ਅਦਬ ਸਹਿਤ
ਤਨਦੀਪ ਤਮੰਨਾ
******
ਗ਼ਜ਼ਲ
ਕਿਸਨੂੰ ਖੋਲ੍ਹ ਸੁਣਾਵਾਂ, ਦੁਖ ਪਰਦੇਸਾਂ ਦੇ।
ਧੁੱਪ ਨੇ ਨਿਗਲ਼ੀਆਂ ਛਾਵਾਂ, ਦੁਖ ਪਰਦੇਸਾਂ ਦੇ।
-----
ਭੀੜ ਪਈ ਤੋਂ ਸਾਰੇ ਅੱਖ ਚੁਰਾ ਜਾਵਣ,
ਕੀ ਪੁੱਤਰ, ਕੀ ਮਾਵਾਂ, ਦੁਖ ਪਰਦੇਸਾਂ ਦੇ।
-----
ਕਣਕ ਬਥੇਰੀ ਉਗਦੀ, ਫਿਰ ਵੀ ਖਾਂਦੇ ਨੇ,
ਮੁਰਗੇ, ਬੱਕਰੇ, ਗਾਵਾਂ, ਦੁਖ ਪਰਦੇਸਾਂ ਦੇ।
-----
ਨੀਂਦਰ ਤਾਈਂ ਭਜਾਵੇ ਬੋਲ ਅਲਾਰਮ ਦਾ,
ਸਾਰਾ ਦਿਨ ਉਂਘਲਾਵਾਂ, ਦੁਖ ਪਰਦੇਸਾਂ ਦੇ।
-----
ਸੁਪਨੇ ਵਿਚ ਵੀ ਬਿੱਲ ਹੀ ਪਿੱਛਾ ਕਰਦੇ ਨੇ,
ਭਜ-ਨਠ ਵਿਚ ਭੁਗਤਾਵਾਂ, ਦੁਖ ਪਰਦੇਸਾਂ ਦੇ।
-----
ਹਸਦੀ-ਹਸਦੀ ਬੀਵੀ ਥਾਣੇ ਜਾ ਖੜ੍ਹਦੀ,
ਫਿਰ ਬੇਅੰਤ ਸਜ਼ਾਵਾਂ, ਦੁਖ ਪਰਦੇਸਾਂ ਦੇ।
-----
ਆਖਣ ਨੂੰ ਤਾਂ ਚਾਰੋਂ-ਤਰਫ਼ ਸੁਹੱਪਣ ਹੈ,
ਆਓ! ਕੋਹਜ ਵਿਖਾਵਾਂ, ਦੁਖ ਪਰਦੇਸਾਂ ਦੇ।
-----
ਅਪਣੇ ਦੇਸ਼ ਦੀ ‘ਬਾਦਲ’, ਕਿਧਰੇ ਰੀਸ ਨਹੀਂ,
ਏਥੇ ਹੀ ਗੱਲ ਮੁਕਾਵਾਂ, ਦੁਖ ਪਰਦੇਸਾਂ ਦੇ।
4 comments:
ਆਖਣ ਨੂ ਤਾਂ ਚਾਰੋ ਤਰਫ਼ ਸੁਹੱਪਣ ਹੈ
ਆਓ ਕੋਹਜ ਵਿਖਾਵਾਂ , ਦੁਖ ਪ੍ਰਦੇਸਾਂ ਦੇ
ਬਹੁਤ ਖੂਬ ਬਾਦਲ ਸਾਹਿਬ, ਸਾਰੀ ਗਜ਼ਲ ਹੀ ਕਮਾਲ ਹੈ
My Best Regards for you and family.
Yours:: Tarlok.
Paradox unearhted, poetically.
ਬਾਦਲ ਸਾਹਿਬ, ਇਕੋ ਗ਼ਜ਼ਲ ਦੇ ਚੰਦ ਸ਼ੇਅਰਾਂ ਵਿਚ ਪਰਦੇਸਾਂ ਦਾ ਸਾਰਾ ਹਾਲ ਬਿਆਨ ਕਰ ਦਿੱਤਾ ਹੈ। ਕਿਰਚਾਂ ਸੰਗ੍ਰਹਿ ਉਪਲਬਧ ਹੈ?
ਹਿਤੂ
ਸੁਰ ਖ਼ੁਆਬ
ਸਤਿਕਾਰਤ ਸੁਰ ਖ਼ੁਆਬ ਜੀ। 'ਕਿਰਚਾਂ' ਦਾ ਦੂਸਰਾ ਐਡੀਸ਼ਨ ਜਲਦੀ ਹੀ ਛਪੇਗਾ। ਇਕੋ ਕਿਤਾਬ ਪਈ ਹੈ ਜੋ ਮੇਰੇ ਕੋਲ਼ ਹੈ। ਜਦੋਂ ਵੀ ਨਵਾਂ ਐਡੀਸ਼ਨ ਆਇਆ, ਮੈਂ ਸੂਚਨਾਵਾਂ 'ਚ ਪੋਸਟ ਕਰ ਦੇਵਾਂਗੀ। ਆਰਸੀ 'ਤੇ ਫੇਰੀ ਪਾਉਣ ਅਤੇ ਟਿੱਪਣੀਆਂ ਭੇਜਣ ਲਈ ਲਈ ਬਹੁਤ-ਬਹੁਤ ਸ਼ੁਕਰੀਆ।
ਅਦਬ ਸਹਿਤ
ਤਨਦੀਪ
Post a Comment