ਮੌਸਮ

ਆਰਸੀ ਤੇ ਨਵੀਆਂ ਰਚਨਾਵਾਂ

ਦੋਸਤੋ! ਜਿਵੇਂ ਕਿ ਤੁਸੀਂ ਜਾਣਦੇ ਹੀ ਹੋ ਕਿ ਆਰਸੀ ਨੂੰ Facebook ਅਤੇ Twitter ਨਾਲ਼ ਵੀ ਜੋੜ ਦਿੱਤਾ ਗਿਆ ਹੈ। ਜੇਕਰ ਤੁਹਾਡੇ ਕੋਲ਼ ਇਹਨਾਂ ਸਾਈਟਾਂ ਤੇ ਅਕਾਊਂਟ ਹਨ, ਤਾਂ ਤੁਸੀਂ ਆਰਸੀ ਬਲੌਗ ਨੂੰ ਓਥੋਂ ਵੀ join ਅਤੇ follow ਕਰ ਸਕਦੇ ਹੋ। ਲਿੰਕ ਹੇਠਾਂ ਦਿੱਤੇ ਜਾ ਰਹੇ ਹਨ। ਹੁਣ ਤੱਕ ਤੁਹਾਡੇ ਦਿੱਤੇ ਹਰ ਸਹਿਯੋਗ ਲਈ ਮਸ਼ਕੂਰ ਹਾਂ।
ਅਦਬ ਸਹਿਤ
ਤਨਦੀਪ ਤਮੰਨਾ



Sunday, November 22, 2009

ਦਵਿੰਦਰ ਸਿੰਘ ਪੂਨੀਆ - ਗ਼ਜ਼ਲ

ਗ਼ਜ਼ਲ

ਇਕ ਝਲਕ ਇਕ ਪਲ ਲਈ ਮੈਨੂੰ ਵਿਖਾ ਹਮਦਮ ਮੇਰੇ।

ਮੇਰੀਆਂ ਅੱਖਾਂ ਨੂੰ ਹੈ ਵੇਖਣ ਦਾ ਚਾ ਹਮਦਮ ਮੇਰੇ।

-----

ਮੇਰੇ ਵਿਹੜੇ ਹੈ ਹਨੇਰਾ ਦੇਰ ਤੋਂ ਗੂੜ੍ਹਾ ਬਹੁਤ,

ਫੁੱਲ ਚਾਨਣ ਦੇ ਖਿੜਨ ਤੂੰ ਪੈਰ ਪਾ ਹਮਦਮ ਮੇਰੇ।

-----

ਸ਼ਬਦ ਉੱਡੇ, ਸਾਜ਼ ਗਾਇਬ, ਚੁੱਪ ਘਾਤਕ ਹੋ ਗਈ,

ਤੋੜ ਕੇ ਜਾਲ਼ ਇਹ ਤੂੰ ਗੀਤ ਗਾ ਹਮਦਮ ਮੇਰੇ।

-----

ਥਲ਼ ਚ ਉੱਗੇ ਰੁੱਖ ਨੂੰ ਵੀ ਜੀਣ ਦਾ ਤਾਂ ਹੱਕ ਹੈ,

ਦੀਦ ਅਪਣੀ ਦਾ ਮੇਰੇ ਤੇ ਮੀਂਹ ਵਰ੍ਹਾ ਹਮਦਮ ਮੇਰੇ।

-----

ਦਿਨ, ਮਹੀਨੇ, ਸਾਲ ਸਾਰੇ ਦੌੜਦੇ ਹੀ ਜਾ ਰਹੇ,

ਆ ਸਮਾਂ ਸਾਨੂੰ ਮੁਕਾਉਂਦਾ ਜਾ ਰਿਹਾ ਹਮਦਮ ਮੇਰੇ।

------

ਜ਼ਿੰਦਗੀ ਦੀ ਯਾਤਰਾ ਹੈ ਸਭ ਤੋਂ ਮੁਸ਼ਕਿਲ ਯਾਤਰਾ,

ਆ ਸਫ਼ਲ ਫਿਰ ਵੀ ਹੋ ਰਹੇ ਇਹ ਯਾਤਰਾ ਹਮਦਮ ਮੇਰੇ।

-----

ਜ਼ਿੰਦਗੀ ਦੇ ਸ਼ਿਅਰ ਦਾ ਫਿਰ ਕੋਈ ਮਤਲਬ ਵੀ ਬਣੇ,

ਦੂਸਰਾ ਮਿਸਰਾ ਕਿਤੋਂ ਤੂੰ ਬਣਕੇ ਆ ਹਮਦਮ ਮੇਰੇ।

1 comment:

Rajinderjeet said...

Hamdam banaam doosra misra......bahut hi vadhiya Punia jio...