ਗ਼ਜ਼ਲਆ ਜਗਾਈਏ ਮੋਮਬੱਤੀਆਂ।
ਨਾ ਬੁਝਾਈਏ ਮੋਮਬੱਤੀਆਂ।
-----
ਜਗਣ ਦਈਏ, ਮਚਣ ਦਈਏ,
ਨਾ ਸਤਾਈਏ ਮੋਮਬੱਤੀਆਂ।
-----
ਦਨਦਨਾਉਂਦੇ ਨੇਰ੍ਹਿਆਂ ਦੀ,
ਹਿਕ ‘ਤੇ ਲਾਈਏ ਮੋਮਬੱਤੀਆਂ।
-----
ਅਸਤ ਹੋਏ ਸੂਰਜਾਂ ਨੂੰ,
ਚਲ ਵਿਖਾਈਏ ਮੋਮਬੱਤੀਆਂ।
-----
ਵੇਚਦੈ ਸ਼ਸਤਰ ਉਹ, ਆਪਾਂ
ਵੰਡ ਆਈਏ ਮੋਮਬੱਤੀਆਂ।
-----
ਜੁਗਨੂੰ, ਸੂਰਜ, ਦੀਵਿਆਂ ਦੇ
ਵਿਚ ਬਿਠਾਈਏ ਮੋਮਬੱਤੀਆਂ।
-----
ਖੋਹ ਕੇ ਪੱਥਰ ਭੀੜ ਕੋਲੋਂ,
ਹੱਥ ਫੜਾਈਏ ਮੋਮਬੱਤੀਆਂ।
-----
ਰੁੱਸ ਨਾ ਜਾਵਣ ਸਦਾ ਲਈ,
ਉਠ! ਮਨਾਈਏ ਮੋਮਬੱਤੀਆਂ।
-----
ਜਦ ਕਿਸੇ ਨੂੰ ਮਿਲ਼ਣ ਜਾਈਏ,
ਲੈ ਕੇ ਜਾਈਏ ਮੋਮਬੱਤੀਆਂ।
No comments:
Post a Comment