ਲਹੂ ਤੇਰੇ ‘ਚ ਜਦ ਅਨੁਰਾਗ ਦਾ ਆਗਾਜ਼ ਹੋਵੇਗਾ।
ਨਿਸ਼ਾ ਦੇ ਘਰ ਦਾ ਤੇਰੇ ਕੋਲ਼ ਫਿਰ ਹਰ ਰਾਜ਼ ਹੋਵੇਗਾ।
-----
ਰਜ਼ਾ ਦੀ ਬੇਖ਼ੁਦੀ ਵਿਚ ਡੁਬ ਗਈ ਜਿਸ ਦਿਨ ਨਜ਼ਰ ਤੇਰੀ,
ਤਾਂ ਤੇਰੇ ਸੁਪਨਿਆਂ ਦਾ ਖ਼ੁਦ ਖ਼ੁਦਾ ਹਮਰਾਜ਼ ਹੋਵੇਗਾ।
-----
ਕਿਸੇ ਪੱਥਰ ਦੀ ਮਿੱਟੀ ਚੋਂ ਵੀ ਉਗਣਾ ਫੁੱਲ ਬਣ ਬਣਕੇ,
ਫ਼ਨਾਹ ਹੋਵਣ ਦਾ ਸ਼ਾਇਦ ਇਹ ਨਵਾਂ ਅੰਦਾਜ਼ ਹੋਵਾਗਾ।
-----
ਬਦਲਦੇ ਵਕ਼ਤ ਦਾ ਰਹਿਬਰ ਹੀ ਜੇਕਰ ਬਣ ਗਿਆ ਪੱਥਰ,
ਤਾਂ ਮੇਰੀ ਵੇਦਨਾ ਦੀ ਕੌਣ ਫਿਰ ਆਵਾਜ਼ ਹੋਵੇਗਾ।
-----
ਜੇਕਰ ਤੇਰੇ ਪਰਾਂ ਵਿਚ ਭਰ ਗਿਆ ਉਹ ਰੰਗ ਵਿਸਮਾਦੀ,
ਤਾਂ ਉਹ ਤੇਰੇ ਸਫ਼ਰ ਵਿਚ ਲੁਤਫ਼ ਦੀ ਪਰਵਾਜ਼ ਹੋਵੇਗਾ।
-----
ਮਿਟਾ ਕੇ ਖ਼ੁਦ ਨੂੰ ਬਦਲੇਗਾ ਜ਼ਮਾਨੇ ਦੀ ਹਵਾ ਨੂੰ ਜੋ,
ਤਾਂ ਉਹ ਮੇਰੀ ਨਜ਼ਰ ਵਿਚ ਵਕ਼ਤ ਦਾ ਸਰਤਾਜ ਹੋਵੇਗਾ।
No comments:
Post a Comment