ਮੌਸਮ

ਆਰਸੀ ਤੇ ਨਵੀਆਂ ਰਚਨਾਵਾਂ

ਦੋਸਤੋ! ਜਿਵੇਂ ਕਿ ਤੁਸੀਂ ਜਾਣਦੇ ਹੀ ਹੋ ਕਿ ਆਰਸੀ ਨੂੰ Facebook ਅਤੇ Twitter ਨਾਲ਼ ਵੀ ਜੋੜ ਦਿੱਤਾ ਗਿਆ ਹੈ। ਜੇਕਰ ਤੁਹਾਡੇ ਕੋਲ਼ ਇਹਨਾਂ ਸਾਈਟਾਂ ਤੇ ਅਕਾਊਂਟ ਹਨ, ਤਾਂ ਤੁਸੀਂ ਆਰਸੀ ਬਲੌਗ ਨੂੰ ਓਥੋਂ ਵੀ join ਅਤੇ follow ਕਰ ਸਕਦੇ ਹੋ। ਲਿੰਕ ਹੇਠਾਂ ਦਿੱਤੇ ਜਾ ਰਹੇ ਹਨ। ਹੁਣ ਤੱਕ ਤੁਹਾਡੇ ਦਿੱਤੇ ਹਰ ਸਹਿਯੋਗ ਲਈ ਮਸ਼ਕੂਰ ਹਾਂ।
ਅਦਬ ਸਹਿਤ
ਤਨਦੀਪ ਤਮੰਨਾ



Tuesday, September 21, 2010

ਜਗਜੀਤ ਸੰਧੂ - ਗ਼ਜ਼ਲ

ਗ਼ਜ਼ਲ

ਲਮਹਾ ਲਮਹਾ ਗ਼ੁਜ਼ਾਰਿਆ ਹੈ ਕਿਵੇਂ,

ਕਿਣਕਾ ਕਿਣਕਾ ਹਿਸਾਬ ਦੇਂਦੀ ਹੈ।

ਪੌਣ ਆ ਆ ਸੁਆਲ ਕਰਦੀ ਹੈ,

ਰੇਤ ਉੱਡ ਉੱਡ ਜੁਆਬ ਦੇਂਦੀ ਹੈ।

-----

ਮੇਰੇ ਜੋੜਾ ਹੀ ਮੇਚ ਨਾ ਆਵੇ,

ਜ਼ਿੰਦਗੀ ਤਾਂ ਸਫ਼ਰ ਦੇ ਗੀਤ ਕਹੇ,

ਮੇਰੇ ਪੈਰੀਂ ਵਿਛਾਂਵਦੀ ਰਾਹਾਂ,

ਮੇਰੇ ਹੱਥੀਂ ਰਬਾਬ ਦੇਂਦੀ ਹੈ।

-----

ਮੈਂ ਸੁਖ਼ਨਵਰ ਸੁਖ਼ਨ ਸਕੂਨ ਮੇਰਾ,

ਮੈਂ ਹਾਂ ਕੁਦਰਤ ਦਾ ਲਾਡਲਾ ਕੋਈ,

ਮੈਨੂੰ ਅੰਬਰ ਅਸੀਸ ਦਿੰਦਾ ਹੈ,

ਮੈਨੂੰ ਧਰਤੀ ਸਵਾਬ ਦੇਂਦੀ ਹੈ।

----

ਜਿਹਦੇ ਅੰਬਰ ਤਲਾਸ਼ ਕਰਦੇ ਨੇ,

ਮੇਰੀਆਂ ਗੁਮਸ਼ੁਦਾ ਉੜਾਨਾਂ ਦੀ,

ਕੋਸੇ ਸਾਹੀਂ ਤੇ ਮਹਿਕਦੇ ਹੱਥੀਂ ,

ਖੁਣ ਹਿੱਕ ਤੇ ਉਕਾਬ ਦੇਂਦੀ ਹੈ।

1 comment:

Sandip Sital said...

ਬਹੁਤ ਖ਼ੂਬ ! ਜਗਜੀਤ ਜੀ
ਪੌਣਾ ਦੇ ਸਵਾਲ ਰੇਤ ਦੇ ਜੁਆਬ ...