ਮੌਸਮ

ਆਰਸੀ ਤੇ ਨਵੀਆਂ ਰਚਨਾਵਾਂ

ਦੋਸਤੋ! ਜਿਵੇਂ ਕਿ ਤੁਸੀਂ ਜਾਣਦੇ ਹੀ ਹੋ ਕਿ ਆਰਸੀ ਨੂੰ Facebook ਅਤੇ Twitter ਨਾਲ਼ ਵੀ ਜੋੜ ਦਿੱਤਾ ਗਿਆ ਹੈ। ਜੇਕਰ ਤੁਹਾਡੇ ਕੋਲ਼ ਇਹਨਾਂ ਸਾਈਟਾਂ ਤੇ ਅਕਾਊਂਟ ਹਨ, ਤਾਂ ਤੁਸੀਂ ਆਰਸੀ ਬਲੌਗ ਨੂੰ ਓਥੋਂ ਵੀ join ਅਤੇ follow ਕਰ ਸਕਦੇ ਹੋ। ਲਿੰਕ ਹੇਠਾਂ ਦਿੱਤੇ ਜਾ ਰਹੇ ਹਨ। ਹੁਣ ਤੱਕ ਤੁਹਾਡੇ ਦਿੱਤੇ ਹਰ ਸਹਿਯੋਗ ਲਈ ਮਸ਼ਕੂਰ ਹਾਂ।
ਅਦਬ ਸਹਿਤ
ਤਨਦੀਪ ਤਮੰਨਾ



Wednesday, December 2, 2009

ਸੁਰਜੀਤ - ਨਜ਼ਮ

ਦੋਸਤੋ! ਬਰੈਂਪਟਨ, ਕੈਨੇਡਾ ਵਸਦੀ ਲੇਖਿਕਾ ਸੁਰਜੀਤ ਜੀ ਨੂੰ ਜੁਲਾਈ ਦੇ ਆਖ਼ਰੀ ਹਫ਼ਤੇ ਬਰੇਨ ਹੈਮਰੇਜ ਹੋਣ ਕਰਕੇ ਕਈ ਕਠਿਨ ਮੈਡੀਕਲ ਟੈਸਟਾਂ ਅਤੇ ਬਰੇਨ ਸਰਜਰੀ ਚੋਂ ਗੁਜ਼ਰਨਾ ਪਿਆ ਹੈ। ਕੁਝ ਹਫ਼ਤੇ ਹਸਪਤਾਲ ਰਹਿਣ ਤੋਂ ਬਾਅਦ, ਹੁਣ ਉਹ ਘਰੇ ਬੈੱਡ-ਰੈਸਟ ਤੇ ਹਨ । ਆਰਸੀ ਪਰਿਵਾਰ ਵੱਲੋਂ ਉਹਨਾਂ ਦੀ ਜਲਦ ਸਿਹਤਯਾਬੀ ਲਈ ਦੁਆਗੋ ਹਾਂ। ਸਰਜਰੀ ਤੋਂ ਪਹਿਲਾਂ ਉਹ ਆਪਣੀ ਨਵੀਂ ਕਿਤਾਬ ਲਿਖ ਰਹੇ ਸਨ, ਜੋ ਅਧੂਰੀ ਹੈ ਅਸੀਂ ਅਰਦਾਸ ਕਰਦੇ ਹਾਂ ਕਿ ਉਹ ਜਲਦ ਠੀਕ ਹੋ ਕੇ ਆਪਣੀ ਇਹ ਕਿਤਾਬ ਪੂਰੀ ਕਰਨ ਅਤੇ ਆਪਣੀਆਂ ਪਰਿਵਾਰਕ ਜ਼ਿੰਮੇਵਾਰੀਆਂ ਸੰਭਾਲ਼ਣ...ਉਹਨਾਂ ਦੀਆਂ ਨਵੀਆਂ ਨਜ਼ਮਾਂ ਦੀ ਆਰਸੀ ਪਰਿਵਾਰ ਨੂੰ ਉਡੀਕ ਰਹੇਗੀ....ਆਮੀਨ!!

ਅਦਬ ਸਹਿਤ

ਤਨਦੀਪ ਤਮੰਨਾ

*******

ਪਰਦੇਸੀ

ਨਜ਼ਮ

ਹਰ ਪਗਡੰਡੀ ਤੇ

ਦੀਵਾ ਬਾਲ਼ ਉਸ ਧਰਿਆ ਹੈ

ਦੇਸੋਂ ਆਉਂਦਾ ਹਰ ਰਿਸ਼ਤਾ ਹੀ ਠਰਿਆ ਹੈ

..............

ਸੜਕਾਂ ਤੇ ਤੁਰਦਾ ਸੜਕ ਹੋ ਗਿਐ

ਅਣਪਛਾਤੀ ਭੀੜ ਦੀ ਉਜਾੜ

ਠਠੰਬਰਿਆ ਉਹ ਖੜ੍ਹਿਆ ਹੈ!

................

ਉਂਝ ਤਾਂ ਡੁੱਲ੍ਹ ਗਿਐ

ਆਪਣਿਆਂ ਦੇ ਚੇਤਿਆਂ ਚੋਂ ਵੀ ਹੁਣ ਤਾਂ

ਪਰ ਸੁਹਣੇ ਫਰੇਮ ਚ ਜੜੀ

ਤਸਵੀਰ ਬਣਕੇ

ਉਹਨਾਂ ਦੀ ਕੰਧਾਂ ਤੇ ਅਜੇ ਲਟਕ ਰਿਹੈ!

.............

ਜਦ ਕਦੇ ਵੀ ਹਵਾ ਚੋਂ

ਆਪਣਿਆਂ ਦੇ ਬੋਲ ਉਹ ਸੁਣਦੈ

ਇਕੋ ਮਜ਼ਮੂਨ ਉਸ ਪੜ੍ਹਿਐ

ਟਾਹਲੀ ਵਾਲ਼ੇ ਖੂਹ ਦੀ ਕੀਮਤ

ਬਾਪੂ ਦੀ ਪੱਗ

ਛੋਟੇ ਦੀ ਮਾਰੂਤੀ

ਭੈਣ ਦੇ ਸਹੁਰਿਆਂ ਦਾ ਅੱਡਿਆ ਮੂੰਹ...

ਮੈਕਸੀਕੋ ਚ ਬੈਠੇ

ਰਿਸ਼ਤੇਦਾਰਾਂ ਦੇ ਮੁੰਡੇ ਦੇ

ਅਮਰੀਕਾ ਆਉਣ ਦੇ ਸੁਪਨੇ

ਹਰ ਰਿਸ਼ਤਾ ਹੀ ਪੂੰਜੀ ਮੰਗ ਰਿਹੈ

ਤੇ ਉਹ ਪੂੰਜੀ ਦਾ ਚਿੰਨ੍ਹ ਬਣ

ਇਕ ਜੌਬ ਤੋਂ ਦੂਜੀ ਜੌਬ ਤੱਕ

ਭਟਕ ਰਿਹੈ

...............

ਪੂੰਜੀ ਦੀ ਸੂਲ਼ੀ ਤੇ

ਉਹ ਲਟਕ ਰਿਹੈ!!

1 comment:

csmann said...

surjit ji di bahut hi baavaatmik nazm;parmaatmaa agge ardaas ki aap nu chhetii shifaa bakhshe