ਮੌਸਮ

ਆਰਸੀ ਤੇ ਨਵੀਆਂ ਰਚਨਾਵਾਂ

ਦੋਸਤੋ! ਜਿਵੇਂ ਕਿ ਤੁਸੀਂ ਜਾਣਦੇ ਹੀ ਹੋ ਕਿ ਆਰਸੀ ਨੂੰ Facebook ਅਤੇ Twitter ਨਾਲ਼ ਵੀ ਜੋੜ ਦਿੱਤਾ ਗਿਆ ਹੈ। ਜੇਕਰ ਤੁਹਾਡੇ ਕੋਲ਼ ਇਹਨਾਂ ਸਾਈਟਾਂ ਤੇ ਅਕਾਊਂਟ ਹਨ, ਤਾਂ ਤੁਸੀਂ ਆਰਸੀ ਬਲੌਗ ਨੂੰ ਓਥੋਂ ਵੀ join ਅਤੇ follow ਕਰ ਸਕਦੇ ਹੋ। ਲਿੰਕ ਹੇਠਾਂ ਦਿੱਤੇ ਜਾ ਰਹੇ ਹਨ। ਹੁਣ ਤੱਕ ਤੁਹਾਡੇ ਦਿੱਤੇ ਹਰ ਸਹਿਯੋਗ ਲਈ ਮਸ਼ਕੂਰ ਹਾਂ।
ਅਦਬ ਸਹਿਤ
ਤਨਦੀਪ ਤਮੰਨਾ



Wednesday, August 18, 2010

ਜਗਜੀਤ ਸੰਧੂ - ਗ਼ਜ਼ਲ

ਗ਼ਜ਼ਲ

ਮੇਰੇ ਮਨ ਚ ਉਪਜੇ ਵਿਕਾਰਾਂ ਦੇ ਆਖੇ।

ਮੈਂ ਅੱਜ ਕੱਲ੍ਹ ਜਿਓਨਾਂ ਬਾਜ਼ਾਰਾਂ ਦੇ ਆਖੇ।

-----

ਕਿਸੇ ਝੌਂਪੜੀ ਚ ਰੁਮਕਦੀ ਰੁਮਕਦੀ,

ਹਵਾ ਰੁਕ ਗਈ ਏ ਮੀਨਾਰਾਂ ਦੇ ਆਖੇ।

-----

-----

ਸ਼ਹਿਰ ਦੇ ਬਗ਼ੀਚੀਂ ਕਈ ਜੁਗਨੂੰਆਂ ਨੇ,

ਹੈ ਜਗਮਗ ਲਕੋਈ ਮਜ਼ਾਰਾਂ ਦੇ ਆਖੇ।

-----

ਹਨੇਰੇ ਦੀ ਆਮਦ ਖਰੇ ਟਲ਼ ਹੀ ਜਾਵੇ,

ਤੇਰੇ ਚੰਦ ਰੌਸ਼ਨ ਵਿਚਾਰਾਂ ਦੇ ਆਖੇ।

-----

ਧੁਨਾਂ ਸੁਣ ਕੇ ਦਿਲ ਚੋਂ ਉਹ ਚੁਪ ਹੋ ਗਿਆ ਹੈ,

ਜੋ ਗੌਂਦਾ ਸੀ ਨਿਸ-ਦਿਨ ਸਿਤਾਰਾਂ ਦੇ ਆਖੇ।

-----

ਓੜਕ ਉਹ ਮੇਰੇ ਕਲ਼ਾਵੇ ਚ ਆਈ,

ਜਿਮੀਂ ਖੁਰ ਗਈ ਆਬਸ਼ਾਰਾਂ ਦੇ ਆਖੇ।

------

ਮੈਂ ਰੰਗਾਂ ਦੀ ਤਿਲਸਮ ਆਪਾ ਗੁਆ ਕੇ,

ਹਾਇ ! ਫੇਰ ਲੱਗਿਆ ਬਹਾਰਾਂ ਦੇ ਆਖੇ।

-----

ਸਖੀਆਂ ਨ ਹਮਦਮ, ਅੰਮੜੀ ਨ ਬਾਬਲ,

ਮਨਾਂ ਧੀਰ ਕਰ ਲੈ ਕੁਹਾਰਾਂ ਦੇ ਆਖੇ।


No comments: