ਮੌਸਮ

ਆਰਸੀ ਤੇ ਨਵੀਆਂ ਰਚਨਾਵਾਂ

ਦੋਸਤੋ! ਜਿਵੇਂ ਕਿ ਤੁਸੀਂ ਜਾਣਦੇ ਹੀ ਹੋ ਕਿ ਆਰਸੀ ਨੂੰ Facebook ਅਤੇ Twitter ਨਾਲ਼ ਵੀ ਜੋੜ ਦਿੱਤਾ ਗਿਆ ਹੈ। ਜੇਕਰ ਤੁਹਾਡੇ ਕੋਲ਼ ਇਹਨਾਂ ਸਾਈਟਾਂ ਤੇ ਅਕਾਊਂਟ ਹਨ, ਤਾਂ ਤੁਸੀਂ ਆਰਸੀ ਬਲੌਗ ਨੂੰ ਓਥੋਂ ਵੀ join ਅਤੇ follow ਕਰ ਸਕਦੇ ਹੋ। ਲਿੰਕ ਹੇਠਾਂ ਦਿੱਤੇ ਜਾ ਰਹੇ ਹਨ। ਹੁਣ ਤੱਕ ਤੁਹਾਡੇ ਦਿੱਤੇ ਹਰ ਸਹਿਯੋਗ ਲਈ ਮਸ਼ਕੂਰ ਹਾਂ।
ਅਦਬ ਸਹਿਤ
ਤਨਦੀਪ ਤਮੰਨਾ



Monday, August 16, 2010

ਪਾਲ ਢਿੱਲੋਂ - ਗ਼ਜ਼ਲ

ਗ਼ਜ਼ਲ

ਮਖ਼ਮਲੀ ਪੈਰਾਂ ਚ ਫੁੱਲਾਂ ਪਹਿਨੀਆਂ ਜਦ ਝਾਂਜਰਾਂ।

ਨੱਚ ਉੱਠੇ ਪੌਣ ਬੁੱਲੇ ਛਣਕੀਆਂ ਜਦ ਝਾਂਜਰਾਂ।

-----

ਫੁੱਲ ਵੀ ਰੋਂਦੇ ਮੈਂ ਦੇਖੇ ਮਹਿਕ ਦੇਖੀ ਸਿਸਕਦੀ,

ਤਿਤਲੀਆਂ ਮਾਯੂਸ ਹੋਈਆਂ ਸਿਸਕੀਆਂ ਜਦ ਝਾਂਜਰਾਂ।

-----

-----

ਸੋਚਦਾ ਹਾਂ ਮੈਂ ਕਿ ਸ਼ਾਇਦ ਰੋ ਰਿਹਾ ਹੁੰਦਾ ਖ਼ੁਦਾ,

ਬੇ-ਵਜ੍ਹਾ, ਬੇ-ਵਕ਼ਤ ਦਿਸੀਆਂ ਮਰਦੀਆਂ ਜਦ ਝਾਂਜਰਾਂ।

-----

ਸੱਤਰੰਗੀ ਪੀਂਘ ਨੂੰ ਵੀ ਸੋਚਣਾ ਪੈਣਾ ਉਦੋਂ,

ਖ਼ੂਬਸੂਰਤ ਬਣ ਸੰਵਰ ਕੇ ਨਿਕਲ਼ੀਆਂ ਜਦ ਝਾਂਜਰਾਂ।

-----

ਰਾਤ ਦਾ ਹਰ ਪਲ ਨਸ਼ੇ ਵਿਚ ਝੂਮਦਾ ਮੈਂ ਦੇਖਿਆ,

ਭਰ ਜਵਾਨੀ ਦੇ ਨਸ਼ੇ ਵਿਚ ਝੂਮੀਆਂ ਜਦ ਝਾਂਜਰਾਂ।

-----

ਪਤਝੜਾਂ ਵਿਚ ਵੀ ਬਹਾਰਾਂ ਦਾ ਨਜ਼ਾਰਾ ਆ ਗਿਆ,

ਸੋਗ ਦੇ ਮੌਸਮ ਚ ਵੀ ਸਨ ਮਹਿਕੀਆਂ ਜਦ ਝਾਂਜਰਾਂ।

-----

ਲਗ ਰਿਹਾ ਸੀ ਅੰਬਰੋਂ ਆਈਆਂ ਨੇ ਤੇਰੇ ਸ਼ਹਿਰ ਵਿਚ,

ਪਾਲ ਪਰੀਆਂ ਵਾਂਗ ਸਜੀਆਂ ਦੇਖੀਆਂ ਜਦ ਝਾਂਜਰਾਂ।

No comments: