ਮੌਸਮ

ਆਰਸੀ ਤੇ ਨਵੀਆਂ ਰਚਨਾਵਾਂ

ਦੋਸਤੋ! ਜਿਵੇਂ ਕਿ ਤੁਸੀਂ ਜਾਣਦੇ ਹੀ ਹੋ ਕਿ ਆਰਸੀ ਨੂੰ Facebook ਅਤੇ Twitter ਨਾਲ਼ ਵੀ ਜੋੜ ਦਿੱਤਾ ਗਿਆ ਹੈ। ਜੇਕਰ ਤੁਹਾਡੇ ਕੋਲ਼ ਇਹਨਾਂ ਸਾਈਟਾਂ ਤੇ ਅਕਾਊਂਟ ਹਨ, ਤਾਂ ਤੁਸੀਂ ਆਰਸੀ ਬਲੌਗ ਨੂੰ ਓਥੋਂ ਵੀ join ਅਤੇ follow ਕਰ ਸਕਦੇ ਹੋ। ਲਿੰਕ ਹੇਠਾਂ ਦਿੱਤੇ ਜਾ ਰਹੇ ਹਨ। ਹੁਣ ਤੱਕ ਤੁਹਾਡੇ ਦਿੱਤੇ ਹਰ ਸਹਿਯੋਗ ਲਈ ਮਸ਼ਕੂਰ ਹਾਂ।
ਅਦਬ ਸਹਿਤ
ਤਨਦੀਪ ਤਮੰਨਾ



Tuesday, December 29, 2009

ਸੁਰਿੰਦਰ ਸਿੰਘ ਸੀਰਤ - ਗ਼ਜ਼ਲ

ਗ਼ਜ਼ਲ

ਕਿਸ ਖ਼ਤਾ ਦੀ ਇਹ ਕੇਹੀ ਮੈਨੂੰ ਸਜ਼ਾ ਦੇਂਦਾ ਏਂ।

ਨਾਂ ਮਿਰਾ ਕੰਧ ਤੇ ਲਿਖ ਲਿਖ ਕੇ ਮਿਟਾ ਦੇਂਦਾ ਏਂ।

-----

ਇਸ ਤਰ੍ਹਾਂ ਨਾਲ਼ ਨਿਭਾ ਕਰਨਾ ਲਗਾਵਟ ਤਾਂ ਨਹੀਂ,

ਆਪੇ ਖ਼ਤ ਲਿਖਦਾ ਏਂ, ਆਪੇ ਹੀ ਹਟਾ ਦੇਂਦਾ ਏਂ।

-----

ਮੈਂ. ਕਿ ਇਤਬਾਰ ਰਹਾਂ ਕਰਦਾ, ਵਫ਼ਾ ਤੇਰੀ ਤੇ,

ਯਾਰ, ਹਰ ਵਾਰ ਮਿਨੂੰ ਤੂੰ ਹੀ ਦਗ਼ਾ ਦੇਂਦਾ ਏਂ।

-----

ਹਰ ਖ਼ਤਾ ਤੇਰੀ ਉਡਾ ਦੇਂਦਾ ਹਾਂ ਧੂੰਏਂ ਵਾਂਗੂੰ,

ਅੱਲੇ ਜ਼ਖ਼ਮਾਂ ਨੂੰ ਤੂਹੀਂ ਹੈਂ, ਕਿ ਹਵਾ ਦੇਂਦਾ ਏਂ।

-----

ਸੋਚ ਮੇਰੀ ਨੂੰ ਤਾਂ ਇੰਝ ਚੋਟ ਬੜੀ ਲਗਦੀ ਏ,

ਖ਼ਾਬ ਅਪਣੇ ਚੋਂ ਹਰਿਕ ਰੋਜ਼ ਜਗਾ ਦੇਂਦਾ ਏਂ।

-----

ਓਪਰਾ ਬਣ ਕੇ ਧਰੇਂ ਦੋਸ਼ ਮਿਰੇ ਸਿਰ ਉੱਤੇ,

ਆਪਣੇ ਇਸ ਢੰਗ ਜਿਹੇ ਨਾਲ਼ ਡਰਾ ਦੇਂਦਾ ਏਂ।

-----

ਮਸਤ ਹਰ ਕੋਈ ਅਜੇ ਤੋਰ ਚ ਆਪੋ ਅਪਣੀ,

ਇਸ ਜ਼ਮਾਨੇ ਨੂੰ ਤੂੰ ਕਿਉਂ ਕੋਈ ਦਿਸ਼ਾ ਦੇਂਦਾ ਏਂ।

No comments: