ਮੌਸਮ

ਆਰਸੀ ਤੇ ਨਵੀਆਂ ਰਚਨਾਵਾਂ

ਦੋਸਤੋ! ਜਿਵੇਂ ਕਿ ਤੁਸੀਂ ਜਾਣਦੇ ਹੀ ਹੋ ਕਿ ਆਰਸੀ ਨੂੰ Facebook ਅਤੇ Twitter ਨਾਲ਼ ਵੀ ਜੋੜ ਦਿੱਤਾ ਗਿਆ ਹੈ। ਜੇਕਰ ਤੁਹਾਡੇ ਕੋਲ਼ ਇਹਨਾਂ ਸਾਈਟਾਂ ਤੇ ਅਕਾਊਂਟ ਹਨ, ਤਾਂ ਤੁਸੀਂ ਆਰਸੀ ਬਲੌਗ ਨੂੰ ਓਥੋਂ ਵੀ join ਅਤੇ follow ਕਰ ਸਕਦੇ ਹੋ। ਲਿੰਕ ਹੇਠਾਂ ਦਿੱਤੇ ਜਾ ਰਹੇ ਹਨ। ਹੁਣ ਤੱਕ ਤੁਹਾਡੇ ਦਿੱਤੇ ਹਰ ਸਹਿਯੋਗ ਲਈ ਮਸ਼ਕੂਰ ਹਾਂ।
ਅਦਬ ਸਹਿਤ
ਤਨਦੀਪ ਤਮੰਨਾ



Friday, January 15, 2010

ਹਰਜਿੰਦਰ ਕੰਗ - ਗ਼ਜ਼ਲ

ਗ਼ਜ਼ਲ

ਇਸ ਵਾਰੀ ਜਦ ਪਿੰਡੋਂ ਹੋ ਕੇ ਆਇਆ ਹਾਂ।

ਆਪਣੇ ਹੀ ਗਲ਼ ਲਗ ਲਗ ਰੋ ਕੇ ਆਇਆ ਹਾਂ।

-----

ਬੰਦ ਪਏ ਸੀ ਬੂਹੇ ਜੋ, ਮੈਂ ਖੋਲ੍ਹੇ ਨਾ,

ਰਹਿ ਗਏ ਸੀ ਜੋ ਖੁੱਲ੍ਹੇ, ਢੋ ਕੇ ਆਇਆ ਹਾਂ।

-----

ਪੈੜ ਨਹੀਂ ਸੀ ਮੇਰੀ ਹੁਣ ਪਗਡੰਡੀਆਂ ਤੇ,

ਪਗਡੰਡੀਆਂ ਦੇ ਕੋਲ਼ ਖਲੋ ਕੇ ਆਇਆ ਹਾਂ।

-----

ਜਿਸ ਥਾਂ ਤੋਂ ਖ਼ਤ ਉਸਦੇ ਕੱਢੇ ਪੜ੍ਹਨ ਲਈ,

ਉਸ ਹੀ ਥਾਂ ਤੇ ਫੇਰ ਲੁਕੋ ਕੇ ਆਇਆ ਹਾਂ।

-----

ਮੋਈ ਮਾਂ ਦੇ ਮੈਲ਼ੇ ਜਿਹੇ ਦੁਪੱਟੇ ਨੂੰ,

ਸੀਨੇ ਲਾ ਲਾ ਰੋ ਰੋ ਧੋ ਕੇ ਆਇਆ ਹਾਂ।

-----

ਆ ਕੇ ਸਭਨਾਂ ਨੂੰ ਮਿਲ਼ਿਆ ਹਾਂ ਹਸ ਹਸ ਕੇ,

ਦੱਸਿਆ ਨਹੀਂ ਮੈਂ ਕਿੰਨਾ ਰੋ ਕੇ ਆਇਆ ਹਾਂ।

1 comment:

baljitgoli said...

bahut hi khoobsurat ........ heart touching............