ਧੰਨਵਾਦ: ਇਕਵਿੰਦਰ ਜੀ ਦਾ ਜਿਨ੍ਹਾਂ ਨੇ ਇਹ ਗ਼ਜ਼ਲ ਆਰਸੀ ਪਰਿਵਾਰ ਨਾਲ਼ ਸਾਂਝੀ ਕਰਨ ਲਈ ਭੇਜੀ। ******
ਗ਼ਜ਼ਲ
ਤੈਨੂੰ ਚੇਤੇ ਕਰਦੇ-ਕਰਦੇ।
ਜੀ ਉਠਿਆ ਮੈਂ ਮਰਦੇ-ਮਰਦੇ।
-----
-----
ਜਾਂ ੳਹਨੂੰ ਕੁਝ ਦੇ ਕੇ ਮੋਤੀ,
ਜਾਂ ਫਿਰ ਮੈਨੂੰ ਪੱਥਰ ਕਰਦੇ।
-----
ਮੁਖੜੇ ਤੋਂ ਸਰਕਾ ਕੇ ਪਰਦਾ,
ਚੰਨ ਨੂੰ ਪਾਣੀ-ਪਾਣੀ ਕਰਦੇ।
-----
ਕਿੰਨੇ ਵੀ ਹੱਥ-ਪੈਰ ਉਹ ਮਾਰਨ,
ਤੇਰੇ ਡੋਬੇ ਨਹੀਓਂ ਤਰਦੇ।
-----
ਚੰਗੇ ਬੰਦੇ , ਗੱਲ ਹਮੇਸ਼ਾ,
ਚੰਗੀ ਸੁਣਦੇ, ਚੰਗੀ ਕਰਦੇ।
-----
ਤੇਰੇ ਅੱਗੇ ਜ਼ੋਰ ਹੈ ਕਾਹਦਾ ?
ਤੇਰੀ ਮਰਜ਼ੀ ਜੋ ਵੀ ਕਰਦੇ।
-----
ਉਹ ਵੀ ਜੀਵਨ ਕਾਹਦਾ ਜੀਵਨ,
ਜਿਹੜਾ ਲੰਘੇ ਡਰਦੇ-ਡਰਦੇ।
-----
ਤਾਂ ਵੀ ‘ਨੂਰ’ ਨਜ਼ਰ ਆਏਗਾ,
ਭਾਵੇਂ ਕਿੰਨੇ ਪਰਦੇ ਕਰਦੇ।
No comments:
Post a Comment