ਪੁੱਛ ਕੇ ਲੰਘ ਗਿਆ

ਰੋਜ਼ ਵਾਂਗ ਮਜ਼ਦੂਰ

====

ਤੇਜ਼ ਹਨੇਰੀ

ਸਫੈਦਿਆਂ ਦੀ ਕਤਾਰ

ਨੱਚ ਪਈ

====

ਪ੍ਰਦੂਸ਼ਣ

ਚਿਮਨੀ ਨੇ ਲਿਖਿਆ

ਧੂੰਏਂ ਨਾਲ਼

====

ਘਰ ਨੂੰ ਭਰਦੀ

ਤਿਣਕੇ ‘ਕੱਠੇ ਕਰਦੀ

ਚਿੜੀ ਦੀ ਚੀਂ ਚੀਂ

====

ਡਿੱਗ ਪਈ ਇਕ ਪਾਸੇ

ਮੀਲ ਪੱਥਰ ਤੋੜ ਕੇ

ਲੰਮੇ ਰੂਟ ਦੀ ਗੱਡੀ

====

ਕਣਕਾਂ ਪਕਾਉਂਦੀ

ਮੁੱਕਦੇ ਚੇਤ ਦੀ ਹਵਾ

ਭਖਣ ਲੱਗਾ ਧਰਤੀ ਦਾ ਚਿਹਰਾ

====

ਬਹੁਤ ਦੇਰ

ਦੋ ਗ੍ਰਹਿਆਂ ਨੇ ਘੇਰਿਆ ਚੰਨ

ਫਿਰ ਵੀ ਨਿੱਕਲ਼ ਗਿਆ

====

ਪੱਖਾ ਚੱਲੇ

ਬਿਜਲੀ ਗਈ

ਦਾਨੀ ਦਾ ਨਾਂ

====

ਜੋਕਰ ਦੀਆਂ ਗੱਲਾਂ

ਬੱਚਿਆਂ ਦਾ ਹਾਸਾ

ਮਹਾਂ ਨਾਦ

------

ਸਾਰੇ ਹਾਇਕੂ ਨਵੀਂ ਕਿਤਾਬ – ਕਣੀਆਂ ‘ਚੋਂ ਧੰਨਵਾਦ ਸਹਿਤ