ਮੌਸਮ

ਆਰਸੀ ਤੇ ਨਵੀਆਂ ਰਚਨਾਵਾਂ

ਦੋਸਤੋ! ਜਿਵੇਂ ਕਿ ਤੁਸੀਂ ਜਾਣਦੇ ਹੀ ਹੋ ਕਿ ਆਰਸੀ ਨੂੰ Facebook ਅਤੇ Twitter ਨਾਲ਼ ਵੀ ਜੋੜ ਦਿੱਤਾ ਗਿਆ ਹੈ। ਜੇਕਰ ਤੁਹਾਡੇ ਕੋਲ਼ ਇਹਨਾਂ ਸਾਈਟਾਂ ਤੇ ਅਕਾਊਂਟ ਹਨ, ਤਾਂ ਤੁਸੀਂ ਆਰਸੀ ਬਲੌਗ ਨੂੰ ਓਥੋਂ ਵੀ join ਅਤੇ follow ਕਰ ਸਕਦੇ ਹੋ। ਲਿੰਕ ਹੇਠਾਂ ਦਿੱਤੇ ਜਾ ਰਹੇ ਹਨ। ਹੁਣ ਤੱਕ ਤੁਹਾਡੇ ਦਿੱਤੇ ਹਰ ਸਹਿਯੋਗ ਲਈ ਮਸ਼ਕੂਰ ਹਾਂ।
ਅਦਬ ਸਹਿਤ
ਤਨਦੀਪ ਤਮੰਨਾ



Friday, July 30, 2010

ਗੁਰਦੀਪ ਪੰਧੇਰ - ਗੀਤ

ਗੀਤ

ਦਿਲ ਵਿੱਚੋਂ ਉੱਠਿਆ ਤੇ, ਦਿਲ ਚ ਦਬਾ ਲਿਆ

ਹੌਕਾ ਇੱਕ ਸੱਧਰਾਂ ਦਾ, ਅਸਾਂ ਨੇ ਛੁਪਾ ਲਿਆ

-----

ਤਾਰਿਆਂ ਦੀ ਲੋਅ ਹੇਠ, ਨੇਰਿਆਂ ਦਾ ਵਾਸਾ ਨਾ

ਚਾਨਣੀ ਦਾ ਕੋਈ ਹੁਣ, ਸਾਨੂੰ ਧਰਵਾਸਾ ਨਾ

ਸਭ ਕੁਝ ਮੱਸਿਆ ਦੀ, ਰਾਤ ਨੇ ਖਪਾ ਲਿਆ...

ਹੌਕਾ ਇੱਕ ਸੱਧਰਾਂ ਦਾ, ਅਸਾਂ ਨੇ ....

-----

ਅੰਬਰਾਂ ਤੇ ਬਾਰੀ ਰਾਹੀ, ਤੱਕਾਂ ਮੈਂ ਫ਼ਿਜ਼ਾ

ਕਿੱਦਾਂ ਪੰਛੀ ਖੋਲ੍ਹਦੇ ਨੇ, ਖੰਭਾਂ ਨੂੰ ਹਵਾ

ਅਸਾਂ ਨੇ ਵੀ ਮੋਢਿਆਂ ਤੋਂ, ਬਾਹਵਾਂ ਨੂੰ ਫੈਲਾ ਲਿਆ....

ਹੌਕਾ ਇੱਕ ਸੱਧਰਾਂ ਦਾ, ਅਸਾਂ ਨੇ ....

-----

ਕਿਰ ਗਏ ਨੇ ਸੁਫ਼ਨੇ, ਚਾਵਾਂ ਨਾਲ਼ ਗੁੰਦੇ ਹੋਏ

ਸਾਡਾ ਵੀ ਕੀ ਜ਼ੋਰ ਸੀ, ਕੰਢਿਆਂ ਦੇ ਹੁੰਦੇ ਹੋਏ

ਕਲੀਆਂ ਤੋਂ ਸੱਖਣਾ ਹੀ, ਹਾਰ ਗਲ਼ ਪਾ ਲਿਆ...

ਹੌਕਾ ਇੱਕ ਸੱਧਰਾਂ ਦਾ, ਅਸਾਂ ਨੇ ....

1 comment:

rup said...

Pander Sahib,Hauka ik sadhran da...baut khoob lagga-Rup Daburji