ਜਸਬੀਰ ਮਾਹਲ - ਨਜ਼ਮ

ਹਾਦਸੇ

ਨਜ਼ਮ

ਹਾਦਸਿਆਂ ਵਿਚ...

ਬਸ ਰਿਸ਼ਤੇ ਟੁੱਟਦੇ ਹਨ

......

ਸੁਪਨੇ ਮਰੇ ਨੇ ਕੇਵਲ

ਦਿਲ ਹੀ ਗਿਆ ਵਲੂੰਧਰਿਆ

ਸ਼ਾਂਤੀ ਹੀ ਗੁਆਚੀ ਹੈ ਮਨ ਦੀ

ਸੁੱਖ-ਸਾਂਦ ਹੈ ਬਾਕੀ

.........

ਬਾਕੀ ਸਭ ਹੈ ਸਹੀ ਸਲਾਮਤ

ਮੈਂਬਰਸ਼ਿਪ ਕਲੱਬ ਦੀ

ਵੱਡੀ ਕੋਠੀ

ਮਹਿੰਗੀ ਕਾਰ

ਬੈਂਕ ਦਾ ਖਾਤਾ

ਫਾਰਮ-ਹਾਊਸ

ਸਾਗਰ ਕੰਢੇ ਦਾ ਘਰ-ਬਾਰ

......

ਸ਼ੁਕਰ ਹੈ ਬਚ ਗਿਆ

ਹਾਦਸਿਆਂ ਤੋਂ ਕਿੰਨਾ ਕੁਝ...!

======

ਪੱਥਰ

ਨਜ਼ਮ

ਬਦਲੀ ਹੈ ਜਦ ਤੋਂ

ਪੱਥਰ ਦੀ ਨਕਸ਼-ਨੁਹਾਰ

ਅਣਗੌਲ਼ਿਆ ਨਾ ਰਹੇ ਉਹ

ਸਗੋਂ

ਘਰਾਂ ਦਾ ਬਣੇ ਸ਼ਿੰਗਾਰ

.......

ਜਦ ਤੋਂ ਮਿਲ਼ੀ ਹੈ

ਪੱਥਰ ਨੂੰ

ਬੁੱਤ-ਘਾੜੇ ਦੀ ਛੋਹ

ਆਪਣੀ ਜ਼ਾਤ ਕੋਲ਼ੋਂ

ਅੱਡ ਬਹਿੰਦਾ ਹੈ ਉਹ