ਮੌਸਮ

ਆਰਸੀ ਤੇ ਨਵੀਆਂ ਰਚਨਾਵਾਂ

ਦੋਸਤੋ! ਜਿਵੇਂ ਕਿ ਤੁਸੀਂ ਜਾਣਦੇ ਹੀ ਹੋ ਕਿ ਆਰਸੀ ਨੂੰ Facebook ਅਤੇ Twitter ਨਾਲ਼ ਵੀ ਜੋੜ ਦਿੱਤਾ ਗਿਆ ਹੈ। ਜੇਕਰ ਤੁਹਾਡੇ ਕੋਲ਼ ਇਹਨਾਂ ਸਾਈਟਾਂ ਤੇ ਅਕਾਊਂਟ ਹਨ, ਤਾਂ ਤੁਸੀਂ ਆਰਸੀ ਬਲੌਗ ਨੂੰ ਓਥੋਂ ਵੀ join ਅਤੇ follow ਕਰ ਸਕਦੇ ਹੋ। ਲਿੰਕ ਹੇਠਾਂ ਦਿੱਤੇ ਜਾ ਰਹੇ ਹਨ। ਹੁਣ ਤੱਕ ਤੁਹਾਡੇ ਦਿੱਤੇ ਹਰ ਸਹਿਯੋਗ ਲਈ ਮਸ਼ਕੂਰ ਹਾਂ।
ਅਦਬ ਸਹਿਤ
ਤਨਦੀਪ ਤਮੰਨਾ



Thursday, July 22, 2010

ਸਤਿਨਾਮ ਸਿੰਘ ਕੋਮਲ - ਗ਼ਜ਼ਲ

ਆਰਸੀ ਤੇ ਖ਼ੁਸ਼ਆਮਦੀਦ

ਸਾਹਿਤਕ ਨਾਮ: ਸਤਿਨਾਮ ਸਿੰਘ ਕੋਮਲ

ਅਜੋਕਾ ਨਿਵਾਸ: ਲੁਧਿਆਣਾ, ਪੰਜਾਬ।

ਪ੍ਰਕਾਸ਼ਿਤ ਕਿਤਾਬਾਂ: ਗ਼ਜ਼ਲ-ਸੰਗ੍ਰਹਿ ਧੁੱਪ ਦੀ ਮੂਰਤ ਪ੍ਰਕਾਸ਼ਿਤ ਹੋ ਚੁੱਕਿਆ ਹੈ।

*****

-----

-----

ਗ਼ਜ਼ਲ

ਬਹੁਤੀ ਪਰਵਾਹ ਨਾ ਕਰਿਆ ਕਰ ਇਹ ਦਰਦ ਸਲਾਮਤ ਰਹਿਣਾ ਏਂ।

ਹਰ ਸ਼ਾਮੀਂ ਖੰਜਰ ਬਿਰਹੋਂ ਦਾ ਸੀਨੇ ਵਿਚ ਤੇਰੇ ਲਹਿਣਾ ਏਂ

-----

ਅਪਣੇ ਅਤੇ ਬਿਗਾਨੇ ਦਾ ਜੋ ਭਰਮ ਤੂੰ ਪਾਲ਼ੀ ਫਿਰਦਾ ਏਂ।

ਇਹ ਸੱਚ ਵੀ ਚਿੱਟੇ ਦਿਨ ਵਰਗਾ ਹੈ ਸਭ ਨੂੰ ਪੈਣਾ ਕਹਿਣਾ ਏਂ

-----

ਆਏ ਸਾਂ ਤਪਦੇ ਮਨ ਲੈ ਕੇ ਤੇ ਸਰਫੇ ਦਾ ਹੀ ਧਨ ਲੈ ਕੇ,

ਖ਼ਾਬਾਂ ਦਾ ਵੀ ਚੰਨ ਲੈ ਕੇ ਮੱਸਿਆ ਦੀ ਰਾਤੀਂ ਬਹਿਣਾ ਏਂ

-----

ਹੁਣ ਆਦੀ ਚੁੱਪ ਦੇ ਹੋ ਗਏ ਹਾਂ ਅਦਾਲਤ ਤਿਰੀ ਖਲੋ ਗਏ ਹਾਂ,

ਹੁਣ ਤੇਰਾ ਅਦਲ ਉਡੀਕਾਂਗੇ ਨਾ ਚਾਹੀਏ ਪੈਣਾ ਸਹਿਣਾ ਏਂ

-----

ਮੁਹਤਾਜੀ ਹੈ ਬੇਕਦਰਾਂ ਦੀ ਬੇਗਰਜਾਂ ਦੀ ਬੇਸਬਰਾਂ ਦੀ,

ਜਿੱਧਰ ਨੂੰ ਉਂਗਲਾਂ ਹੋਣਗੀਆਂ ਓਧਰ ਹੀ ਪੈਣਾ ਵਹਿਣਾ ਏਂ

-----

ਹੁਣ ਸਜ਼ਾ ਕੀ ਏਸ ਖ਼ਤਾ ਦੀ ਹੈ ਜਿੰਦ ਪਾਤਰ ਨਾ ਦਇਆ ਦੀ ਹੈ,

ਮਜਬੂਰੀ ਵਿਚ ਮਕਾਨਾਂ ਨੂੰ ਹੁਣ ਘਰ ਹੀ ਪੈਣਾ ਕਹਿਣਾ ਏਂ।

-----

ਇਹ ਬੰਨ੍ਹ ਪਾਣੀ ਦਰਿਆਵਾਂ ਦੇ ਹੁਣ ਨਹਿਰਾਂ ਦੇ ਵਿਚ ਪਾਵਾਂਗੇ,

ਇਹ ਧਰਤੀ ਸਾਨੂੰ ਜੀਰੇਗੀ ਕੀ ਪੱਥਰਾਂ ਸੰਗ ਸ਼ੀਸ਼ੇ ਖਹਿਣਾ ਏਂ

-----

ਦੁਆ ਵਸਲਾਂ ਦੀ ਨਾ ਕਰਿਆ ਕਰ ਐਂਵੇਂ ਨਾ ਝੁਰ ਝੁਰ ਮਰਿਆ ਕਰ,

ਜੀਣਾ ਹੀ ਪੈਣਾ ਇੰਞ ਕੋਮਲ ਬਿਰਹਾ ਸ਼ਾਇਰੀ ਦਾ ਗਹਿਣਾ ਏਂ।

======

ਗ਼ਜ਼ਲ

ਕਦਰ ਦਾਨੋ ਕਦਰ ਕਰਨੀ ਸਿਖਾਵੋਗੇ ਕਦੋਂ ਤੀਕਰ?

ਇਹ ਸਾਥੋਂ ਦਰਦ ਕਾਗ਼ਜ਼ ਤੇ ਲਿਖਾਵੋਗੇ ਕਦੋਂ ਤੀਕਰ ?

-----

ਹੈ ਇਹਨਾਂ ਕਾਲੀਆਂ ਰਾਤਾਂ ਨੇ ਮੇਰਾ ਖਾ ਲਿਆ ਸੂਰਜ,

ਝਲਕ ਉਸ ਮੋਏ ਸੂਰਜ ਦੀ ਦਿਖਾਵੋਗੇ ਕਦੋਂ ਤੀਕਰ?

-----

ਇਕੱਲ ਦੀ ਕ਼ੈਦ ਵਿਚ ਤੜਪਾਂ ਮੁਹੱਬਤ ਦਾ ਜੁਰਮ ਕੀਤਾ,

ਜ਼ਮਾਨਤ ਕੌਣ ਦੇਵੇਗਾ ਛੁਡਾਵੋਗੇ ਕਦੋਂ ਤੀਕਰ?

-----

ਬਿਗਾਨੇ ਕਦ ਬਣਨ ਅਪਣੇ ਬਿਗਾਨੇ ਮੁਲਕ ਨਾ ਅਪਣੇ,

ਤੇ ਰਹਿ ਏਥੇ ਵਤਨ ਅਪਣਾ ਭੁਲਾਵੋਗੇ ਕਦੋਂ ਤੀਕਰ ?

-----

ਦਲੀਲਾਂ ਕੀ ਅਪੀਲਾਂ ਕੀ ਸੁਣੀ ਇਕ ਨਾ ਵਕੀਲਾਂ ਵੀ,

ਅਦਾਲਤ ਦਾ ਅਦਲ ਬਣਦਾ ਦਿਵਾਵੋਗੇ ਕਦੋਂ ਤੀਕਰ?

-----

ਸੰਭਾਲੀ ਦਿਲ ਹੈ ਇਕ ਹਸਰਤ ਨੇ ਦੀਦੇ ਦੀਦ ਦੇ ਭੁੱਖੇ,

ਘਰੋਂ ਮੁੜ ਗਏ ਸੱਜਣ ਮਿਲਾਵੋਗੇ ਕਦੋਂ ਤੀਕਰ ?

------

ਸਫ਼ਰ ਵਿਚ ਜ਼ਿੰਦਗੀ ਬੀਤੀ ਨਾ ਮੰਜ਼ਿਲ ਦਾ ਨਿਸ਼ਾਂ ਮਿਲਿਆ,

ਸਹੀ ਰਾਹਾਂ ਤੇ ਫੜ ਉਂਗਲ ਜੇ ਪਾਵੋਗੇ ਕਦੋਂ ਤੀਕਰ?

-----

ਸਿਵੇ ਦੀ ਲਾਟ ਹੈ ਕਹਿੰਦੀ ਬੜਾ ਹੈ ਬਖ਼ਸ਼ਿਆ ਤੈਨੂੰ,

ਜਸ਼ਨ ਬਸ ਆਖਰੀ ਹੋਣਾ ਮਨਾਵੋਗੇ ਕਦੋਂ ਤੀਕਰ ?

------

ਬੜਾ ਅਫ਼ਸੋਸ ਕੋਮਲ ਨੂੰ ਨਾ ਮਿਲਦੇ ਜੇ ਨਾ ਗੱਲ ਕਰਦੇ,

ਦਵੋ ਤਾਰੀਖ਼ ਇੱਕ ਪੱਕੀ ਕਿ ਆਵੋਗੇ ਕਦੋਂ ਤੀਕਰ?

1 comment:

rup said...

Komal Sahib,wah....