ਦੋਹੇਝੱਖੜ ਨ੍ਹੇਰਾ ਸ਼ੂਕਦਾ ਭਰਿਆ ਵਗੇ ਝਨਾਂ।
ਮੈਂ ਪੱਕੀ ਕੱਚਾ ਘੜਾ, ਚੱਲ ਉਸ ਪਾਰ, ਮਨਾਂ!
-----
ਜੇ ਤੂੰ ਮਿੱਤਰ ਲੋਚਦੈਂ ‘ਮੈਂ’ ਤੋਂ ਗੱਲ ਨਾ ਤੋਰ।
ਨਹੀਂ ਤਾਂ ਮਿਲਣੀ ਮਰੇਗੀ ‘ਤੂੰ ਤੂੰ ਮੈਂ ਮੈਂ’ ਸ਼ੋਰ।
-----
-----
ਵਸਲ ਆਨੰਦ ਬਹਿਸ਼ਤ ਲਈ ਸਦਾ ਸਮੇਂ ਦੀ ਥੋੜ।
ਗਲਵੱਕੜੀ ਦੀ ਕ਼ੈਦ ‘ਚੋਂ ਮੁਕਤੀ ਦੀ ਕੀ ਲੋੜ?
-----
ਬੜਾ ਤਣਾਅ ਹੈ ਇਸ ਘਰੇ ਡਰ ਗ਼ੁੱਸਾ ਤਕਰਾਰ।
ਹਉਮੈ ਗ਼ਰਕ ਗੁਆ ਰਹੇ ਜੀਵਨ ਦੇ ਦਿਨ ਚਾਰ।
-----
ਮਨ ਤਣਿਆ ਤਨ ਤੁਰ ਰਿਹਾ ਖ਼ੁਸ਼ੀਓਂ ਖ਼ਾਲੀ ਜਾਮ।
ਰੋਜ਼ ਪਿਆਲੇ ਛਲਕਦੇ ਡੁੱਬ ਜਾਂਦੀ ਹੈ ਸ਼ਾਮ।
-----
ਦਗ਼ੇਬਾਜ਼ ਨੂੰ ਪਿਆਰ ਦਾ ਮਨ ਕੱਢਦਾ ਹੈ ਗਾਲ਼।
ਦਿਲ ਨੇ ਉਸਦੀ ਯਾਦ ਲਈ ਲਿਐ ਬਹਾਨਾ ਭਾਲ਼।
-----
ਅਪਣੀ ਬਾਂਹ ਗਲ਼ ਪਾ ਕੇ ਸੁੱਤੀ ਸੁੰਦਰ ਨਾਰ।
ਸੁਪਨਾ ਚਿੰਤਾ ਕਰ ਰਿਹਾ ਤੁਰ ਜਾਵੇ ਨਾ ਯਾਰ।
-----
ਪਲ਼ਿਆ ਕਿਲ੍ਹੇ ਹਿਫ਼ਾਜ਼ਤੀ ਅਣਤਾਰੂ ਡਰਪੋਕ।
ਪਾਰ ਨਦੀ ਦੇ ਦਿਸ ਰਹੀ ਰੂਪਵੰਤ ਦੀ ਝੋਕ।
-----
ਗ਼ੁੱਸਾ ਝਗੜਾ ਅੱਥਰੂ ਰਿਹਾ ਉਹ ਨਰਕ ਹੰਢਾ।
ਖ਼ਤ ਮੇਰੇ ਪਰ ਅਜੇ ਵੀ ਪੜ੍ਹਦਾ ਰੋਜ਼ ਲੁਕਾ।
-----
ਨਾਂਹ ਕੀਤੀ ਮਹਿਬੂਬ ਨੂੰ ਕੀਤਾ ਮਹਾਂ-ਫ਼ਰੇਬ।
ਨਰਕ ਹੰਢਾਇਆ ਉਮਰ ਭਰ ਖ਼ੁਸ਼ੀਓਂ ਖ਼ਾਲੀ ਜੇਬ।
1 comment:
Ram Puri Sahib,Dohe pabhawshali ne.Rup Daburji
Post a Comment